konka coffee
KONKA

AMAKURU

UKWEZI

Ibitangaje wamenya ku idini Baha’i rimaze imyaka 45 mu Rwanda

Ibitangaje  wamenya  ku  idini  Baha’i rimaze imyaka 45 mu Rwanda
24-10-2017 saa 14:20' | By Vincent Nsengiyumva | Yasomwe n'abantu 4292 | Ibitekerezo 3

Idini rya Baha’i ni rimwe mu madini akorera mu Rwanda ariko rifite imyemerere idasanzwe. Iri dini rimaze imyaka igera kuri 45 rikorera mu Rwanda, rikaba ryaratangijwe n’intumwa Bahawula (Baha’u’llah). Iri dini rya Baha’i rimaze imyaka 200 ribayeho.

Bahawula (Baha’u’llah) watangije iri dini yavukiye muri Iran, akaba ari naho idini ryatangiriye, kugeza ubu aba Baha’i bakaba bafite icyicaro gikuru muri Israel ahitwa Haifa ku musozi wa Karumer.

Abayoboke b’iri dini bemera Baha’u’llah nk’intumwa y’Imana yoherejwe nyuma ya Yesu/Yezu [wemerwa n’abakirisitu],akaba yarageze ku isi abanje gutegurwa na Babe nk’uko na Yesu yabanje gutegurwa na Baptista. Aba Baha’i bahamya ko Bahawula yazanye ubumwe, amahoro n’ubutabera ku Isi ndetse no mu Rwanda by’umwihariko.

Aba Baha’i bavuga ko intego yabo ya mbere ari uguhindura imitima y’abantu bakava mu kibi, kurusha kuba bashyira imbaraga mu bindi bikorwa nk’uko andi madini agenda agaragara mu bikorwa binyuranye.

Uhagarariye iri dini rya Baha’i mu Rwanda, Nyirabagesera Lea, yabwiye Ukwezi.com, ko impamvu batigaragaza mu bikorwa bitandukanye nko kubaka amashuri, amavuriro ari uko basanze byose biteza imyiryane kandi mu ntego zabo ari ukwigisha no guhindura imitima y’abantu.

Yagize ati “Abantu rero twebwe dukunda abaduha ibintu akaba aribyo tugenderaho. Ese tuba twahindutse cyangwa dukunda abaduha ibintu? Twebwe mission [intego] yacu ni uguhindura ikikurimo kibi kikaba cyiza, ariko twemerewe no gufasha abantu ntago bibujijwe. Kubera abantu baba bashaka inyungu zabo, arizo kenshi zitera n’ibibazo bigateza imyiryane, barwaniye amashuri, barwaniye amavuriro, byose nibyo Bahawula yaje aje kurwanya no kwigisha abantu bahinduke mu bwonko no muri roho.”

Dore bimwe biteye amatsiko utari uzi biri mu myemereye y’aba Baha’i

Aba Baha’i bagira indangaminsi igizwe n’amezi 19

Aba Baha’i bagira indangaminsi itandukanye n’iy’andi madini kubera ko iyabo igira amezi 19 mu gihe isanzwe ikoresha n’abasengera mu yandi madini n’amatorero usanga igizwe n’amezi 12 gusa.

Aba Baha’i ntibagira umuyobozi w’idini (Padiri cyangwa Pasiteri)

Nk’uko bimenyerewe muyandi madini n’amatorero hirya no hino ku isi ko bagira umuyobozi nka Padiri cyangwa Pasiteri muri Baha’i buri wesse aba afite inshingano zo kuba yaba umwigisha ariko ngo bidakozwe mu kajagari kuko bafite inzego z’imitegekere uhereye mu murenge kugera ku rwego rw’Isi.

Aba Baha’i kandi ntibakoresha Bibiliya basoma ijambo ry’Imana nk’uko andi madini abigenza ahubwo bo bagira igitabo cyitwa Kita dakdas (Igitabo gitagatifu)

Mu idini Baha’i batanga amaturo mu buryo bwihariye

Ubundi mu masengero no mu matorero atandukanye iyo bagiye gutanga ituro bazana ibiseke n’utundi tuntu bashyiramo, muri Baha’i ho ntibabyemera ngo kuko aturo rigomba gutangwa mu ibanga.

Nyirabagesera Lea yagize ati “Amaturo turayatanga ariko amaturo yacu ntabwo ari kwa kundi umuntu azana ikintu ashyira mu giseke kuko ituro ni ibanga hagati yawe n’imana n’umubitsi wakira amaturo. Iyo ushatse uzana Bordereau ukayiha umubitsi cyangwa ukamuha amafaranga. Muri za nzego nababwiye muri buri rwego habayo umubitsi.”

Aba Baha’i babatizwa mu buryo budasanzwe

Abayoboke ba Baha’i bavuga ko bo batabatiza bakoresheje amazi cyangwa ibindi bimenyetso ngo kuko ari imigenzo ya kera cyane ko ngo na Yesu nta muntu yabatije.

Kubatizwa kw’aba Baha’i ngo ni ukwinjira mu nyandiko za Bahawula yanditse ukazisoma ukazicengera ugahinduka ngo kuko mu ihame rya Bahawula rivuga ko buri wese agomba kwishakira ukuri. Iyo umaze gusoma, gusobanuza no gucengerwa usanga umu Baha’i akaguha ifishi maze ukiyandikamo bityo ukaba ubaye Umubaha’i nyawe.

Aba Baha’i bashyingura mu buryo bwihariye

Aba Baha’i iyo bapfuye bagira icyerekezo bashyingurwamo .Icyo kerekezo bagenderaho cyitwa ‘Akha’ akaba ari cyo intumwa yabo Bahawula (Baha’u’llah) iryamye aho ishyinguwe.

Abayoboke b’idini Baha’i mu birori byo kwizihiza isabukuru y’imyaka 200 Bahawula abayeho

hagarariye Baha’i mu Rwanda, Nyirabagesera Lea

Uyu musore yavuze ko idini rya Baha’i ryamuhinduriye ubuzima


INKURU ZA :
Tanga Igitekerezo
Ibitekerezo 3
dada Kuya 26-10-2017

Ariko ayamadini noneho ateyubwoba nukwitonda ndunva harimo kudahuza kandi twese bible arimwe.ngobwa idini numutima wumuntu ntadini izajyana umuntu mwijuru

-xxxx- Kuya 25-10-2017

KA NGUKOSORE LEAH NYIRABAGESERA SIWE UHAGARARIYE ABA BAHA’I.BAGIRA COMMITTE Y’ABANTU 9 BABAYOBOYE KU RWEGO RW’IGIHUGU BATORWA MU MASHAMI ARI MU GIHUGU HOSE TNX

Elli Kuya 25-10-2017

Murihenda

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...