konka coffee
KONKA

AMAKURU

UKWEZI

Bishop Sibomana na Tom Rwagasana bambuwe inshingano zose muri ADEPR

Bishop Sibomana na Tom Rwagasana bambuwe inshingano zose muri ADEPR
7-10-2017 saa 17:05' | By Akayezu Jean de Dieu | Yasomwe n'abantu 4911 | Ibitekerezo 2

Bishop Sibomana Jean wahoze ari Umuvugizi mukuru w’itorero rya ADEPR mu Rwanda na Tom Rwagasana wari umuvugizi wungirije bamaze guhagarikwa no kwamburwa inshingano zose zijyanye n’umurimo w’Ubupasiteri mu itorero rya ADEPR nyuma yo kuvugwaho imyitwarire mibi ijyanye no gucunga nabi umutungo w’iri torero ndetse bakaza kujyanwa mu nkiko

Inama y’abagize biro nyobozi ya ADEPR yateranye kuri uyu wa Kane tariki 05 Ukwakira 2017, yahagaritse Tom Rwagasana muri iri torero nk’uko bigaragara mu ibaruwa Ikinyamakuru Ukwezi.com gifitiye kopi, uyu Bishop Sibomana wahoze ari umuvugizi mukuru na Rwagasana wahoze ari umuvugizi wungirije wa ADEPR bakaza gukurwa kuri iyi mirimo

Iyi baruwa igira iti “Dushingiye ku myitwarire n’imicungire mibi y’umutungo no kutaba inyangamugayo muri ibyo nk’uko bigaragara muri raporo y’igenzura ku mikoreshereze y’umutungo w’itorero rya ADEPR, dushingiye kandi ku mwanzuro wa biro nyobozi ya ADEPR yateranye tariki 05 Ukwakira 2017, tubabajwe no kubamenyesha ko mwambuwe inshingano za Gipasiteri uhereye none tariki 06 Ukwakira 2017”

Tariki 17 Kanama 2017, nibwo Urukiko rukuru rwarekuye by’agateganyo uyu Bishop Tom Rwagasana wari ukurikiranyweho ibyaha byo kunyereza umutungo w’iri torero. Uru rukiko rufashe uyu mwanzuro nyuma y’uko Bishop Rwagasana yari yajuririye ifungwa rye aho yavugaga ko afite uburwayi bukomeye kandi butavurirwa mu Rwanda.

Tom Rwagasana yari afunganye na bagenzi be bayoboranaga ADEPR bagera kuri batandatu barimo Mutuyemariya Christine wari muri Komite Nyobozi y’Itorero ADEPR ashinzwe ubukungu n’imari, Pasiteri Eng. Theophile Sindayigaya wari ushinzwe inyubako muri ADEPR , Gasana Valens wari ushinzwe icungamutungo ,Pasiteri Salton Niyitanga wakoraga mu biro bye nk’umunyamabanga bose urukiko rukaba rwari rwategetse ko bakomeza gufungwa by’agateganyo kuko ubujurire bwabo nta shingiro bwari bufite. Bishop Tom Rwagasana n’abo bari bafatanije kuyobora ADEPR barimo Mutuyemariya Christine wari ushinzwe imari n’ubukungu na Gasana Valens wari ushinzwe icungamutungo muri ADEPR none kuri ubu aba bo bari muri gereza


INKURU ZA :
Tanga Igitekerezo
Ibitekerezo 2
HAKIZIMANA FAIDHA PATRICK Kuya 9-10-2017

nabo bayobozi ibyo bakoze bibabere isomo ko nabo nibaramuka batatiriye indahiro , Uwiteka atazabareka ngo basebye itorero ry’Imana ariko ibintu bibera mu isi nihatali kabisa

binel Kuya 8-10-2017

yewe iby isi nihasi hejuru nonese aba bagabo ntibicaga bagakiza uko bashatse bakirukana cyangwa bagahanura umuntu Ku ntara bakamuha pparuwasi cyangwa umudugudu. none nibajya gusenga bazajya bicara mu bakristo kandi aho bajyaga abashumba baho batitiraga ukumirwape. ahaaaaa ndumiwe

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...