konka coffee
KONKA

AMAKURU

UKWEZI

Kanyombya wakiriye agakiza akanabatizwa, agiye no gukorera ubukwe mu itorero rye rishya

Kanyombya wakiriye agakiza akanabatizwa, agiye no gukorera ubukwe mu itorero rye rishya
21-04-2017 saa 09:57' | By Chief Editor | Yasomwe n'abantu 13952 | Ibitekerezo 3

Kayitankore Ndjori, umunyarwenya akaba n’umukinnyi w’amafilime wamamaye ku izina rya Kanyombya, yabatirijwe mu itorero rya Rehoboth Pentecostal Church rikorera i Gikondo mu karere ka Kicukiro mu mujyi wa Kigali, iri torero yari amaze igihe akirijwemo akakira agakiza akaba yaranaribatirijwemo ari kumwe n’umugore we kandi bateganya no gukora ubukwe bagasezeraniramo imbere y’Imana.

Nk’uko Kanyombya yabishimangiye mu kiganiro yagiranye n’ikinyamakuru Ukwezi.com, ku munsi wa Pasika, ku Cyumweru tariki 16 Mata 2017, nibwo yabatijwe mu rusengero rwa Rehoboth Pentecostal Church hamwe n’umugore we, ibyo bikaba byarabaye nyuma y’amezi agera kuri ane yakiriye agakiza akemera kubyarwa ubwa kabiri akabatizwa mu mazi menshi.

Kanyombya yabatijwe mu mazi menshi nyuma yo kwakira agakiza. Aha yari ku murongo agiye kujya muri yorodani

Kanyombya yabwiye ikinyamakuru Ukwezi.com ko ababonye amafoto yabatijwe bakagirango ni filime yakinaga atari byo kuko adakina filime na Bishop Gerard Mugisha, umushumba mukuru w’itorero Rehoboth Pentecostal Church. Kanyombya ati: "Nonese naba nkina filime na Bishop Gerard? Narakijijwe, maze igihe nakiriye agakiza, abagizengo ni filime baribeshya."

Kanyombya kandi yasobanuye iby’uko yahindutse nyuma yo kwakira agakiza aho yagize ati: "Ikintu cyahindutse ni uko numva nishimye, ndi mu munezero, mbana n’abandi neza, na byabindi by’umwiryane no kuvuga ngo amashyari, ibyo byose narabiretse... Ibijyanye n’agatama (inzoga) nako ntabwo wakomatanya ibintu byose, bimwe na bimwe ugomba kubireka, n’inzoga ubwo nyine nagombaga kuzireka."

Kanyombya kandi yabwiye ikinyamakuru Ukwezi.com ko mu mwaka utaha wa 2018 azasezerana imbere y’Imana n’umugore we kandi bakazasezeranira muri iri torero, iyi mihango y’ubukwe bwe ikazaba ikurikira iyo gusezerana imbere y’amategeko yabaye mu mwaka wa 2012.

Kanyombwa ati: "Tuzakora ubukwe muri 2018 ariko ukwezi ntabwo ndakumenya neza, tuzasezeranira muri iri torero twabatirijwemo njyewe na madamu, nonese itorero ryanjye narireka kweli? Niryo tuzasezeraniramo."

Kanyombya nyuma yo kubatizwa mu mazi menshi


Tanga Igitekerezo
Ibitekerezo 3
emelyne Kuya 21-04-2017

mbega kanyobya afashe umwanzuro wakigabo kbs

habyarimana moussa Kuya 21-04-2017

ebana ye uyo ni KANYOMVYA KAKARA BEN RUKARA SADAMU AL MUMUWACE ABDALLAH BEN AFRIKA AL SANZWE AZI IMANA ceka na mimi

Kanyombya Kuya 21-04-2017

congz Kanyombya nubwo ntabyizeye 100% kuko uko nkuzi ntiwareka agatama. ariko conz nokwitorero ryabashije kugufasha ugatera niyo ntambwe

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA