konka coffee
KONKA

AMAKURU

UKWEZI

Ibintu bitangaje cyane byagiye bivugwa n’abavugabutumwa b’abanyarwanda

Ibintu bitangaje cyane byagiye bivugwa n’abavugabutumwa b’abanyarwanda
24-07-2016 saa 07:46' | By Chief Editor | Yasomwe n'abantu 17291 | Ibitekerezo 18

Abavugabutumwa, ni bamwe mu bantu bakunda kugeza ku bo babwiriza amwe mu magambo atangaje, asetsa bamwe ariko ntanavugweho rumwe n’imbaga nyamwinshi. Mu bavugabutumwa bo mu Rwanda, harimo abagiye batangaza ibintu kugeza n’ubu abatari bacye bafata nko gukabya.

Muri iyi nkuru, turagaruka ku bintu byagiye bitangazwa n’abavugabutumwa, bikavugisha rubanda cyane ndetse abatari bacye bakabifata nk’ubuyobe.

1. Bishop Bimenyimana Claudien yavuze ko yasambanyije umugore yabitumwe n’Imana

JPEG - 171.7 kb

Mu mpera z’umwaka wa 2015, umubyeyi w’abana batatu witwa Mukamwiza Constance, yatanze ubuhamya ko yabyaranye na Bishop Bimenyimana Claudien, Umushumba mukuru w’itorero Siloam Family Church mu Rwanda, nyuma y’imyaka itanu bari bamaze basambana, akavuga ko yahanuriwe n’uyu wiyita umukozi w’Imana ko yabyeretswe n’Imana.

Uyu mugore wahamije ko yasambanye n’uwari umushumba we mu gihe cy’imyaka itanu, yavuze ko banabikoreraga mu ngo zabo no hirya no hino mu mazu acumbikirwamo abantu (Lodges).

Bishop Bimenyimana ntiyigeze ahakana iby’uko yasambanyije uyu mugore w’abandi, ahubwo yavugaga ko gusambanya Mukamwiza yabaga yabitegetswe n’Imana nyuma yo kumuhishurira ko afite ikibazo cy’uko ari imfubyi kandi akaba atajya yishimana n’umugabo bari mu buriri.

2. Apotre Rwandamura yahamije ko nta mukene uzajya mu ijuru

JPEG - 114.8 kb

Apotre Rwandamura Charles uyobora itorero UCC (United Christian Church) ku isi, mu ntangiriro z’umwaka wa 2015 yatangaje ko nta mukene uzajya mu ijuru. Uyu muvugabutumwa yatangaje benshi ndetse ntiyavugwaho rumwe, ubwo yavugaga ko abakene ari bo bambuzi, ari bo bajura, kandi ari bo bahemuka bashaka amaronko, ikindi ngo mu nsengero ntibitanga ntibanatanga amaturo nk’uko bikwiye bityo ibyo bizatuma batajya mu ijuru.

3. Pasiteri Ezra Mpyisi ahamya ko amadini yose ari aya Satani, n’iryo abwirizamo rikaba ari irya Satani.

JPEG - 85.4 kb

Umukambwe Pasiteri Ezra Mpyisi umaze imyaka 65 ari umuvugabutumwa mu itorero ry’Abadivantisiti b’umunsi wa Karindwi mu Rwanda, ahamya ko amadini yose ari aya Satani ndetse n’iryo avugamo ubutumwa rikaba ari irya satani ndetse ryo ngo rifite akaga kuko ari naryo ryitwa Lawodokiya muri Bibiliya.

Mu kiganiro yagiranye n’ikinyamakuru Ukwezi.com, Ezra Mpyisi yadutangarije ko mu minsi micye azashyira hanze ibitabo bizasigara bivuga ubutumwa mu gihe azaba atakiriho, ibi akaba arimo kubikora ngo azasige hari ukuri abanyarwanda babwirwa ku by’iyobokamana, kuko amadini menshi abayobya kandi ngo uko yakabaye ni aya Satani.

Uyu musaza w’imyaka 94 y’amavuko, nk’inararibonye mu by’iyobokamana n’ivugabutumwa, ntiyemeranywa na gato n’abavuga ko amadini n’amatorero ari iby’Imana, ahubwo ngo amadini yose ni aya satani, kuko adakurikiza ibyo Bibiliya yigisha ahubwo agakurikiza inyungu z’abantu ku giti cyabo basobanura Bibiliya mu buryo bugoretse.

4. Apotre Gitwaza yahanuye ko umwana we azaba Perezida wa Leta Zunze Ubumwe za Amerika

JPEG - 101.5 kb

Intumwa y’Imana Dr Paul Gitwaza Muhirwa uyobora itorero Zion Temple ku isi, akaba anafite impano y’ubuhanzi n’ubuhanuzi, ahamya ko Imana yamuhishuriye byinshi bizaba ku bana be batatu barimo uwitwa Dawidi (David) ari nawe muto muri bo, uyu ngo akaba azaba Perezida wa Leta Zunze Ubumwe za Amerika.

Ibi Dr Apotre Paul Gitwaza, avuga ko amaze imyaka myinshi abibwiwe n’Imana, kandi akaba atarapfuye kubyara gusa ahubwo ngo Imana yabanje kuvugana nawe. Uretse uyu uzaba Perezida, abandi bana be babiri yeretswe n’Imana ko umwe azaba umuhanuzi undi akaba umuganga.

5. Umuhanzi nyarwanda akaba n’umuhanzi Irene Mercy avuga ko yamaze iminsi 7 nta kantu namba akoza mu kanwa

JPEG - 115.9 kb

Umuhanzi nyarwanda mu ndirimbo zo kuramya no guhimbaza Imana, akaba umuvugabutumwa ndetse akaba asigaye aniyita umuhanuzi uzwi ku izina rya Ireney Mercy, ahamya ko yamaze iminsi 7 n’amajoro 7 atagira akantu na gato ko kurya no kunywa afata ahubwo atunzwe gusa n’amasengesho, kandi bikaba nta kibazo na gito byamuteye.

Irene Mercy ati: "Narangije iminsi 7 y’amasengesho nta kantu na gato nkoza mu kanwa, ninjira no mu masengesho y’iminsi 40 ariko yo nayakoze mfata akantu koroheje nimugoroba. Amasengesho ni igikorwa Imana ishyigikira cyane bitewe n’icyo wari ugamije uyakora, iyo niyo nzira nahisemo kandi sinteze kuzatandukira kuko hari icyo navuganye n’Imana."


INKURU ZA :
Tanga Igitekerezo
Ibitekerezo 18
Goyu Kuya 6-02-2017

Yezu agiye gusubira mwijuru yahaye mission intumwa ze aziha roho mutagatifu aziha numutware ariwe Petero urwo ruhererekane ruracyariho kuko rwubatse ku rutare kiriziya Gatolika wabyemera wabihakana umbwire irindi dini cg itorero rifite amahame nkayo Yezu yasigiye intumwa ze andi madini yose akomoka ku bahakanyi abaprotrstanti nkuko mpyisi abivuga ntiwaba ukorera Imana ukoresha nijambo ryayo Bible ngo wigishe ibitandukanye nibyabandi kiriziya gatolika yagiye ikora amakosa Ariko ntiyari impanvu yo kuyiyomoraho ngo bashinge amadini yo kuyihakana ahubwo bari gukomeza bagakosora ayo makosa kuko nubundi nyuma yarakosotse, abayisiraheri muzi ukuntu Imana yabavanye mu bucakara bakayigomera biteye ubwoba Ariko ntiyigeze ibavaho kuko bwari ubwoko bwi Imana na kiriziya nubwo yakora amanyanga ki uwayishinze Yezu ntiyayireka kuko yubatse ku rutare. Naho aba rwose nabatekamitwe bishakira indonke uzarebe rever zabo nubukungu bwisi tu ngo umwana wange azaba prezida wa USA waravangiwe Ariko byose bizagenda bigaragara kuko ibyo muba mwahanuye byibinyoma biba byanditswe.

sage Kuya 5-02-2017

ibya mpyisi byo ndabyemera ariko abandi Bose barabeshya ndetse baravangiwe

kompanyi faustin Kuya 1-02-2017

nukuri ba chrito bavandimwe,ntacyomvuze ariko umuntuwe ashatse yakwituriza,kuko turi nkibitambambuga,twahishe kumenya,noguhishura ibihishwe.umunyabwenge yagize ati, to speak is good but to keep quiet is the best one.

jeanne Kuya 23-12-2016

ariko ubwo umuntu yavuga ngo abacyene ntibazajya mwijuru!!bugacya nkamusubira imbere koko!!ngo imana yamutejyetse gusambana ubwo se nasubirayo!!Mana wee Ahubwo umenya bajyira namarozi baroga abayobocye babo!!Yezu abatabare nukuri!!

Mugisha Samuel Kuya 23-12-2016

Uwo wasambanye arabeshya ijana kwijana Imana ntiyoshya gukora ibibi,
Rwandamura we arabeshya Lazalo yageze mwijuru, cyokora koko hari ibyaha byinshi dukoreshwa nubukene,

Mpyisi nawe ibye birenda kuba ukuri kuko ntadini Imana yaremye ntanirizajya mwijuru

Gitwaza nuwo muhanzi no bashobora kubaha bavuga ukuri cg Atari nukuri gusa ibyo bavuga birashoboka ndetse cyane

edrice Kuya 22-12-2016

mpyisi yavuze ukuri,muri ikigihe amadini yabaye business.Aba bandi bo baravangiwe pe!!!!murwanda mufite udushya twinshi

rwasa dm Kuya 28-08-2016

Umukambwe mpyisi rwose ibyo avuze ni ukuri amadini ni business ikomeye yabanyafurika kuko abazungu bahugiye mwiterambere ryatechnology naho muri Africa 80%niba mbare ubukeye 20%nabo batunzwe nimitsi yaba bambere ubukeye abapasteri bari muri aba naho Gitwaza we ni umuhanga nabazungu arabatuburira gusa ndamwemera muhaguruke mubeshye isi muhange imirimo

Umukunzi Kuya 8-08-2016

Wowe witwa Dine, ntabwo bavuze ko Mpyisi afite 65 ans ahubwo bavuze ko amaze 65 ans avuga ubutuma. C’est tout différent!

J.P. Kuya 27-07-2016

Aba mwita ngo ni abavugabutumwa, ni aba farceurs, bahemukira rubanda. Ahubwo mbona bamwe muri bo bakwiye no gukurikiranwa n’amategeko.
Njye nibera muri Kiliziya, kuko yigisha Imana idakabya. N’ibyo umuntu yayishinja byasaba ko azana za gihamya zifatika, zicukumbuye. Na ho bariya bo amagambo bavuga buri munsi arahagije ngo ubone ko babeshya.

KILIZIYA, OYEEEE

J.P. Kuya 27-07-2016

Aba mwita ngo ni abavugabutumwa, ni aba farceurs, bahemukira rubanda. Ahubwo mbona bamwe muri bo bakwiye no gukurikiranwa n’amategeko.
Njye nibera muri Kiliziya, kuko yigisha Imana idakabya. N’ibyo umuntu yayishinja byasaba ko azana za gihamya zifatika, zicukumbuye. Na ho bariya bo amagambo bavuga buri munsi arahagije ngo ubone ko babeshya.

KILIZIYA, OYEEEE

bosco. Kuya 27-07-2016

ariko koko mpyisi afite imyaka 65 gusa?help me know cg numwanditsi
wibeshyetse

INEZA DINE Kuya 25-07-2016

Muzehe Mpyisi yenda kuvuga ukuri: Amadini si aya satani ahubwo satani akorera mu madini yose kuko: Yesu agiye kuva mu isi yahaye intumwa ze mission imwe rukumbi ati: Mugende mu mahanga yose abantu bose mubahindure kuba abigishwa banjye nyakuri, iyo mission niyo amatorero yagombye gukomerezaho nkuko intumwa zabigenzaga, ba Paul ndetse n’abandi. Ariko ikibabaje ubu nuko ubutumwa buriho ari ubwo gushaka amafranga aho kugeza abantu kuri Kristo, kandi ibi biri gukorwa mu matorero yose.

INEZA DINE Kuya 25-07-2016

Muzehe Mpyisi yenda kuvuga ukuri: Amadini si aya satani ahubwo satani akorera mu madini yose kuko: Yesu agiye kuva mu isi yahaye intumwa ze mission imwe rukumbi ati: Mugende mu mahanga yose abantu bose mubahindure kuba abigishwa banjye nyakuri, iyo mission niyo amatorero yagombye gukomerezaho nkuko intumwa zabigenzaga, ba Paul ndetse n’abandi. Ariko ikibabaje ubu nuko ubutumwa buriho ari ubwo gushaka amafranga aho kugeza abantu kuri Kristo, kandi ibi biri gukorwa mu matorero yose.

NIYOMUFASHA ERNESTE Kuya 25-07-2016

Ahaaaaaa! icyo mpamya nuko umuntu wese imana imuzi icyambere satani ntarema, Imana niyo yatanze ubwenge ariko igihe cyoguhitamo cyaturutse kucyaho, nuko rero tugire gutuza kuko itorero rw;uwiteka riri mwibanga, ndahamya ntanuzi icyo imana izakurikiza ihana cg ibabarira kuko inyandiko zose zanditswe nabantu kugiti cyabo. ibyo Ezra avuga 50% birashoboka ariko yeguca imanza igihe ntikiragera,
Naho Ereney Mercy nakomere kandi agumemo kuko imana niyo imenya umutima w’umuntu kandi umuntu nimugari cyane asumba akarere kose, wahamya kandi wakwemezwa niki niba ibyo ari ukuri? mbese wahakana kandi washingira kuki uvugako ibyo mercy avuga ataribyo? gusa IMANA YONYINE IRABIZI.

Alias Mahoroyisi Kuya 24-07-2016

Umusaza Mpyisi aravuga ukuri!
Ni gute amadini yaba atandukanye agakoresha Bibiliya imwe akigisha ibitandukanye maze agakorera Imana imwe????? Buri wese yagiye ashinga idini kubera inyungu gusa! uzi ubwenge amadini ajye ayagendera kure kuko ntakindi amaze uretse kumunyunyuza

P Kuya 24-07-2016

umbabarire simvuze ko udakorera Imana cyangwa uyikorera kuko simbizi Imana yo ubwayo niyo ibizi ariko gusengera umuntu akazuka (niba byaranabayeho kuko nawe ubizi) sibyo byerekana ko ukorera Imana kuko nabadayimoni bazura abantu

BOLINGO Evode Kuya 24-07-2016

Aha, uwavuze ibijya gusa n’ukuri ni Umukambwe Pasteri Ezra MPYISI.
Gusa aha icyo yibagiwe ni uko bose bakoresha BIBILIYA yanditse kimwe kandi ivuga ubutumwa bw’Imana. Ahubwo yagombye kuba yaravuze ko abantu benshi bayobora amadini ari Aba Satani kuruta uko yavuga ko amadini ariyo ya Satani. Ariko nanone niba se abo banyamadini ari aba Satani ubwo yo si aya Satani? Umusaza afite point.

BOLINGO Evode Kuya 24-07-2016

Aha, uwavuze ibijya gusa n’ukuri ni Umukambwe Pasteri Ezra MPYISI.
Gusa aha icyo yibagiwe ni uko bose bakoresha BIBILIYA yanditse kimwe kandi ivuga ubutumwa bw’Imana. Ahubwo yagombye kuba yaravuze ko abantu benshi bayobora amadini ari Aba Satani kuruta uko yavuga ko amadini ariyo ya Satani. Ariko nanone niba se abo banyamadini ari aba Satani ubwo yo si aya Satani? Umusaza afite point.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA