konka coffee
KONKA

AMAKURU

UKWEZI

Bishop Rugagi yasengeye umugore wasambanyijwe n’umupfumu amwizeza urubyaro

Bishop Rugagi yasengeye umugore wasambanyijwe n’umupfumu amwizeza urubyaro
29-08-2017 saa 17:03' | By Vincent Nsengiyumva | Yasomwe n'abantu 4906 | Ibitekerezo

Bishop Rugagi Innocent uyobora itorero Abacunguwe (Redeemed Gospel Church), aherutse gusengera umugore wari warasambanyijwe n’umupfumu amubeshya ko ari kumukura imyaku n’imikoshi mu myanya ye y’ibanga yatumaga atabona urubyaro. Akimara kumusengera Bishop Rugagi yahise amubwira ko ababariwe anamwizeza ko azabona urubyaro vuba cyane.

Ibi byabaye mu materaniro yabaye mu cyumweru gishije ubwo Bishop Rugagi yari ageze mu mwanya w’ubuhanuzi ngo yageze mu ruhande uyu mugore yari yicayemo maze arahagarara ahita atangira guhanura ko yeretswe umugore uherutse kujya mu bapfumu gusaba urubyaro ndetse umupfumu akanamusambanya amubeshya ko aribwo azabona urubyaro.

Yagize ati " Aha hari umugore wabuze urubyaro kandi yagiye mu bapfumu kenshi bamwizeza kubyara kugeza aho umupfumu yamubwiye ko imyaku iri mu myanya ye y’ibanga kandi ko igomba kumarwa n’uko basambanye akayimukiza. Imana nkorera imbwiye ko kubohoka kwawe ari uyu munsi. Haguruka aho uri Imana igukize uwo muvumo.”

Nk’uko ikinyamakuru Abacunguwe.org cy’iro torero dukesha iyi nkuru kibitangaza, Bishop Rugagi akimara kuvuga aya magambo, uyu mugore yabanje kugira ubwoba akomeza kwiyicarira maze Bishop akomeje kugaragaza ibimenyetso bimuranga kugeza n’aho yavuze imyaka ye y’amavuko ndetse n’aho umupfumu atuye, umugore yaje gufata umwanzuro maze arahaguruka aratura arabivuga anasaba Imana imbabazi maze yizezwa ko ababariwe kandi ko agiye kubona urubyaro vuba cyane.

Uretse uyu mugore wahanuriye maze akanasengerwa akabohoka ngo hari n’undi mukobwa wari wararozwe kuzahera ku ishyiga ariko nawe Bishop yahanuriye maze amwizeza ko agiye gusubira ibwana akabona abasore bamurambagiza.Bishop yamwijeje ko nawe ibyo yari yararozwe yabyirukanye maze amubira ko azabona umugabo.

Uyu mukobwa nawe ubwo Bishop yamuvugaga, yabanje kugira isoni zo guhaguruka, bigera aho Bishop avuze izina rye, aho atuye ndetse n’aho akomoka, nawe aza gufata umwanzuro wo guhaguruka.

Uyu mukobwa akimara guhaguruka yagize ati " Ba marume barirahiye ngo nta mwishywa wabo uzapfa ushatse, ngo twese tuzahera kw’ishyiga.”

Bishop yamubwiye ko Imana imubwiye ko agiye gusubirana itoto ndetse atazagwa ku ishyiga ahubwo azubaka urugo rwe.


Bishop Rugagi ubwo yavugaga ibimenyetso by’umugore wasambanjijwe n’umupfumu

Abari mu iteraniro batangajwe n’ibitangaza Bishop akomeje gukora maze bose bazamura amaboko baha Imana icyubahiro

Uyu mugore akimara guhanurirwa yashimye Imana maze yizezwa ko azabona urubyaro vuba


Bishop Rugagi yanahanuriye kandi umukobwa wari warazingiwe ku ishyiga amubwira ko azasubira ibwana akanabona umugabo vuba

JPEG - 197.4 kb

INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...