konka coffee
KONKA

AMAKURU

UKWEZI

Bishop Rugagi yaherewe impano y’imodoka nziza i Burayi (Amafoto)

Bishop Rugagi yaherewe impano y’imodoka nziza i Burayi (Amafoto)
22-10-2017 saa 10:52' | By Vincent Nsengiyumva | Yasomwe n'abantu 6264 | Ibitekerezo 1

Bishop Rugagi Innocent uyobora itorero Redeemed Gospel Church, yakuye imodoka nziza mu Burayi yahawe n’umupasiteri w’i Bruxelles nk’impano, aho yari amaze iminsi azenguruka mu mijyi itandukanye avuga ubutumwa bwiza kuri uyu mugabane.

Bishop Rugagi ni umwe mu bavugabutumwa bo mu Rwanda bamaze kumenyekana cyane bitewe ahanini n’ibitangaza agenda akora akaba anamaze kwigarurira imitima ya benshi bakururwa n’ibitangaza.

Bishop Rugagi wari umaze iminsi azenguruka mu bihugu by’i Burayi agenda abwiriza ubutumwa mu biterane bitandukanye, yaje guhabwa impano y’imodoka nziza n’umupasiteri witwa Bishop David uyobora Itorero ryitwa MICA rikorera mu mujyi wa Bruxelles.

Uyu Bishop David uyobora itorero ryitwa MICA ngo yakurikiranye inyigisho za Rugagi ubwo yari ku munsi we wa Kabiri w’igiterane, maze yumva aranyuzwe arishima cyane maze ahita amuha imodoka yo mu bwoko bwa Benze Classic C220 nk’impano yo kumushimira ku bw’amavuta afite.

Bishop Rugagi wageze ku Kibuga cy’indege i Kanombe mu ijoro ryo ku wa Kane akubutse mu Burayi, yatangaje ko yagiriye ibihe byiza mu biterane yari yitabiriye anagaruka ku modoka yahawe na mugenzi we w’itorero rya MICA, Bishop David avuga ko mu minsi mike izaba yamugezeho ngo kuko yasize hari gushakwa uburyo izoherezwa.

Yagize ati “Ubwo nari nshoje ubuhanuzi ndetse no gufasha abantu batandukanye, Bishop David yarahagurutse anezerewe cyane aranshimira hanyuma ampa impano y’imodoka yo mubwoko bwa Benze Classic C220.”

Bishop Rugagi kandi yanavuze ko agiye gushyira imbaraga zidasanzwe mu masengesho ye ya buri munsi kugira ngo Abanyaburayi bamenye ko ari kumwe nabo kandi bakomeze kubona ibisubizo by’ibyo abasabira iyo abasengera ndetse ngo n’ibyo akora byose babiboneremo umuti w’ibyo bifuza byose.


INKURU ZA :
Tanga Igitekerezo
Ibitekerezo 1
makanzu benjamin Kuya 22-10-2017

imitwe.com ngo amavuta ese nayubuto cyangwa namesa yacongo cyangwa burundi mr:rugagi. sumukozi wimana kuko imana ntiyangaja ntinahemba rugagi nirwiyeza mirimonkabandi ikinyoma.com

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...