konka coffee
KONKA

AMAKURU

UKWEZI

Hari abahutu benshi barimo n’abapadiri bakibona muri Parmehutu - Padiri Ubald

Hari abahutu benshi barimo n’abapadiri bakibona muri Parmehutu - Padiri Ubald
13-09-2017 saa 10:51' | By Chief Editor | Yasomwe n'abantu 9985 | Ibitekerezo 25

Padiri Ubald Rugirangonga amaze kwamamara mu Rwanda no hanze kubera impano idasanzwe afite yo gusengera abarwayi bagakira ubumuga butandukanye n’indwara zikomeye ziba zarananiye abaganga b’inzobere. Uretse ibyo ariko, anazwiho kugira uruhare mu kwigisha abanyarwanda ubumwe n’ubwiyunge, ariko ibi ngo hari ababirwanya bitewe n’uko bakibona muri Parmehutu kandi ngo muri abo harimo n’abapadiri.

Mu kiganiro kirambuye Padiri Ubald yagiranye n’ikinyamakuru Ukwezi.com mu minsi ishize, yadutangarije ko gahunda y’ivugabutumwa rigamije kwimakaza ubumwe n’ubwiyunge nyabwo amaze igihe akora, hari abatayiyumvamo kuko bakiboshywe n’amateka. Yavuze ko hari abahutu bakiyumvamo Parmehutu kandi ngo muri abo n’abapadiri bagenzi be bamwe na bamwe barimo, hakaba n’abatutsi bahahamutse kuburyo bahorana ubwoba budashira.

Padiri Ubald ati: "Erega iki kibazo cyacu cy’aya mateka, harimo abantu bagitinya kuko iyo uvuze ngo Parmehutu yavangiye ivanjiri, abantu bose bahita bahahamuka., kandi nibyo, yavangiye ivanjiri kuri njyewe. Sinzi ubwoko bwawe sinkuzi ariko ukuri imbere yanjye kuba ari ukuri. Ube umuhutu, ube umututsi, ukuri ni ukuri. Uko njye mbibona, hari abahutu bibona muri Parmehutu benshi cyane kandi birababaje, hakaba n’abatutsi Parmehutu yahahamuye. Abatutsi bahahamuwe na Parmehutu nabo rero, batinya kugira icyo bavuga ku kibazo cy’amoko ngo tugitere hejuru kive mu nzira…"

Padiri Ubald akomeza agira ati: "Abatutsi bahahamutse batinya Parmehutu, abahutu bamwe benshi bakayibonamo, ako ni akavuyo nshaka ko kava mu nzira hakaba abantu b’abakirisitu, kuko usanga abatutsi bamwe yahahamuye mu mutima, kandi koko birumvikana, niba yarakwiciye abantu, yarakubujije kwiga… hari ubwoba bupfuritse ugatinya kubivuga, kwinjira mu mateka bikakunanira, n’ubivuze agahahamuka. Abahutu benshi, baba abapadiri baba abaki, usanga bari kuyibonamo. Ugasanga rero biravangavanze neza neza, kandi hagomba kuboneka abantu bari free (babohotse) imbere y’Imana."

JPEG - 220.8 kb

Padiri Ubald yagaragaje ko hari abantu bagitsimbaraye ku by’amoko, hakaba abananiwe gusaba imbabazi babikuye ku mutima ndetse hakaba n’abananiwe kubabarira, nyamara we ibintu nk’ibyo ngo yumva yarabirenze akabasha kubabarira, kuburyo mu bo yababariye harimo uwamwiciye abo mu muryango we barimo n’uwishe nyina, nyuma yo kumubabarira akaba yaranarihiye amashuri abana be.

Jean Ndorimana wahoze ari umupadiri muri Kiliziya Gatolika ariko akaza kugirana ibibazo n’iyi Kiliziya, nawe aherutse gukomoza ku kuba hari abapadiri Jenoside yakorewe abatutsi itigeze isigira isomo ndetse ngo na nyuma yayo bakomeje kwijandika mu ngengabitekerezo yayo.

Uyu mugabo yabwiye Jeune Afrique ko abihaye Imana benshi bagize uruhare muri Jenoside, nyamara ngo mu 1998 hari bamwe mu bapadiri n’abepisikopi basinye inyandiko yahamyaga ko mu Rwanda habayeho Jenoside y’impande ebyiri zitandukanye z’amoko abiri yasubiranyemo. Yavuze ko abona abayobozi ba Kiliziya Gatolika mu Rwanda, batagomba kurebera ku by’ubuyobozi bukuru bwa Kiliziya buri i Vatican ngo bumve ko ari bwo gusa burebwa no gutera intambwe ishimangira ko abihaye Imana bijanditse muri Jenoside bagomba gusaba imbabazi byeruye bakanagaragaza imbuto z’uko bitandukanyije n’ingengabitekerezo yayo.


INKURU ZA :
Tanga Igitekerezo
Ibitekerezo 25
Nzabandora Kuya 2-10-2017

Umva Padi ! Njye singucira urubanza Umuremyi w’iyi si tumaraniraho kandi tuzayisiga uko twayisanze arahari. Weguteranya abanyarwanda witwaje ko ufite impano,benshi bashobora kugufata nkaho ibyo uvuze byose ari ukuri. Nonese abapadiri batari muri ubwo bwoko bo ni abamalayika,bivuge ko umuhutu aho ari hose yaba na padiri tugomba kumwitondera..!! ubwose abana buyu munsi urabigisha iki,ko ugaruye ibya kera mubana batabizi.

Libonukuri Kuya 27-09-2017

Yewega padiri ukiza abarwayi weeeeee. Ko numva nawe akiboshwe n’amateka se ? Harya mu Rwanda haracyari Parmehutu ? Harya ngo niyo yavangiye ivanjili ? Muri make LUNARI n’ingoma ya cyami imwe ise yaamazaga yari malayika ! Tuvuge ko Ubald ari nta muhutu yishe. Mulumuna we reveliyani watangiriye i Byumba yica, ko Ubalidi atamukomozaho. Ese niba hari abahutu ndetse n’abapadiri b’abahutu bakoshwe na Parimehutu, harya ubwo nta batutsi, barimo n’abapadiri b’abatutsi baboshwe na LUNARI ? Nako ngo abo bo bahahamuwe na Palimehutu. Yewega Ubaldi. Ubure gukorera ijuru, ugumye wishinge Lusiferi FPR. Uzagurumana ahubwo wowe abo ushinja bitwaje imikindo batumbagira ubareba.

Kamaro Kuya 27-09-2017

Ariko ibyo padiri avuga ni ukuri kwambaye ubusa! None se abamurwanya ko baterekana aho yavuze ibitari ukuri? Mureke amatiku rero.

Kalisa Kuya 21-09-2017

Ariko se ukuri kuzava hehe? Ibyo padiri avuze birimo ukuri gukeya ariko harimo n’ukundi kuri yanze kuvuga. None se ko avuga ubwicanyi ku ruhande rumwe, urundi akarureka kandi mu Rwanda imfubyi n’abapfakazi si abatutsi gusa, ahubwo abenshi ni abahutu ni ukuri. Ntabwo iki kibazo kizakemuka nimukomeza kubogama, ahubwo mutera umujinya n’agahinda n’urwango rwinshi mu bo muvuga ko biciwe ndetse n’abo muvuga.

jerusalem Kuya 19-09-2017

ikintu kimbabaza nuko avuga abahutu ko ari bo bishe gusa kandi n’abatutsi barishe na nubu bakica batarobanuye jye numva namusaba kwigisha urukundo uwumva akumva utumva azibarizwa niba avugisha ukuri ko ataravuga ku myobo yari mu ngo za bamwe no kubagiye gufata ibiryo, mu gisirikare, mu nama n’’ahandi yitonde atazavangirwa yari yatangiye neza

gruec Kuya 18-09-2017

Ese Padi, ingoma y’Imana ibamo abahutu, abatwa, n’abatutsi? Narinzi ko nahombye kuba ntarakubona ariko finalement ntacyo nahombye ahubwo nditoroye. Cyakora niba ukorera Imana ikomeze igushoboze

Emery Devno Kuya 17-09-2017

Biranashoboka tsuuu!!! Nonese ko iryo dini numva ryivanga muri politique ubwo ni dini nyabaki?

Kamanzi Kuya 16-09-2017

Ngiye nabona koko uyu mu padiri akorera shitani! !!yagombye kugaragaza ukuri ko mu moko yombi harimo intagondwa zo kamwe n’amoko. Kandi na babeshya ko amoko yavuyeho ataribyo azahoraho ahubwo tujye twirinda kuyagira amaturufu y’amakosa yacu.

Kamanzi Kuya 16-09-2017

Ngiye nabona koko uyu mu padiri akorera shitani! !!yagombye kugaragaza ukuri ko mu moko yombi harimo intagondwa zo kamwe n’amoko. Kandi na babeshya ko amoko yavuyeho ataribyo azahoraho ahubwo tujye twirinda kuyagira amaturufu y’amakosa yacu.

Ally Kuya 15-09-2017

Padiri ajye avuga parmehutu ariko avuge na UNAR kuko ni amashyaka yahanganye agateza akaga mu Rwanda no mu karere turimo indirectly

`````````````````````I m clean```````` Kuya 15-09-2017

AHHHH PADIRI NI MUMUREKE KUKO AVUGA UKURI KANDI GUCA MUZIKO NTIGUSHYA BYONGEYE KANDI UKURI KURARYANA,ICYO AVUGA SE KITABAYE NI IKIHE?AHORA AVUGANGO ’’ bURI WESE AZABAZWA IBYO YAKOZE ’’UMURIMO AKORA NI UBUTUMWA KANDI KOKO NTA MUHANUZI WEMERWA IWABO!Ubald Nyagasani akongerere imigisha turagukunda ukomeze gufasha abanyarwanda kuva mu icuraburindi

Duniya Kuya 15-09-2017

Uyu mupadiri cyangwa munyapolitiki sinzi uko namwita ahubwo byarivanze mu mutwe akwiye ubufasha. Aracyaboshywe namateka mabi yakuriyemo akayatozwa. Abanyarwanda bariho ubu, uretse abasazanye ibibazo nkawe, abazi parmehutu ni bangahe? Abazi ibyo iyo parmehutu ye yigisha nibangahe? Nareke nouvelle generation zitere imbere, ibyo by’amoko nagende abigumane mu mutima we areke kutuyobereza abana.

Coco Kuya 15-09-2017

Niba akoma urusyo ajye akoma n’ingasire; ubu tuvuge ko nta batutsi bakibona mu ndorerwamo y’amoko? akwiye kumenya ko ubumwe n’ubwiyunge ari inzira idafata iminsi ibiri; yagakwiye gushima aho abanyarwanda ahubwo bayigeze hanyuma agakangurira abahutu n’abatutsi bacyibona muri bene ayo majwe ko bakwiye kugarukira Imana bakaba umwe, bakaba abanyarwanda mbere yo kuba ikindi bifuza; bakagira urukundo; bagakora bateza imbere igihugu. Obald na Rutayisire Antoine hari ubwo mugize inyigisho zisubiza abantu inyuma aho kujya imbere. Mugire amahoro

kayijamahe tito Kuya 14-09-2017

aho bijya gupfira abanyamadini bajya muri politique gute? yagiye gusoma misa ? ubundi nkuyu mu padri yakwiye gufungwa murwanda nta moko akihaba , niba byamunaniye yavuye mu bu padri akajya muri politique ?

J.P. Kuya 14-09-2017

Mana, tabara u Rwanda

Ukuri Kuya 14-09-2017

Uyu mupadiri ko numva ari atangiye kuyoba ra!!

Ukuri Kuya 14-09-2017

Uyu mupadiri ko numva ari atangiye kuyoba ra!!

Ukuri Verite Kuya 14-09-2017

Padi, ko mbona ingengabitekerezo ushobora kuba ari wowe ra!!! Abanyarwanda bariho muri iki gihe se abazi parimehutu ni bangahe usibye kubyumva mu mateka babwirwa n’abasaza n’abakecuru! Jye ndabona ufite ikibazo gikomeye!

Ukuri Verite Kuya 14-09-2017

Padi, ko mbona ingengabitekerezo ushobora kuba ari wowe ra!!! Abanyarwanda bariho muri iki gihe se abazi parimehutu ni bangahe usibye kubyumva mu mateka babwirwa n’abasaza n’abakecuru! Jye ndabona ufite ikibazo gikomeye!

RUNDA Kuya 14-09-2017

NJYE MBABAZWA NABITWAZA AMOKO BAKAYOBYA ABANYARWANDA IYO UVUZE NGO ABAHUTU???? UBA USHAKA KUVUGA IKI KOKO????? WARETSE KO TURI KWISI ????? URANGIJE NGO HARI N’ABAPADIRI ???? NDI WOWE NA MESA KAMWE WENDA BAGUHA UMWANYA MURI GORNMENT

kabera Kuya 14-09-2017

Ariko njye ntangiye kujya mu ruhande rw’abibaza no gukemanga iyi mpano yo gukiza yuyu mupadri! Niba koko akorana n’imana ntiyagombye kwita bagenzi be abaparimehutu pe!

Byendagusetsa Kuya 14-09-2017

Nyamara nta moko akiri mu Rwanda. HAHAHAHAHAHA

Kamina Kuya 13-09-2017

Padri intagondwa ziracyahari mu Rwanda mu moko yose haba abahutu haba no mu batutsi. Si ikibazo cy’abaparmehutu kuko naba Lunari barahari cyane mu bantu bakuru. Njyewe ubwanjye niganirira n’abatutsi bamwe bakwumvisha kubana n’umuhutu ari inzigo kandi ari ikidashoboka.Ubwose wambwira ko iyo biherereye mu masalon iwabo bigisha ibiki? Ikintu kibabaje Ku banyarwanda turabeshyanya ibyo tuvugira hanze bitandukanye n’inyigisho zitangwa mu ngo zacu. Rero nkubwire ubumwe n’ubwiyunge no ku munwa gusa biracyari kure nk’ukwezi.

nsengimana Kuya 13-09-2017

obald wowe ujye ukorera imana ukomeze umurimo mwiza wiyemeje harimo no kunga abanyarwanda hanyuma abo bambara ayo makanzu yera nyamara mu mutima yabo hasendereye mo urwango bakajya no kuri aritari ujye ukomeza kubasabira hari naberuye burundu batakina bihisha ngo ni ba nahimana thomasi amagambo rutwitsi agira urayunva ukifata kumunwa ukumirwa wakwibuka ko asoma misa ukunva ugize urujijo gusa

bobo Kuya 13-09-2017

padi waretse amtiku ko atakubereye nibande se uvyga ubwo

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...