konka coffee
KONKA

AMAKURU

UKWEZI

Bishop Rugagi yahanuriye umukobwa wanze umupfumu akamutongera ko atazarongorwa

 Bishop Rugagi yahanuriye umukobwa wanze  umupfumu akamutongera ko atazarongorwa
9-11-2017 saa 11:37' | By Akayezu Jean de Dieu | Yasomwe n'abantu 6851 | Ibitekerezo

Bishop Rugagi Innocent uyobora Itorero Abacunguwe (Redeemed Gospel Church) yahanuriye umukobwa wamubwiye ko yigeze gukundana n’umupfumu atabizi nyuma aho abimenyeye amwanze umupfumu asigarana ifoto ye none ngo yirirwa ayikoreraho

Uyu muvugabutumwa ukomeje kugenda akora ibitangaza abinyujije mu mabanga y’Imana (Ubuhanuzi), kuri uyu wa Gatatu tariki 8 Ugushyingo 2017, nk’uko asanzwe abikora mu gihe aba ayoboye amateraniro, yafashe umwanya uhagije wo wo guhanurira abakirisitu ababwira bimwe mu byo banyuze mu bihe byatambutse ndetse akanababwira umugambi Imana ibafiteho mu bihe biri imbere.

Nk’uko byatangajwe n’Urubuga rw’iri torero, Bishop Rugagi yahanuriye bamwe mu bakirisiti be aza kugera ku mukobwa amubwira uburyo yigeze gukundana n’umupfumu mu buryo atazi ariko nyuma yaza kubimenya agahita amwanga, ariko kuko umupfumu yari afite ifoto y’uyu mukobwa ngo yayishyize imbere ye yirirwa yirahira ayitongera kugira ngo ntazabone umugabo umubenguka ngo abe yarongorwa.

Bishop Rugagi akimara kumva agahinda k’uyu mukobwa yahise amubwira ko agomba kumusengera akamubohora maze ibyo yavuzweho kwa satani byose akabitesha agaciro.

Ati “Hatungimana niyo mpamvu ugomba kuyitunga ugatandukana n’ibibi byose. Ibyo bakuvuzeho kwa satani ndabivugurije mu izina rya Yesu. Ariko nawe ugomba kurinda agakiza kawe.”

Uyu mukobwa kandi yakomeje abwira Bishop Rugagi ko kuva yatandukana n’uyu mupfumu atongeye kugira urukundo ruhamye dore ko ngo yagiye akundana n’abasore benshi byagera nyuma bigapfa. Yavuze ko hari n’uwo ubukwe bwapfuye ku munota wa nyuma agiye no kuzana inkwano ariko umukobwa agategereza umusore akamubura.

Uyu mukobwa yabwiwe na Bishop ko ubukwe bwe bugiye gutaha mu bihe bya vuba ariko nawe asabwa kurinda agakiza ke
Bishop Rugagi Innocent uyobora Itorero Abacunguwe


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...