konka coffee
KONKA

AMAKURU

UKWEZI

Byakaze muri ADEPR, barashinja bamwe gukorana n’umwanzi no kubangamira amatora ya Perezida

Byakaze muri ADEPR, barashinja bamwe gukorana n’umwanzi no kubangamira amatora ya Perezida
14-10-2016 saa 17:00' | By Chief Editor | Yasomwe n'abantu 23357 | Ibitekerezo 43

Ibintu byafashe indi ntera mu Itorero rya Pantikote mu Rwanda rizwi nka ADEPR, nyuma ya bombori bombori yatumye bamwe mu ba pasiteri b’iri torero hamwe n’abakirisitu batandukanye bandikira inzego nkuru z’ubuyobozi bw’igihugu basaba abayobozi babo kwegura, ubu noneho ubuyobozi bwa ADEPR burashinja bamwe mu bapasiteri n’abandi bayoboke banditse iyo baruwa ko bakorana n’imitwe irwanya Leta y’u Rwanda, ikindi ngo barashaka guhungabanya umudendezo w’abanyarwanda mu gihe hitegurwa amatora ya Perezida wa Repubulika azaba mu mwaka utaha wa 2017. Ibi ariko byababaje ababivuzweho, bahita bandikira inzego nkuru z’igihugu zifite umutekano mu nshingano, bandika batakamba bishinganisha kuko basanga bashobora kugirirwa nabi.

Nk’uko twabibagejejeho mu nkuru yacu yo kuwa Gatatu tariki 12 Ukwakira 2016, hari abapasiteri, abadiyakoni n’abayoboke bo mu nzego zitandukanye z’itorero rya ADEPR bagera kuri 25, baherutse kwandikira abayobozi bakuru b’igihugu cy’u Rwanda basaba ko abayobozi ba ADEPR bakwegura cyangwa bakeguzwa kubera amakosa bagaragaje.

JPEG - 152.7 kb

Jean Sibomana; umuyobozi mukuru wa ADEPR

Mu ibaruwa Ikinyamakuru Ukwezi.com twabashije kubonera kopi yandikiwe Ikigo cy’igihugu cy’Imiyoborere (RGB) hakamenyeshwa na Minisitiri w’Intebe, Perezida w’Inteko Ishinga Amategeko umutwe wa SENA, Perezida w’Inteko Ishinga Amategeko umutwe w’abadepite, Minisitiri w’Ubutegetsi bw’igihugu na Perezida wa Komisiyo y’Ubumwe n’Umwiyunge, hagaragaramo ibirego byinshi bishingirwaho basaba ko abagize nyobozi ya ADEPR bakwegura nta mananiza, ndetse kopi dufite igaragaza ko aba bayobozi bakuru b’igihugu bose bakiriye aya mabaruwa bandikiwe.

Abashyize umukono kuri iyi baruwa, ni abantu bagera kuri 25 barimo abapasiteri, abavugabutumwa, abadiyakoni, abarimu n’abayoboke basanzwe bo mu itorero rya ADEPR. Buri umwe yashyize umukono kuri iyi baruwa, anashyiraho nimero ye ya telefone kuburyo uwamushaka yabasha kumubona agasobanura ibyo banditse n’impamvu yabyo, ndetse ibi banabikoze kugirango bagaragaze ko nta wasinye wa baringa urimo nk’uko bamwe mu baganiriye n’ikinyamakuru Ukwezi.com babishimangira.

SOMA INKURU BIJYANYE HANO: Umuriro watse muri ADEPR, baregewe RGB, Minisitiri w’Intebe, Abadepite, SENA n’abandi

Banditse bashinja abayobozi ba ADEPR ibyaha birimo ubwambuzi, kunyereza amafaranga y’abayoboke yo mu kigega SICO, kwiyegurira umutungo wari uwa ADEPR babicishije muri Dove Hotel n’ibindi byinshi birimo no guhindura imyizerere y’itorero no kwizamura mu ntera.

JPEG - 79.3 kb

Tom Rwagasana; uyu niwe muyobozi mukuru wungirije wa ADEPR

Nyuma yo kumenya ko barezwe, ubuyobozi bwa ADEPR bwatangaje ko abanditse bakorana n’imitwe irwanya Leta y’u Rwanda ndetse bakaba bashaka no kubuza umudendezo abanyarwanda, bakabangamira n’amatora ya Perezida. Ruzibiza Viateur ushinzwe itangazamakuru yagize ati: "Ibyo banditse bakabishyikiriza inzego zitandukanye nta shingiro bifite. Izi nzego bandikiye zizi ibikorwa by’Iterambere itorero rimaze kugeza ku Banyarwanda, kandi inyinshi muri zo turi abafatanyabikorwa cyane cyane nka komisiyo y’Ubumwe n’Ubwiyunge n’izindi... Icyo bashaka se ni iki? Ni ugushyusha imitwe no guhungubanya umudendezo w’abanyarwanda. Icyo twasaba ni ukureba neza niba aba bantu badafitanye isano n’abarwanya Leta kuko urabona turitegura amatora ya 2017 (ya Perezida wa Repubulika) kandi bazi ko ADEPR ifite abayoboke benshi, iyo banyuzemo rero bitwaje impamvu z’impimbano baba bashaka kubangamira iterambere ry’igihugu."

Ibi byahagurukije abari bandikiye inzego nkuru z’igihugu, bahita bandikira Minisitiri w’Ubutabera bw’u Rwanda, bamenyesha Minisitiri w’Ingabo, Minisitiri w’Ubutegetsi bw’igihugu, Umushinjacyaha mukuru w’u Rwanda, Umugenzacyaha mukuru ndetse n’Umunyamabanga Nshingwabikorwa wa Komisiyo y’igihugu y’amatora. Mu ibaruwa banditse dufitiye kopi igaragaza ko izi nzego zayakiriye, banditse bishinganisha bavuga ko ubuzima bwabo bushobora guhungabanywa igihe icyo ari cyo cyose.

Bavuga ko kuba ubuyobozi bwa ADEPR buhagarariwe na Jean Sibomana na Tom Rwagasana babashinja kugirana isano n’abarwanya igihugu, kuba bashaka kubangamira amatora ya Perezida wa Repubulika azaba muri 2017 no kuba babangamira Iterambere ry’igihugu, basanga ari ubugome bwinshi bafite bityo bagasaba ko izi nzego zabarindira umutekano.

JPEG - 98.2 kb

Ruzibiza Viateur; Pasiteri ushinzwe itangazamakuru muri ADEPR

Ikinyamakuru Ukwezi.com cyavuganye na Ruzibiza Viateur Ushinzwe Itangazamakuru muri ADEPR, tumubaza iby’uko aba banditse baba bakorana n’Abarwanya Leta ndetse bashaka gutambamira amatora nk’uko aherutse kubivuga ndetse tumubaza n’aho byaba bihuriye n’ibijyanye n’imitungo, kunyereza iby’abayoboke n’ibindi baherutse kuregwa, avuga ko yazagira icyo atangaza kuwa Mbere tariki 17 Ukwakira 2016.


INKURU ZA :
Tanga Igitekerezo
Ibitekerezo 43
Safi Kuya 4-05-2017

ADEPR,igeze aharindimuka yibereye business ya Tom,nabandi baryi nkawe! Tom aba police ahemba nabiki? ADEPR ni gereza? gutura tuzabire kk noneho buri mupasiteri yashyiriweho amafaranga urusengero rugomba kwinjiza mumwaka.iyo atayabonye bamukuraho

UMWALI Kuya 15-02-2017

ICYAKORA ABA BAGABO BADUTABYE MU NAMA KWELI. BAHEMUKA BAHEMUKWEEEEEEE.

Jean De Dieu Kuya 31-12-2016

Njyewe Ndi Umwe Mubayobozi Bayoboye Itorero Hano Mu Rwanda Ariko Ndasaba Sibomana Na Rwagasana Bayoboye A. De. P.R Ko Bashaka Ukobakemura Izobombori Bombori Ziri Mubayobokebabo Naho Iyoturufu Yo Kuvugango Ababareze Ngo Bakorana N,abarwanya Igihugu Icyo N,icyinyoma Kugirango Iba Kristo Bapfiremo Batagira ijambo Ndabaza Abo Ba Bishop Ba A. De. P. R Mwibuka Ko Bibilia Ivugako Abakuru Bagombakuba Abagaragu Babandi Dore Umugani:abari Abahanya Yesu Yabakuye Ku Icyavu Bamaze Guterera Yesu Baramukwepa!! Yesu Azababwira Ati Mumve Imbere Sinigeze Kubamenya Mwankozizibibimwe! Kuvugango Abakristo Banyu Ngo Barwanya Leta Aha! Ninko Kuvugango Umwana Wawe Ngwararoga Umva Iherezo Ryabyose Riribugufi Abakristo Ba A.De.P.R Musome Ibyahishuwe18:4-5 Unkeneye Hamagara Tel0786117385/0726848480 Leta Yacu Ifite Inzego Z,iperereza Zitayobowe Naba Bishop Ba A.De.P.R Nigira Icyo Ikora Izagikora Itavanye Amakuru Kuri Aboba Bishop Kuko Muribose Ntawereta Yahaye Akazi Cga Bareke Kuzabya Itorero Bajyegucunga Umutekano Babagire Dasco

Mucyo Kolode Kuya 27-11-2016

Birababaje Icyampa Uwiteka Imana Yaybarokore Ikaba Hagati Yabo Banyakubahwa Bo Mu Mana. Nabo 25 Nimbaga Yacu Abapantecote , Maze Kdi Mbibutse Ko Mwe Bakuru Cyane Muzabarizwa Imbere Ya Yantebe Y Imanza Y Imana! Intama Nazo Muzazibazwa

mituga Kuya 27-10-2016

Yesubashimwe mbese ubu nkabanyamakuru bose ndetse nizindi nzego zose;ubu iyo basomye ibyandikwwa nibitekerezo batanga.wahita nawe ugira impungenge uziko nawe nabonye uvugira abo bagabo bashinja gucunga nabi ibya ADPER;nukuberaki?ese koko byaba aribyo hafatwa uwuhe mwanzuro?mwibukako BISHOP badasimburwa keretse apfuye cyangwa,......

Bahati Bertrand Kuya 20-10-2016

Mumenye ko mu minsi y’ imperuka hazaba ibihe bigoye"bazaba bakunda cash birarira,bangana.... none rero mucyo tubatere umugongo.adepr bye

yakobo Kuya 20-10-2016

Bavandimwe rero ka mbabwire,
mba muri ADEPR yewe mazemo iminsi, ndashaka kubabwira icyo ntekereza kuri iyi nkuru nsomye.
IMPAMVU Z’IBIBAZO BIRI MURI ADEPR:
1. GUTA UMURONGO
ADEPR yataye umurongo wayo yagenderagaho, ibi bituma bajya mu bindi bitangenderwagaho mbere. Umurongo bataye ni INSHINGANO YESU YATANZE BAGENDERAGAHO MBERE "mugende mu mahanga yose mubwirize abantu bihane, mubabatiza ......" yemwe abo dufatanije kuba muri ADEPR, ibi biracyariho???????
Umupasiteri umwe niwe uherutse kubwira abakirisito be ngo : “Njyewe mperuka kubazwa iby’abakirisito bihana kubwa USABWIMANA Samuel!!! Ubu bambaza iby’amafaranga gusa!!! Ubwo rero muzane AMAFARANGA!!!
Undi we mu nama bakora z’abashumba, yaravuze ngo: ni kangahe mwumvise tubabaza iby’abihana??!!! Turababaza amafaranga!!!!!!!!!!!!!!!!!!!!!!!!
Tuvugishije ukuri, uyu niwo murongo itorero ryangenderagaho cyangwa se rikwiye kugenderaho????
2. IVUGABUTUMWA RIPFUYE
Guta umurongo byatumye ivugabutumwa muri ADEPR ripfa.
Iyo urebye ivugabutumwa ririho uyu munsi muri ADEPR, usanga ko hatariho kwigisha abantu icyo bibiliya itubwira ahubwo twihimbiye ibyacu: aho kwigisha abantu kwihana ibyaha, turi kwigisha abantu ibitangaza!!! Aha turi kwirengagiza ijambo rivuga ngo “mubanze mushake ubwami bw’Imana no gukiranuka, nibwo ibindi byose muzabyongererwa†.
3. KUTAVUGISHA UKURI
Iyi nayo ni indi mpamvu ituma mu itorero havuka ibibazo byinshi.
Iyo urebye mu gihe cyo ku bwa USABWIMANA Samuel na mbere yaho, ukanareba ubu biratandukanye cyaneeeeeeee!!!!!!!!!!
Ukuri kwarabuze mu bitwa abakozi b’Imana, hasigaye harimo icyo nakwita SIYASA BIRABABAJE MU BAKOZI B’IMANA.
Ibi ndabivugira ko mbere habaga amanama guhera mu maparuwasi, bakiga ku bintu runaka noneho bikazagera hejuru muri bureau nyobozi, none ubu abakirisito twumva ngo byabaye uku n’uku bitarigeze bibanza mu Manama yo hasi kandi barangiza bakavuga mu bitangazamakuru n’ahandi ngo ibi nibyo abayoboke ba ADEPR bemeje!!!!!!!!!!!!!!!! Babyemereje he? Ryari? Ese niba byaremejwe kuki nyuma yaho, abo bayoboke bahindukira akaba aribo bibaza ibyabaye ibyo aribyo??? Mwitubeshyera kandi mwitubeshya.
Abayobozi nibamenye ko ibyo bavuga bidakorerwa I Kigali gusa ahubwo bikorerwa mu maparuwase yose.
Urugero: ngo gisozi itangwa ku bushake nta muntu uyihatirwa???!!!!!!!!!!!!!!!!!!!!!!!!!!! Banyamakuru mwe muzamanuke mu midugudu no mu maparuwase ya ADEPR hirya no hino mubaze abakirisito muzamenya ubwo bushake!!! BIRABABAJE.
4. URWANGO
Iki kintu cyo kwangana cyahawe intebe cyane kuko umuntu aravuga ngo iki ntikigenda neza, ubwo akaba yiswe umwanzi w’iterambere muri ADEPR!!!!!!!!!!!
Noneho byahindutse kuba umwanzi w’igihugu n’umudendezo w’abanyarwanda.
Iki ndakibaza abayobozi ba ADEPR, ikibabaje nuko batansubiza cyangwa ngo babe babisomye:
1. kuki abo bapasiteri, abarimu, abadiyakoni n’abakirisito mubise abanzi ari uko bavuze kandi bagaragaje ibibazo biri muri ADEPR?
2. Kuki mbere yaho mutabibareze ngo bakurikiranwe? Numva iki (guhishira) mwakakibajijwe mu nzego z’umutekano.
3. Kuki mutagaragaza ibimenyetso by’uko abo 25 bakorana n’umwanzi???

5. IBINDI
a) Ko uwo Pasiteri avuga ko byemejwe mu UKIAMKA, kandi agasoma ririya jambo Pawulo yanditse; kuki abiswe abepisikopi ari bariya babiri gusa?? Ese ubwo n’abashumba bose n’abapasiteri nibagomba kwitwa ba bishop??
b) Kuki mutabizanye mu nama y’abashumba ahubwo mugahita mu bitangaza mu nama yabereye ku gisozi? Cyane ko inama y’I Nairobi yabaye mbere cyane.

IMYANZURO YANJYE
1. ADEPR mureke twibuke umurongo twagenderagaho wo guhindurira abantu kuri Kristo;
2. ADEPR Mureke dukore ivugabutumwa rishingiye kuri bibiliya aho kureba ku nyungu gusa;
3. ADEPR mwemere tuvugishe ukuri ku bibazo bihari tureke ibinyoma byo gucengana;
4. ADEPR tureke urwango kuko uwanga mugenzi we ari icyaha ku Mana;
5. ADEPR mureke twibuke uko itorero ryayoborwaga.
MWIKWICA ITORERO

Uwayo Kuya 20-10-2016

Sibomana na Mugenzi we mbona bakwiye kwigira muri politique iby Imana bakabyihorera kuko baravangiwe kandi bari kuyobya benshi bitonde gusa kuko Imana ntinegurizwa izuru. Kandi kwirirwa banduzanya mu binyamakuru si byiza kubantu batizera kuko biri gufungira benshi gukizwa. Mwirukanye Samuel mumuziza ubusa , mwirirwa musebya abayobozi ba mbere mubatekera genocide kandi muziko ntayo bakoze. Mwihane bigishoboka

sugira Kuya 17-10-2016

ba apotres ndabemera

HAKIZIMANA FAIDHA PATRICK Kuya 17-10-2016

kuri iki kintu kijyanye n’ubwumvikane buke burikuvugwa, ririya tsinda rya bantu 25 dusangamo ibyiciro bitandukanye nk’uko abayobozi bacu babivuga , inama natanga bicare babumve neza kandi hafatwe imyanzuro inogeye buriwese urebwa n’ikibazo kuko kwegura kuvugwa burimunsi muri ADEPR bikoza isoni abayoboke , dusigaye twibaza niba I torero riragwa n’umwuka w’Imana ariryo ryabangamira ubuzima bwa banyarwanda no kubuza umudendezo abatuye igihugu, ariko niba batari maso twe dufite ubuyobozi bw’igihugu buhora bureba aho icyahungabanya umutekano w’igihugu cyaturuka, nukuri dukeneye kujya twumva ibikorwa byiza bijyanye n’iyobokamana aho kumva amacakubiri mu Itorero ryacu.

sibomana olivier Kuya 17-10-2016

twibaza impamvu iyo hagaragaye ikibazo mumikore yabo bayobozi
ba Adeper kuki bahita bashinja abatanze ikirego ko arabagizi banabi? mubisesengure murrbe kuko ubwobuyobozi bufite ikibazo kdi ntabukiristo burimo ahubwo Bose baveho dutore abandi Murakoze

may Kuya 17-10-2016

Akalkan!!! Ntibyoroshye ariko abo bayobozii basobanure ibyo babajijweahubwo bazane izo mpapuro no mu ma paroisse, imidugudu natwe twandike,

Egide Pasteur Kuya 17-10-2016

Bene Data intonganya zivahe? Nimureke dishikame twiyubakire igihugu ndetse n’Itorero ryacu, naho biriya tubyihorere tubirenge. Ntabwo byoroshye kuyobora muri iyi minsi kuko uyoborwa aba yumva yarusha ibitekerezo umuyobozi kandi ngo utabusya abwita ubumera. Mbese mwebwe uwabaha kuyobora murabona mwakora iki koko? Musenge cyane ahubwo mutajya mu moshya. Kuva kera kose abarwanya ibyiza bahozeho kdi bazagumaho, ariko mureke twubake, twime amatwi abashaka kutuzitira, cyane ko iyo urebye neza usanga bariya Bose. banditse iriya baruwa bakanasinya atari abayoboke ba ADEPR, bakoze ibyaha barahagarikwa none bashaka gukomeza gutikurira hanze. Nibatihana bizabagora, ariko mwebwe mutuze dusengere Itorero, Kristo azakomeza kurirengera kuko nubundi yarirengeraga. Murakoze

agro Kuya 16-10-2016

njye ndabona ari abanditse aya amabaruwa batarebye kure ariko na none aba bantu ntakigaragaza ko barwanya ubuyobozi bw’igihugu ahubwo hakurikiranwe ibi bintu mumaguru mashya hagaragazwe ukuri

festus Kuya 16-10-2016

Njye nzineza KO uRwanda ruyobowe muburyo bwiza abayobozi bafite ubuhanga nubushishozi, rero aba bantu bo muri ADEPR bareke kwitiranya ibibavugwaho nimiyoborere yigihugu cyacu kuko nanjye iyo menya igihe iyi baruwa yandikiwe MBA narayisinyeho rwose Sibomana ukwiye kwegura nubwo amafaranga y’a D’Ove hotel nayatanze ariko ntibimbujije KUREBA ubusambo nubushishozi buke mwagize mugurisha imitungo yitorero

pius Kuya 16-10-2016

Ndabona umuzimu wa wamugabo wumugome wavuze ngo abantu babatwikire ku rutare yazutse!

Docter kinimba Kuya 16-10-2016

Gusa abo bayobozi bareke kubeshyera abantu bimana kdi nabo ari abakozi biyita bimana bisobanure kubyo baregwa maze hafate undi mwanzuro niba badashoboye baveho.

Docter kinimba Kuya 16-10-2016

Gusa abo bayobozi bareke kubeshyera abantu bimana kdi nabo ari abakozi biyita bimana bisobanure kubyo baregwa maze hafate undi mwanzuro niba badashoboye baveho.

Alisa Kuya 16-10-2016

KILIZIYA ni imwe, itunganye Gatorika.

NDIKUMANA Lambert Kuya 16-10-2016

njye ndabona abo bayobozi ari amatakirangoyi no kuyobya uburari aho kwisobanura Ku byo baregwa bati"abo ni abakorana n,abarwanya leta banashaka kubangamira amatora y,umukuru w,igihugu"kuki niba aba ba Tom Rwagasana bakunda igihugu koko batabivuze mbere y,uko baregwa?bakabivuga nyuma y,uko hagaragajwe amakosa yabo?Ubuyobozi bw,igihugu ahubwo bucyemure iki kibazo kandi aba bayobozi aho bashaka gushyira ababarega nabo bazahajye nibahamwa n,ibyo baregwa.Ikindi kandi Abo Bose bakora ibiteye isoni mu itorero ry,Imana bagize akarima kabo bamenye ko Imana itarenganya ari nayo mucamanza MUKURU Atari nk,abantu.Aho ntibabona bakora ibyo byose ikabihorera bakagirango ihwanye nabo mubareke igiye kugaragaza abayikorera by,ukuri n,ababeshya ngo barayikorera bishakira indonke aho kuyobora umukumbi wayo Ku GAKIZA.

eva Kuya 15-10-2016

Aba Bantu bagiye bareka imitwe?aba bayobozi ba ADEPR bari gubimba impamvu?kuki batabivuze mere?tom ndamuzi twabanye PSF

uwayo Kuya 15-10-2016

ibyo bintu bya sheke bahora bavuga bigaragaza urwego rw’abarega mu kugira imitungo kuko gutanga sheki itazigamiwe nta muntu ukoresha sheki bitabaho urugero niba ukoresha ikarita ntabwo wari wajya ku cyuma wagisaba amafrw ugasanga ariho ari make ubwose ko ari wowe uba ubyikoreye icyuma kigushinjije gusaba amafrw udafite ntibyakubaho ikindi sheki imara ukwezi igifite agaciro kuki umuntu atasanga undi yayakuyeho bibaho kenshi keretse abantu bakoresha udufrw duke

Jacques Kuya 15-10-2016

Gutanga ibitekerezo kukibazo kihari nibyiza, ariko nk’umuntu uvuga ngo ADEPR yataye agakiza ararengera, icyo n’igitutsi, tuvuge, dutange ibitekerezo byiza kd byubaka murakoze

keti Kuya 15-10-2016

ariko nka pastor ruzibiza viateur,aho gusobanura ibyaha muregwa uratinyuka ukabeshyera abantu ngo bakorana nimitwe yiterabwoba,ngo bari kubangamira amatora yumukuru wigihugu? ubwo urumva wowe uwakugerekaho ibyo ukoze wumva wakishima? ibyo bikugaruke kumutwe. murabura gukemura ibibazo mwirirwa muteza murwanira amaturo nudufaranga twabakene ba adepr mugahimba ubugome bungana kuriya? ndumiwe uziko none muteyubwoba!!! umuntu azavuga ukuri mumushinje kurwanya igihugu?noneho nutazajya azana amaturo muramushakira ibyaha byo gusenya igihugu. ntiwarukwiye kuvuga biriya bintu bya politic ufite bible kuko biteyubwoba pe nkurikije ubunyangamugayo wagiraga barakwanduje.

ntacyoclaude Kuya 15-10-2016

Benedata ndagirango ngire icyo mvuga kurbi birikubera muri ADEPR NIKENSHI ABA BATEGETSI BIRI TORERO BAVUZWE KD UGASANGA IBIBAVUGWAHO HARAHO BIHURIRA NUKURI IKIGARAGAZA KO BATAGAMIJE KUYOBORA INTAMA AHUBWO BAFITE INDI MIGAMBI # iri niterabwoba ngo uzajya avuga ibitangenda azitwe umwanzi wigihugu .nasabaga reta kutemerera amadini kuyitwaza ibi bukwiye kwamaganwa reta nitabyamagana birahita byerekanako Reta nayo ifite akaboko muri ADEPR NTAKUNTU IBIBAZO BYO MWITORERO MAZE BIKITIRIRWA POROTIKE MAZE RETA IGACECEKA NIKIBAZO.

Inzobere Kuya 15-10-2016

Haaaaa nimureke Rwagasasa na Sibomana bubatse hoteli nziza igiye guha akazi abanyarwanda,none ziriya ncakarafu zanditse tract ahubwo bazazifunge!

Mbyo Twenge Kuya 15-10-2016

Iyi ADPER bafunge burundu irimo ituvangira inadutesha igihe.izanye iby,amatora ite n,aya mafuti yose.Mpyisi Ezira yababwiye uwo mukorera.

mahoro Kuya 15-10-2016

jye ubu numiwe nabuze icyo mvu
ga n icyo ndeka . Ndabasabye mwe guha umwansi icyuho cyo kubasenya. muri mwe harimo ababeshya uko biri kose
kandi handitswe ngo ntukabeshyere mugenzi wawe. Bibiriya mufite murayisoma cg?

man Kuya 15-10-2016

Aba bagabo nibareke kutubeshya ntibavangire abanyarwanda. nibisobanure ariko boye gutwerera ibibazo byabo abanyarwanda muri rusange. ngo amatora, gukorana n, abarwanya Leta, Ibi ntaho bihuriye. uruzi iyo byibuze bavuga bati guhungavanya umudendezo w,ab,ADEPR?

ALIAS Kuya 15-10-2016

AYA matiku ntazashira kuko ADEPR bataye agakiza,bariyononnye niyo mpamvu bombori bombori itazashira. Kandi rwose nibitari ibi bizaza kuko abayobozi bafitanye urubanza n’Imana bakoze ibyanga n’Uwiteka ukuri kurabura muri bo ,ubushizi bw’amanga burabura muri bo n’ibindi byinshi ahubwo bimika ibyaha by’uburyo butandukanye birimo ibyo byose kwirirwa bakorongana mu binyamakuru,ubusambanyi,gukundz impiya aho gukunda Imana. Gusa inuma y’inyamakenga ikwiye kwigurukira ikareba uko yirwanaho. Ahubwo ikipe y’umupira w’amaguru igeze he ngo izakine icyiciro cya kabiri? koko urumva ubundi Imana yabaturiza

SIMBA Kuya 15-10-2016

Ariko rero Leta yari ikwiye kwinjira mu bibazo bya ADEPR bakagenzura ukuri kubareze harebwa imicungire ya ADEPR kuko harimo ibibazo bidasobanurwa natanga urugero: Icyitwa CICCO abakristo batanze cash zabo ngo bari gutera imbere ariko ayo mamiliyoni ntawuzi irengero ryayo nta busobanuro bwaho yagiye butangwa .Ibya Dove byo wenda inzu ziragaragara nubwo agaciro zihabwa katabaho.Bazasobanure ibya CICCO kuko igihe twataye dusobanurira abantu ibyacyo iyo batubajije cash zabo tubura ubusobanuro.Hanyuma ibi byo guhangana kubari kumbehe no kwishyira muntera nabayirwanira ngo bayigeho ntawe bikwiye mubareke Imana niyo izabibabaza mwe mucungane n’ibyo ubugingo bwanyu gusa.

BÉBÉ Kuya 15-10-2016

Leta y’u Rwanda izashishoze itazagwa mu mutego w’abafite irari ry’uby’isi. Baba abafite ADEPR mu minwe, baba n’abashonje kuko bakuwe ku mbehe Leta izabakiranure iraramye. None se uyu muvugizi wa ADEPR arananirwa gusubiza ku bijyanye n’imitungo ahubwo agahimbira abantu ibyaha bikomeye kuriya ? Nawe nibigaragara ko abeshya azashyirwe aho yashakaga gushyira abandi.

callixte Kuya 15-10-2016

mbega abayobozi ba ADEPER! ahokwisobanura kubyo baregwa barashinja ababareze guhungabanya umutekano wigihugu! ahubwo babakurikiranire hafi kuko jyendumva bashaka kuyobya uburari kugirango batazasobanura kubyo muregwa!!!

Nshuti ya Yesu Kuya 15-10-2016

Ikibazo abanyarwanda turi kwibaza, niyihe mpamvu itumye aba bayobozi bakuru ba Adepr bavuga ibi bintu aruko hamaze kugaragazwa amakosa yabo?

RUHIRWA Emmanuel Kuya 15-10-2016

Banyamakuru ba UKWEZI.COM tubizeyeho ubushishozi mu nkuru zanyu zicukumbuye, mudukurikiranire iki kibazo cya ADEPR kugeza kumunota wanyuma kuko ntamukino utajya urangira niyo byanze bashyiraho inyongera byakwanga bagatera penarite hakaboneka utsindwa.

IMPAMVU zibi bintu zishobora gucangaranya abantu, bakumvako byacitse kandi aramafuti gusa.
ABAYOBOZI B’IGIHUGU CYACU NABO NDABIZEYE BARABIKURIKIRANA KANDI BISHOBORA GUKORA KURI BAMWE MUBAREGWA Cg ABAREGA.

Ngaruke kuri ADEPR Itorero riyoborwa n’umwuka wera muri mumaki? Umwuka wera nuza Uzayobora abantu ubemeze ibyaha byabo! UMWUKA WANANIWE UBU MUGIYE MUNKIKO!!! Ese mwabanje kwicarana birananirana?
Ese Bakristo ba ADEPR mwe murabivugaho iki?

rukundo Kuya 15-10-2016

Nukuri Imana ibafashe narinafashe icyemezo cyo kuva kuri ADEPR ariko mundemye umutima Imana izabikemura ariko se wowe abagabo bameze kuriya batanga check zitazigamiye ko numva ari abatekamutwe koko abantu barya amafaranga yabo bayobora ko numva bazengereje Imana Aho yo ntizabishyura imiryango yabo ibasengere njyewe sinabasha kubasengera inkende uko yurira niko niko irushaho kugaragaza............uko iteye

Aimé Kuya 15-10-2016

Ariko nge ndibaza; kuva Jean Sibomana na Tom Rwagasana batangira kuyobora iri torero rya kristo kuki iteka aribo bagarukwaho cyane kandi ibibavugwaho ugasanga nibintu bimwe?? Ese ibibazo biri Muri ADEPR ningombwa Ngo bizahagurutse intore irushizindi intambwe ( His excellence) cg inzego zibishinzwe zakagenzuye abs bagabo? Kuko batangiye nokugira amatiku yabo impamvu zijyanye numutekano wabanyarwanda muri rusange

Nerekimana Benard Kuya 15-10-2016

U Rwanda ni gihugu gifite inzego dufitiye icyizere ibyo birakurikira nywa nazo kandi abazagaragaraho amakosa bazahanywa .itorero ryo nirya kirisitu kandi yiteguye kuri rengera.

Marie Merci Kuya 15-10-2016

Ariko ko ubugome bwateye,amakimbirane yo muri ADEPR ahuzwa gute no gukorana n’abanzi b’igihugu?Simba muri ADEPR ariko iyo wumvise ibiberamo wumva bisa n’ibyo mu mashyaka ya Politiki na yo atiyubaha!Kuvuga ibitagenda mu itorero bihuzwa bite n’amatora y’umukuru w’igihugu!?Ko aruko inzego zacu z’igihugu zigira ubushishozi n’iperereza nk’aba bantu ntibari babageretseho urusyo.Hanyuma ejo bagafata Bibiliya ngo Yera bakajya kwigisha abakirisitu gukundana bo bacagagurana!!!!

Natus Kuya 15-10-2016

Ahaaaa ! Niba bigeze aha koko birashyushye ni nk’umupira wa ARSENAL na MAN U bakinira igikombe kumukino wanyuma stade iba yuzuye. Kuko iyo bigeze ku guhungabanya umudendezo w’abanyarwanda n’ukuntu twawugezeho akuya katurenze,nta mikino iba ihari. Aha inzego zibishinzwe zifite ubunararibonye mugushishoza ziratanga umwanzuro ukwiriye ndabyizeye ! Bakristo ba ADEPR ibi ntibibabuze kwuzura umwuka Wera. Kristo ni Umwami,Halleluya..!

Baby Kuya 14-10-2016

Imana irengere itorero ryayo

Vincent Kuya 14-10-2016

Eeeeeeee, aba bagabo none ko bibutse kuvuga aba ba pastors ari uko berekanye amakosa yabo ? aho uwabohererza PAC ntiyabatamaza ! ahubwo ubuyobozi tuzi ko bushishoza burarebe iby’aba ba bishops kuko ibi si ukubera Kristo intumwa nziza ! kuki bemeye guhishira abagambanira igihugu bakabizana ari uko batangiye kuregana ????? ahaaaa

rose Kuya 14-10-2016

Bakristu bene data mukomere turi mubihe bwanyuma turwanishe ijambo ry’Imana kdi tuyobowe mumwuka

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...