konka coffee
KONKA

AMAKURU

UKWEZI

Kigali: Urusengero bambikiragamo agatimba abakobwa bagumiwe rwafunzwe - Amafoto

Kigali: Urusengero bambikiragamo agatimba abakobwa bagumiwe rwafunzwe - Amafoto
14-09-2017 saa 09:09' | By Akayezu Jean de Dieu | Yasomwe n'abantu 11654 | Ibitekerezo 1

Urusengero rw’Itorero ry’Umurage w’Abera Silowamu’ rwa Pasiteri Uciyimihigo Xavier rwafunzwe n’Ikigo gishinzwe kurengera ibidukikije mu Rwanda nyuma y’uko uru rusengero rwakoreraga mu gishanga kiri mu bitemewe gukorerwano imirimo mu Mujyi wa Kigali.

Pasiteri Uciyimihigo Xavier yamamaye cyane mu guhanurira abakobwa babuze abagabo ko bagiye kubabona binyuze mu bubasha bw’Imana. Uyu mu Pasiteri yageraga n’ubwo afata abakobwa akabambika agatimba nk’ikimenyetso cy’uko mu minsi ya vuba bazaba babonye abagabo nabo bakakambara bagiye gusezerana imbere y’Imana.

Amafoto yakunze gucicikana ku mbuga nkoranyambaga no mu bitangazamakuru bikorera hano mu Rwanda yagaragazaga uyu mu Pasiteri yambitse abakobwa agatimba mu rusengero abizeza ko vuba bidatinze bazaba bakoze ubukwe nabo bakabyizera batyo.

SOMA INKURU BIJYANYE HANO: Kigali: Pasiteri yambitse agatimba abakobwa 80 aranabasengera ngo babone abagabo - Amafoto

Kuri uyu wa Gatatu tariki 13 Nzeri 2017, nibwo Umujyi wa Kigali ufatanije n’ikigo cy’igihugu gishinzwe kurengera ibidukikije (REMA) bakoze umukwabu ugamije gufunga burundu ibikorwa by’abaturage bikorerwa mu bishanga byakumiriwe n’Umujyi wa Kigali hagamijwe gukoreramo ibikorwa bijyanye n’ubukerarugendo. Ibikorwa by’abaturage biri mu bishanga byafunzwe ku ngufu nyuma yo gusabwa kubihakura bakinangira nk’uko inzego za leta zibivuga.

Ubwo izi nzego za leta zageraga ahaherereye uru rusengero ruyoborwa na Uciyimihigo, abakirisitu bari barimo basenga amasengesho y’igihe kirekire bamazemo iminsi. Nyuma yo gusobanurirwa neza, ubuyobozi bwamusabye bunatebya gusubira mu rusengero agasengera abakirisitu isengesho risoza amateraniro ndetse akanasenga kugira ngo abone aho gukorera mu gihe cya vuba, kuko gufunga ibyo bikorwa nta marangamutima yari arimo kuko benebyo bari barategujwe.

Bamwe mu bayobozi bakuru bari bayoboye iki gikorwa cy’umukwabu wakozwe na REMA

Pasiteri Uciyimihigo Xavier yaje kwemera ariko agaragaza ko atanyuzwe n’icyo cyemezo cyafashwe n’ubuyobozi, asubiramo barasenga, ubundi abakirisitu batangira gusohora intebe mu rusengero ngo rufungwe nk’uko byakozwe ahari ibindi bikorwa biri mu bishanga.

Intebe zasohowe hafi ya zose ariko nyuma bababwira ko bashatse bazigumishamo kuko batari bateguye aho kuzishyira, bamenyeshwa ko nibahabona bazamenyesha ubuyobozi bukabakingurira bakazimura nk’uko n’abandi bose bafungiwe bizakorwa.

Urusengero rw’Itorero ry’Umurage w’Abera Silowamu’ rwari ruherereye ahazwi nko ku Kinamba mu Murenge wa Kacyiru mu karere ka Gasabo, mu Mujyi wa Kigali. Iri torero ryatangiye mu kwezi kwa Nyakanga 2014 nyuma y’uko uyu mushumba waryo yari amaze kuva mu itorero rya AEBR.

Uyu mu Pasiteri azwiho gusengera abakobwa babuze abagabo yabambitse agatimba abizeza ko bazakora ubukwe vuba Pasiteri Ucyujimihigo Xavier uyobora Urusengero rw’Itorero ry’Umurage w’Abera Silowamu
Uru rusengero kuri ubu rwafunzwe hategerejwe aho aba bakirisitu bazajya basengera nyuma y’uko aha hatemewe kuhasengera no kuhakorera ibindi bikorwa

Abakirisitu babwiwe ko basenga bagasaba Imana kubaha ahandi hemewe bazakorera

Ibi bikorwa by’uyu muvugabutumwa byatumye yamamara cyane


INKURU ZA :
Tanga Igitekerezo
Ibitekerezo 1
Edison Kuya 14-09-2017

yemwe yemwe!!! ibi ntibyaribikwiye IMANA niyo itanga abagabo,ndabona isi ishaje,kwambika agatimba umuntu utasezeranye??,biratangaje cyane!!.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...