konka coffee
KONKA

AMAKURU

UKWEZI

Groove Awards Rwanda ya 5 izagaragaramo impinduka n’amavugurura bidasanzwe

Groove Awards Rwanda ya 5 izagaragaramo  impinduka n’amavugurura bidasanzwe
26-10-2017 saa 10:49' | By Vincent Nsengiyumva | Yasomwe n'abantu 578 | Ibitekerezo

Irushanwa rya Groove Awards rihemba abantu mu byiciro bitandukanye bagira uruhare mu kwamamaza no kogeza ubutumwa bwiza, kuri iyi nshuro ya 5 rigiye kubera mu Rwanda, hazagaragaramo impinduka zidasanzwe ndetse n’amavugurura atandukanye.

Ingeri zitandukanye zihembwa na Groove Awards harimo abahanzi, amakorali n’amatsinda yo kuramya no guhimbaza Imana, abanyamakuru, abatunganya indirimbo n’abafite aho bahuriye n’ivugabutumwa.

Ubuyobozi Groove Awards Rwanda bwatangaje ko bwakoze impinduka ndetse n’amavugurura mu mitegurire y’iki gikorwa mu rwego rwo kunoza imikorere no gukomeza gushyigikira umurimo w’ivugabutumwa mu buryo buteye imbere.

Abazitabira aya marushanwa ya Groove Awards Rwanda 2017 barimo abahanzi baririmba indirimbo zo guhimbaza Imana,Amakorali ndetse n’abandi barebwa n’iki gikorwa bafite ibikorwa byabo byagarutsweho hagati ya tariki ya Mbere Mata 2016 kugeza tariki ya 31 Werurwe 2017 bahamagariwe gutangira kwiyandikisha.

Mu mavugururwa yakozwe mu mitegurire y’iri rushanwa, hari bamwe bakuwe mu bagize akanama nkemurampaka ndetse hakaba n’abandi 2 bongerewemo ubu bakaba ari 5 mu gihe bari basanzwe ari 3 gusa.

Kuri iyi nshuro ya 5 akanama nkemurampaka kazaba kagizwe n’abantu batanu barimo Noël Nkundimana akaba ari nawe muyobozi wako wasimbuye Pasiteri Kaiga John kuri uyu mwanya, Jeannine Mukabacondo [Mama Kenzo], Robert ndetse na Evans Mwendwa uzwi nka ‘Dj Spin’ na Mupende Gedeon Ndayishimiye.

Pasiteri Kaiga John wari usanzwe ari mu kanama nkemurampaka akaba ari nawe wakayoboraga ubu niwe wagizwe umuyobozi wa Groove Awards asimbuye Francine Havugimana wayiyoboraga.

Mu kiganiro n’itangazamakuru, Umuyobozi mushya wa Groove Awards Rwanda, Pasiteri Kaiga John yatangaje ko Groove Awards Rwanda 2017 izagenda neza cyane ko hongerewemo amaraso mashya yitezweho ibitekerezo byiza bizazana impinduka bafatanyije n’abo basanzemo.

Yagize ati “Twishimiye ko tugiye gutangiza ku nshuro ya Gatanu, Groove Awards mu Rwanda. Umuziki w’indirimbo zihimbaza Imana uratera imbere kandi dufite umugisha ko abahanzi bacu bashobora kubona aho bagaragariza impano bafite bakamenyekana mu gihugu no hanze yacyo.”

Insanganyamatsiko y’uyu mwaka wa 2017 igira iti “Together We Can” [Twabigeraho dufatanyije] igaragara mu gitabo cy’Ibyakozwe n’Intumwa 1.14

Ibirori byo gutangaza abahanzi batoranyijwe mu byiciro byose biteganyijwe ku ya 16 Ugushyingo mbere y’uko bongera guhurira muri Serena Hotel, ku ya 17 Ukwakira 2017, ahazatangarizwa abegukanye ibihembo.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...