konka coffee
KONKA

AMAKURU

UKWEZI

Menya imvano y’igitutu cyateye abayobozi ba ADEPR kwambura inshingano abo basimbuye

Menya imvano y’igitutu cyateye abayobozi ba ADEPR kwambura inshingano abo basimbuye
9-10-2017 saa 10:23' | By Akayezu Jean de Dieu | Yasomwe n'abantu 9074 | Ibitekerezo 7

Abakirisitu basengera mu itorero rya ADEPR bashyize igitutu gikomeye ku bayobozi b’inzibacyuho b’iri torero ku bw’impungenge zikomeye bafite mu gihe gito bamaze muri ubu buyobozi bw’inzibacyuho bituma nabo bafata icyemezo gikomeye cyo kwambura burundu Bishop Sibomana Jean wahoze ari umuvugizi mukuru na Tom Rwagasana wahoze ari umuvugizi wungirije inshingano n’ububasha bwa Gipasiteri.

Kuri uyu wa Gatandatu tariki 07 Ukwakira 2017, nibwo hasohotse amabaruwa aturutse mu buvugizi bwa ADEPR avuga ko aba bagabo bombi kimwe n’abo bari bafatanyije muri ibi byaha bakurikiranyweho n’ubutabera bambuwe inshingano zose zijyanye n’imirimo y’ubu pasiteri muri iri torero gusa haje gutahurwa ko hari impamvu yateye abayobozi b’inzibacyuho gukora ibi ndetse bikaba byarakorewe mu nama y’igitaraganya yabaye Kuwa Kane tariki 05 Ukwakira 2017.

Nyuma y’iri hagarikwa Ikinyamakuru Ukwezi.com cyashatse kumenya icyaba kibyihishe inyuma ndetse nk’uko bigaragazwa n’ibaruwa yanditswe n’abakirisitu b’iri torero igashyikirizwa Ikigo cy’Igihugu cy’Imiyoborere RGB, ndetse n’ubuyobozi bw’inzibacyuho bwa ADEPR, tariki 03 Ukwakira 2017, Abakirisitu bagaragaje impungenge zikomeye batewe no kuba aba bayobozi bari baratawe muri yombi barimo kugenda barekurwa hatarakorwa igenzurwa kuri aya mafaranga bakurikiranyweho ko banyereje ndetse abakirisitu banagaragaza ko bafite gihamya y’uko aba bayobozi bashobora kuba bazagaruka mu myanya yabo cyane ko abariho kugeza ubu ari ab’agateganyo.

Muri iyi baruwa ikinyamakuru Ukwezi.com ifitiye kopi hari aho abakirisitu bagira bati “Dufite impungenge z’uburyo bamwe mu bari abayobozi ba ADEPR bafungurwa bakaba bakomeje gukorana n’abayobozi b’indembo ndetse n’abandi bashumba babashyigikiye. Ibi kandi birahuza n’ibyo abayobozi b’indembo n’uturere bavuga ko ; ngo abari abayobozi babo bagiye gufungurwa bongere kuyobora ibi byaba aribyo? ; Bavuga ko badashobora kuvaho kuko ngo aho mwabanza kubisaba babarusha kwigererayo; bavuga ko ngo nta genzura (Audit) ishobora gukorwa bitanyuze muri CA kandi ngo nibo bayirimo”

Mu bayobozi bagera kuri barindwi bari batawe muri yombi bakurikiranyweho ibi byaha byo kunyereza asaga miliyari 3 z’amanyarwanda yari yaratanzwe n’abakirisitu nk’umusanzu wo kwishyura inguzanyo iri torero ryari ribereyemo banki ya BRD, bamwe muri bo kugeza ubu barimo Tom Rwagasana, Jean Sibomana na Mutuyemariya Christine barekuwe n’urukiko kubw’impamvu z’uburwayi akaba ari naho aba bakirisitu bahereye bagira impungenge z’uko bashobora gusubira mu kazi kabo.

Abayobozi bashya b’inzibacyuho ba ADEPR barimo Rev Karuranga Ephrem, Umuvugizi mukuru, Rev Karangwa John, Umuvugizi wungirije, Pasiteri Ruzibiza Viateur, Umunyamabanga mukuru, Madamu Umuhoza Aurelie, ushinzwe imari n’ubukungu ndetse na Pasiteri Nsengiyumva Patrick wagizwe Umujyanama. Aba bagiye kuri iyi mirimo ku wa 30 Gicurasi 2017, nyuma y’uko abari basanzwe ari abayobozi batawe muri yombi bazira ibyaha birimo gucunga nabi umutungo w’itorero.

SOMA INKURU BIFITANYE ISANO:Bishop Sibomana na Tom Rwagasana bambuwe inshingano zose muri ADEPR


Aba nibo bayobozi bagize biro nyobozi ya ADEPR kugeza ubu nyuma y’uko abo basimbuye bakurikiranwe n’ubutabera


INKURU ZA :
Tanga Igitekerezo
Ibitekerezo 7
nsengiyumva vincent Kuya 17-10-2017

Nibihana Imana izababarira
ntabwo Ari n’abantu

nsengiyumva vincent Kuya 17-10-2017

Nibihana Imana izababarira
ntabwo Ari n’abantu

kg Kuya 11-10-2017

nubundi jye nabonaga Tom atarumukristo yaraje gusenya itorero

kg Kuya 11-10-2017

nubundi jye nabonaga Tom atarumukristo yaraje gusenya itorero

Rubusisi Kuya 10-10-2017

Nubundi erega urwishe yanka ruracyayirimo ubundi bagombaga gukuraho nabashumba bindembo nuturere bari abayobozi kubwa Tom nabagenzibe mbese guhera kuri paruwase gusubiza hejuru bagombaga kubahindura nabo nahubundi akavuyo ntikazashira mwitorero ryacu bizahora ari yegeri yegeri

samuel Kuya 10-10-2017

ntamurozi wabuze gikarabya, ibibi bakoreye itorero maginga aya koko Hari ababarinyuma. Gusa Imana ihabwe icyubahiro ko itorero ryakize uburetwa niyicarubuzo rya Thomas nabagenzi be. Imana idufashe idukize nabo bafatatinije Bose barimo abagize indembo n’uturere.

Rwasubutare Kuya 10-10-2017

Tom na bagenzibe bazahite bafungura irindi torero turebe abazarusha abandi abayoboke. Nuko nyine ibikorwa-remezo byubatswe kera bariya batype bandi bazaba babisigaranye...... ariko ntacyo.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...