konka coffee
KONKA

AMAKURU

UKWEZI

Mu rukiko hasobanuwe amanyanga abayobozi ba ADEPR bakoresheje mu kunyereza amamiliyari

Mu rukiko hasobanuwe amanyanga abayobozi ba ADEPR bakoresheje mu kunyereza amamiliyari
22-05-2017 saa 13:21' | By Chief Editor | Yasomwe n'abantu 12862 | Ibitekerezo 22

Kuri uyu wa Mbere tariki 22 Gicurasi 2017, hatangiye kuburanishwa urubanza ubushinjacyaha bw’u Rwanda buregamo abayobozi bakuru b’itorero rya ADEPR, aho bakurikiranyweho icyaha cyo kunyereza akayabo k’amafaranga y’u Rwanda akabakaba miliyari eshatu. Mu iburanisha, Ubushinjacyaha bwasobanuye uburyo bw’amayeri aba bayobozi bagiye banyerezamo ayo mafaranga.

Aba bayobozi bakuru ba ADEPR baherutse gutabwa muri yombi bakaba bakurikiranyweho kunyereza akayabo k’amafaranga, barimo Bishop Tom Rwagasana wari umuvugizi wungirije na Pasiteri Salton Niyitanga wakoraga mu biro bye nk’umunyamabanga, hakabamo Mutuyemariya Christine usanzwe ari umwe mu bagize Komite Nyobozi y’Itorero ADEPR aho yari ashinzwe ubukungu n’imari, hakabamo kandi Pasiteri Eng. Theophile Sindayigaya wari ushinzwe inyubako muri ADEPR, Gasana Valens ushinzwe icungamutungo muri ADEPR hamwe na Pasiteri Sebagabo Leonard wari Umunyamabanga Mukuru wa ADEPR.

Ubushinjacyaha bwasobanuye ko muri 2015 ubuyozi bw’itorero rya ADEPR bwatse muri Banki ya BRD inguzanyo bakemeranywa na banki ko bazarangiza kuyishyura muri 2025 kuko yagombaga kwishyurwa mu myaka 10, ariko aba bayobozi bagahita bashyira igitutu ku bayoboke bagakusanya akayabo k’amafaranga y’u Rwanda miliyari eshatu na miliyoni magana atanu na mirongocyenda n’ebyiri n’ibihumbi magana ane na mirongo itandatu na bitanu na magana atatu na makumyabiri n’ane (3.592.465.324 Frw), ariko aya yakusanyijwe akaba atarahise yishyurwa banki ahubwo ngo abayobozi bagiye bayanyereza mu byiciro bitandukanye bakoresheje amayeri.

Nk’uko byasobanuwe n’Ubushinjacyaha, ngo hari abantu basinyirwaga amasheki y’amafaranga menshi n’abayobozi ba ADEPR bigaragara ko ari ayo bishyuwe na ADEPR cyane cyane ku bikoresho byubakishijwe Hotel Dove iri ku Gisozi, nyamara nyuma ngo abasinyiwe sheki bamaraga kubikuza ayo mafaranga bakayasubiza abayobozi bakayakoresha mu nyungu zabo bwite, mu gihe abayoboke bari barasabwe amafaranga bizezwa ko ari ayo guhita bishyura banki bari barafashemo umwenda.

Muri rusange, Ubushinjacyaha bugaragaza ko amafaranga yaturutse mu misanzu y’abayoboke b’iri torero yanyerejwe n’abayobozi bakuru b’iri torero hagati y’umwaka wa 2015 n’uwa 2017, yose hamwe agera kuri 2.530.395.614 z’amafaranga y’u Rwanda.

Bishop Tom Rwagasana wari umuvugizi wungirije wa ADEPR, ahawe umwanya ngo yiregure yavuze ko nta mafaranga yigeze anyerezwa kandi ngo bagiye bakora amasuzuma atandukanye agaragaza ko nta yakoreshejwe nabi cyangwa ngo anyerezwe. Gusa yavuze ko ibijyanye n’amasheki yagiye ashyiraho umukono hagambiriye kunyereza amafaranga byo adakwiye kubibazwa kuko iby’imikoresherezwe y’amafaranga bitari mu nshingano ze.

JPEG - 117.8 kb

Bishop Tom Rwagasana wari umuvugizi wungirije wa ADEPR

JPEG - 107.3 kb

Mutuyemariya Christine yari ashinzwe ubukungu n’imari

JPEG - 48.4 kb

Pasiteri Salton Niyitanga wakoraga mu biro bya Tom nk’umunyamabanga we

JPEG - 238.6 kb

Gasana Valens wari ushinzwe icungamutungo muri ADEPR

JPEG - 52.2 kb

Pasiteri Sebagabo Leonard wari Umunyamabanga Mukuru wa ADEPR.


INKURU ZA :
Tanga Igitekerezo
Ibitekerezo 22
claude Kuya 2-06-2017

Abayobozi banyereje umutungo wa adepr bazagurishe imitungo yabo basubize abakiristu amafaranga yabo kuko birababaje cyane byahereye kera kuva kukigega cico nayubire nagisozi kbsa leta yacu itabare kuko birababaje cyane

Uwera Kuya 1-06-2017

Yemwe muhagarike gucumura. Mwasenze imana igasobanura ibidasibanutse cg mugategereza icyemezo cy’urukiko mwibuke ko mu rubanza hatsinda ibimenyetso bifatika no kumenya kwisobanura; rero sibigambo byinshi bituma utsinda . Ikibabwira ko abo abatowe aribo bere n’igiki? Eye musanze hari abari bafatanyije nabagiye noneho bagasibanganya ibimenyetso mwakora iki? Umutima w’umuntu ni mugari. Ahubwo muve mu marangamutima mutabaze imana itabare adeperi nayo ubundi birakomeye. Kera adeperi niyo yabagamo aba kristu batinya cyane ibyaha kuruta abandi ndetse bakanatenga uwabikoze. None ubu ikizira cyateretswe ahera. Ngaho nimukomeze urwane urwa petero. Urugamba si urw inyama namaraso ahubwo ni urwumwuka

Uwera Kuya 1-06-2017

Yemwe muhagarike gucumura. Mwasenze imana igasobanura ibidasibanutse cg mugategereza icyemezo cy’urukiko mwibuke ko mu rubanza hatsinda ibimenyetso bifatika no kumenya kwisobanura; rero sibigambo byinshi bituma utsinda . Ikibabwira ko abo abatowe aribo bere n’igiki? Eye musanze hari abari bafatanyije nabagiye noneho bagasibanganya ibimenyetso mwakora iki? Umutima w’umuntu ni mugari. Ahubwo muve mu marangamutima mutabaze imana itabare adeperi nayo ubundi birakomeye. Kera adeperi niyo yabagamo aba kristu batinya cyane ibyaha kuruta abandi ndetse bakanatenga uwabikoze. None ubu ikizira cyateretswe ahera. Ngaho nimukomeze urwane urwa petero. Urugamba si urw inyama namaraso ahubwo ni urwumwuka

NESTOR Kuya 31-05-2017

yesu ashimwe!
Tubifurije kuzakoraneza imirimo mwatorewe mujyemwibuka ko muri abakozi ko uwabahaye umurimo awubereye maso tubatezeho impindukanziza ziboneka mw’ijambo ry’Imana Imana ibafashe . yobu 28:28

jean paul Kuya 31-05-2017

ikibabaje nuko hari aho abakristo bagiye baka inguzanyo ngo bishyure gisozi kdi na n’ubu ahenshi baracyarwana no kwishyura ago madeni hageretseho n’amanyungu.gusa icyaha nikibahama babihanirwe pe kandi n’abarimo barengana imana ibarenganure.

Manirarora vedaste Kuya 31-05-2017

Ukuntu nubu ntituravamo amadeni yabo bariye sha

Vumiliya Kuya 30-05-2017

Aba nibo baba bakwiye gufungirwa Iwawa aho badashobora kurya ayo basahuye.

Vumiliya Kuya 30-05-2017

Aba nibo baba bakwiye gufungirwa Iwawa aho badashobora kurya ayo basahuye.

Vumiliya Kuya 30-05-2017

Aba nibo baba bakwiye gufungirwa Iwawa aho badashobora kurya ayo basahuye.

Vumiliya Kuya 30-05-2017

Aba nibo baba bakwiye gufungirwa Iwawa aho badashobora kurya ayo basahuye.

Bigwi Kuya 29-05-2017

Icyakora niba Igihugu gikunda abaturage bacyo bari mu idini ADEPR babafashe bagarurirwe(basubizwe )amafaranga yabo bambuwe cyane ko ari umutungo w’u rwababyaye.
Naho kwemera ko yasinyag amasheke ariko agahakana ko atamenyaga amanyanga arimo yo kunyereza umutungo byo ni ukuyobya amarari.Iyo umuntuyagizwemu kuru mu mu muryango ni ukoabafite gushishoza nareke rero kujijija inteko.Nabyo ubwabyo ubutabera bwabumiryoza.
Nibasigeho kwanduza no gutoba umurimo w’Imana. Abayumbe mukomeze musengere umurimo nyiri umurimo akure urukungu mu masaka.Nigihe cyo gushingurwa kw’bayobozi ba adepr.N’abandi basigaye batafashwe nabo nibashyikirizwe ubutabera hakiri kare. Mutubarizen’imisanzu adepr intara y’iburengerazuba yoigamije iki mu gihe abantu /abakritso batararuhuka gisozi ngo bisane.

HAKIZIMANA FAIDHA PATRICK Kuya 25-05-2017

BURYA MUTUZE HARI ICYO IMANA YAVUZE KU ITORERO RYA ADEPR NTABWO IMANA YAKWEMERA AGASUZUGURO ABADAIMONI BASHAKA KUZANA KUBANA B’IMANA, ICYAHA NIKIBAHAMA BAZABIBAZWE KUKO KUGEZA UBU HARI INSENGERO ZABO ZAGUJIJE AMAFARANGA MURI SACCO NAHANDI BABUZE UKO BISHYURA UMUSANZU WA GISOZI AHUBWO MURUKIKO BAZAVEMO BEMEYE GUSINYA MUMYANZURO YACYAMURANA KUKO INGWATE ZATANZWE ABAKIRISITU BARI BUBIRA ICYUYA

Jean de Dieu Semana Kuya 25-05-2017

Ariko umuntu uvuga MHO abakozi b’Imana aransetsa cyaneeee...!! abakozi b’Imana bari abakera .Njye iyondebye imbaraga itorero ryacu ririmo gukoresha muiterambere ry’Isi ndumirya . Ubonyengo batinyuke kubaka Imiturirya Ngo namahoteri kdi insengero zirimo kugwira abakiristo hiryano hino? ubundise n’ubusanzwe ko aribo bigenera imishahara nayo ivuye mubyuya byabakiristo nabo batishoboye , Niba ari abakozi b’Imana bategereje Ikazabahemba? Ubundi abakozi b’Imana itorero ribagenera ibibatunga nahobiyo bibaye imishahara ntibaba ari abakozi b’Imana baba ari abakozi babantu.

theo Kuya 24-05-2017

nyabune mugere ni muri méthodiste kamembe kamembe murenganure abarengana amacakubiri ni yose mutabare !

emy Kuya 23-05-2017

ubwo ngo murabakrito yewe wapi urukundo ntirwishimora gukiranirwa kwabandi yesu yaravuze ati mukunde abanzi banyu ubwose mwe mwanga tom mumurusha iki? kandi namwe muramuseka uwabagenzura mwaba murabera wasanga mwiba Imana ibyayo mwitonde

jepiyeri Kuya 23-05-2017

mbegabantu babiwewe

Ntamuhanga Assiel Kuya 23-05-2017

Mbega ibisambo !!aba bakozi barezwe kuva kera ndetse nabakristo nuko babuze uwabaenganura ba ADEPR NAHUNDI rwose bacukumbure neza sariya gusa bahereye kare

SHEMA Aaron Kuya 23-05-2017

Niba barayariye bayaryozwe kandi bashyireho n’inyungu zayo kuko bahombeje ITORERO

Karahabutaka Rutsinga Kuya 23-05-2017

Ndasabira umugabo Rev Mutaganzwa Viateur kuzasubizwa umwanya yanyazwe w’ubunyamabanga bukuru muri ADEPR kuko ibyo yerekanaga ko uriya mwenda ADEPR yasabaga udasobanutse none birangiye iryo yavuze ritashye. Ni ukuri Viateur yarimo umwuka w’Imana kandi musabiye umugisha wo kuzahirwa akiri mu isi ndetse akazabana n’Imana.

mbabazi Kuya 22-05-2017

Icyaha ni kibi koko!Rwagasana Tom aratinyuka akavuga ngo umutungo wa ADEPR ntabwo wari mu nshingano ze? Kuki se yahoraga ashishikajwe ni uko abakristo bishura ayo mafranga ,ndetse bakoreshaga n,ubundi buriganya:itorero ryarangizaga kwishyura imisanzu bariciye bahitaga barisura bakanariha icyo bitaga igikombe cy’ishimwe.

mbabazi Kuya 22-05-2017

Icyaha ni kibi koko!Rwagasana Tom aratinyuka akavuga ngo umutungo wa ADEPR ntabwo wari mu nshingano ze? Kuki se yahoraga ashishikajwe ni uko abakristo bishura ayo mafranga ,ndetse bakoreshaga n,ubundi buriganya:itorero ryarangizaga kwishyura imisanzu bariciye bahitaga barisura bakanariha icyo bitaga igikombe cy’ishimwe.

bigenimana Kuya 22-05-2017

Zaburi 15:1,2,5
Uwiteka, ni nde uzaguma mu ihema ryawe? Ni nde uzatura ku musozi wawe wera?

Ni ugendera mu bitunganye agakora ibyo gukiranuka, Akavuga iby’ukuri nk’uko biri mu mutima we.

Ntaguriza ifeza kubona indamu zirenze urugero, Cyangwa ntiyemera ibiguzi ku utariho urubanza. Ugenza atyo ntabwo azanyeganyezwa.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...