konka coffee
KONKA

AMAKURU

UKWEZI

Bishop Rugagi yemeza ko intwaro afite ari imbunda ye adakeneye ko hari uzayimutwaza

Bishop Rugagi yemeza ko intwaro afite ari imbunda ye adakeneye ko hari uzayimutwaza
10-10-2017 saa 14:16' | By Akayezu Jean de Dieu | Yasomwe n'abantu 4418 | Ibitekerezo 1

Bishop Rugagi Innocent uyobora Itorero Abacunguwe mu Rwanda (Redeemed Gospel Church) yavuze ko muri iki gihe ibintu ashyize imbere y’ibindi byose ari ugusenga ndetse no gusoma ijambo ry’Imana ari nayo mpamvu atazongera gufasha imbunda ye hasi (Bibiliya) cyangwa ngo hagire uyimutwaza.

Ibi Bishop Rugagi yabigarutseho mu mpera z’icyumweru gishize ubwo yari ayoboye amateraniro yiswe ‘Igicaniro’ Ubwo cyari kibaye ku munsi wacyo wa kabiri, aho muri iri teraniro yongeye kuvuga ko ibihe arimo ari ibyo gukora cyane no kwegera Imana kugira ngo irusheho kumwiyereka no kumukoresha ibinyujije mu bitangaza agenda akorera abayoboke.

Yagize ati “Muri iki gihe ibintu nshyize imbere y’ibindi byose ubu ni ugusenga ndetse no gusoma ijambo ry’Imana. Rero nta protocole igomba kuntwaza Bibiliya yanjye nzajya nyitwaza kuko ari yo mbunda yanjye (Aha yasobanuraga ko imbunda y’umuntu agenda ayitwaje hafi cyane, kuko iba ari intwaro)”

Bishop Rugagi kandi yongeye gukomoza ku bantu bakomeje guhinyuza ibitangaza akora ndetse n’abavuga ko atazura abapfuye avuga ko uko bamusebya ariko nawe akomeza umurego mu gusenga Imana, akagira ibihe bidasanzwe byo gusenga Imana, hanyuma Imana yo mu ijuru nayo ikamwiyereka mu bundi buryo budasanzwe, n’ibyo atarakora akabikora kuko Imana yabisezeranyije intumwa zayo.

Nk’uko bigaragara ku rubuga rw’itorero Abacunguwe, Bishop Rugagi yabivuze yifashishije ibanditse muri Matayo 10:8 hagira hati “Mukize abarwayi, muzure abapfuye, mukize ababembe, mwirukane abadayimoni. Mwaherewe ubusa, namwe mujye mutangira ubundi.


INKURU ZA :
Tanga Igitekerezo
Ibitekerezo 1
Ngabo Kuya 10-10-2017

Leta yari ikwiye guhagurukira bene aba bantu.bamaze kuba benshi kandi abakene nibo usanga batanga udufaranga twabo babeshywa ibitangaza

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...