konka coffee
KONKA

AMAKURU

UKWEZI

Nyuma y’abayobozi 6 ba ADEPR bafunzwe, ubakuriye Bishop Sibomana nawe yatawe muri yombi

Nyuma y’abayobozi 6 ba ADEPR bafunzwe, ubakuriye Bishop Sibomana nawe yatawe muri yombi
27-05-2017 saa 21:52' | By Chief Editor | Yasomwe n'abantu 11533 | Ibitekerezo 31

Bishop Sibomana Jean; umuvugizi mukuru wa ADEPR, nawe yatawe muri yombi na Polisi y’u Rwanda akurikiranyweho ibyaha byo kunyereza umutungo w’itorero, nyuma y’uko abandi bayobozi yari akuriye nabo batawe muri yombi mu minsi ishize ndetse bakaba barakatiwe gufungwa iminsi 30 y’agateganyo mbere yo kuburanishwa mu mizi.

Amakuru y’itabwa muri yombi rya Bishop Sibomana Jean, yemejwe n’umuvugizi wa Polisi y’u Rwanda, ACP Theos Badege. Mu magambo ye yagize ati: "Hashingiwe ku bimenyetso byagaragaye mu iperereza rikomeje mu bibazo by’icungamutungo w’itorero ADEPR, uyu munsi tariki 27/05/17, ubugenzacyaha bwafashe umwanzuro wo gukurikirana Umuyobozi/Umuvugizi waryo, Bishop Sibomana Jean, ubu ari mu maboko y’ubutabera mu gihe iperereza ry’ibanze rigikomeza. Afungiye kuri Station ya Police ya Kimihurura. Akurikiranyweho icyaha cyo kunyereza umutungo n’ibindi byaha bigishamikiyeho."

JPEG - 191.5 kb

Abandi bayobozi bakuru ba ADEPR baherutse gutabwa muri yombi bakaba bakurikiranyweho kunyereza akayabo k’amafaranga, barimo Bishop Tom Rwagasana wari umuvugizi wungirije na Pasiteri Salton Niyitanga wakoraga mu biro bye nk’umunyamabanga, hakabamo Mutuyemariya Christine usanzwe ari umwe mu bagize Komite Nyobozi y’Itorero ADEPR aho yari ashinzwe ubukungu n’imari, hakabamo kandi Pasiteri Eng. Theophile Sindayigaya wari ushinzwe inyubako muri ADEPR, Gasana Valens ushinzwe icungamutungo muri ADEPR hamwe na Pasiteri Sebagabo Leonard wari Umunyamabanga Mukuru wa ADEPR.

Aba bose, baregwa kuba baranyereje amafaranga y’itorero abarirwa muri miliyari eshatu n’imisago y’amafaranga y’u Rwanda, bakaba baregwa ko basabye abakirisitu b’iri torero gutanga amafaranga ngo bishyure umwenda bari barafashe muri BRD ariko aho kuyishyura bakayakoresha mu nyungu zabo bwite.

JPEG - 117.8 kb

Bishop Tom Rwagasana wari umuvugizi wungirije wa ADEPR

JPEG - 107.3 kb

Mutuyemariya Christine yari ashinzwe ubukungu n’imari

JPEG - 48.4 kb

Pasiteri Salton Niyitanga wakoraga mu biro bya Tom nk’umunyamabanga we

JPEG - 238.6 kb

Gasana Valens wari ushinzwe icungamutungo muri ADEPR

JPEG - 52.2 kb

Pasiteri Sebagabo Leonard wari Umunyamabanga Mukuru wa ADEPR.


INKURU ZA :
Tanga Igitekerezo
Ibitekerezo 31
EMMY Kuya 31-05-2017

twe ntiduca Imanza ntituri Imana ariko niba umuntu agaragaye mu manyanga agombe ayabazwe, abavuga ko abakozi b’ Imana bavuzwe nabi sibyo rwose! iyo baba abakozi b’ Imana ntibari gukekwaho amayagwa! wishaka ko abantu bakubona icyo ushaka kuba cyo ahubwo ba cyo maze abantu bakikubonemo! None se uzanyara mu isoko uvuge ngo ndi umukozi w’Imana ntawambonye! Nibabikubaza ngobaguciriye urubanza? Niba uri umukozi w’Imana uhagarariye abandiubahe urugero wiza naho niwigira nabi uzabibazwa nabouyobora.

umwaliwabo Kuya 31-05-2017

Aba bararutanze rwose, ko tuziko intumwa za mbere zagiye zifungwa zizira kuvuga izina ry’Imana, aba bazavuga ko bafunzwe bazira iki? bazabona ishyano abitwaza izina ry’Imana ngo barye ibya rubanda kimwe n’abashyamirana bapfa ibyakagiriye akamaro itorero .

Uwiragiye Ferdinand Kuya 30-05-2017

abobagiyeho
nibakoraneza
namanyanga
imana
izabaha umugisha

Uwiragiye Ferdinand Kuya 30-05-2017

abobagiyeho
nibakoraneza
namanyanga
imana
izabaha umugisha

elie Kuya 30-05-2017

ndabona akazi karimo gukorwa neza kabisa. Imana ishimwe cyane yo imenya akababaro k’abaciye bugufi fadafite ubavugira. njye nshimira leta ibona ko abantu bagirirwa akarengane bityo igatabara kugirango irenganure abarengana.

Eddie Kuya 30-05-2017

Validité ibyo bisambo, dore aho byayogoreje itorero n’igihugu.

andre Kuya 29-05-2017

ibyomuvuga ntimubizi hagowe abaturage bohasi baingo amaturo batanga NGO ajyakumana baragowe

venuste Kuya 29-05-2017

Nkurikije uko bariya bayobozi b a ADEPR bagiyeho jyewe nzemera aruko ubutabera bwongeye guhesha agaciro itorero ry’Imana ryabaye igitutsi kubera bariya bayobozi .

Itubereyemaso Kuya 29-05-2017

Mbere ya byose nshimiye intore izirusha intambwe ko yahagurukiye kudukiza imikaka ya ziriya nyangabirama. Gusa kimwe cyo mbona ni uko izina ADEPR ribaye igitutsi kuburyo njye nifuza ko ababishinzwe bazabyigaho bakarihindura kuko risigaye ridutera ibikomere n’ ipfunwe mu bandi rikagendana na Sibomana n’ inyangajuru ze! Gusa bafite ubujiji bwinshi kuko bibagiwe ko mbere yo kuba aba pentekote turi ABANYARWANDA kdi twifitiye UMUSAZA uduhozaho ijisho banize umwuka wera n’ impano z’ umwuka mw’ itorero kugira ngo babone inzira yo gusahura ariko banibagirwako u Rwanda ruyobowe kdi ko hejuru ya byose hari Imana. Gusa niba 1/10 dutanga cyateje intambara natwe duciye akenge twakigabanya tukajya tubaha 1/100 ariko amahoro akaboneka ntimuryane. Gusa kubwange nifuzaga ko Imanza zabo zimaze gukusanyirizwa amakuru bazabazana muri grande salle ya DOVE HOTEL bakaba ariho imanza zabo zibera kuri terrain tukazikurikirana twese bikabera isomo n’ abandi.

Itubereyemaso Kuya 29-05-2017

Mbere ya byose nshimiye intore izirusha intambwe ko yahagurukiye kudukiza imikaka ya ziriya nyangabirama. Gusa kimwe cyo mbona ni uko izina ADEPR ribaye igitutsi kuburyo njye nifuza ko ababishinzwe bazabyigaho bakarihindura kuko risigaye ridutera ibikomere n’ ipfunwe mu bandi rikagendana na Sibomana n’ inyangajuru ze! Gusa bafite ubujiji bwinshi kuko bibagiwe ko mbere yo kuba aba pentekote turi ABANYARWANDA kdi twifitiye UMUSAZA uduhozaho ijisho banize umwuka wera n’ impano z’ umwuka mw’ itorero kugira ngo babone inzira yo gusahura ariko banibagirwako u Rwanda ruyobowe kdi ko hejuru ya byose hari Imana. Gusa niba 1/10 dutanga cyateje intambara natwe duciye akenge twakigabanya tukajya tubaha 1/100 ariko amahoro akaboneka ntimuryane. Gusa kubwange nifuzaga ko Imanza zabo zimaze gukusanyirizwa amakuru bazabazana muri grande salle ya DOVE HOTEL bakaba ariho imanza zabo zibera kuri terrain tukazikurikirana twese bikabera isomo n’ abandi.

solange Kuya 29-05-2017

umurimo ni uw’lmana ntimugaterwe ngo namwe mwitere uwiteka awuberey maso ni muhumure mutuze kuko buri wese azabazwa ibye hato bitakwanduriza ubugingo

François Kuya 29-05-2017

UWITEKA MANA Y’UKURI tabara itorero ryawe Kuko ariwowe mwungeri mwiza

ELISE Kuya 29-05-2017

Imana izaza ari intwari kandi atabare
Azakubita abungeri bariye intama.
Dore uko Ezekiel yabihanuye mu gice cya 34
abungeri bariye intama izavunitse ntibazunga izatatanye ntibarakazigarura mu rwuri ahubwo baraziretse ziba ibyo kurya by’amasega n’ibirura bagashakamo izibyibushye bakazirira (Ezekiel 34)
akomeza avuga ati ariko nzaza nkure abungeri bariye intama mbakure intamazanjye zizongera kuba neza.

binel Kuya 28-05-2017

hasuzumwe neza ba nyirabayazana baryozwe ibyo bakoze. kuko ntakuntu wafata abayobozi ngusige chef wabo. akebo kajya iwamugarura bagiyeho nabi kungufu none ndebera amaherezo. ntibabujije Samuel kwinjira mu tusengero. ahaaaa

Jean Mari Wa Butege Kuya 28-05-2017

Nkurikije Ayamanyanga Yose Abavugwaho Bo Babona Ari Abakozi B Imana Koko Ahaa Iturebera Niturebere

cyore Kuya 28-05-2017

Wowe uvuga Ngo habi wakoraga ubata mukanwa urinjiji yashatse gushimwa nabana babantu.ntawagukoze mumufuka

gatete Kuya 28-05-2017

ADEPR izongera kuba neza Pastor Usabwimana Samuel agarutse kuyiyobora n’abandi bashyirwaho batayobowe n’Umwuka wera byarangira nabo bananijwe n’agatsiko ka Rwagasana

Gatete Charles Kuya 28-05-2017

Nibamanuke badufatire n’ikindi gisambo cyitwa Sebadende cyajengereje ururembo rw’ADEPR AMAJYARUGURU

Gatete Charles Kuya 28-05-2017

Nibamanuke badufatire n’ikindi gisambo cyitwa Sebadende cyajengereje ururembo rw’ADEPR AMAJYARUGURU

Berchmas Kuya 28-05-2017

Nukuri biteye agahinda .

teo Kuya 28-05-2017

amacakubiri muri méthodiste kamembe porisi idutabare !!!

Abel Habiyambere Kuya 28-05-2017

Ikibanza kingana na 3 165 square meter kiri mu mugi wa Kigali cyari cyaraguriwe kubaka urusengero n’amashuri cyahawe Pastor Habimana Jerome,Treasurer mu rwego rw’akarere agihabwa na Byiringiro Hesron ,umuvugizi w’itorero Adventist mu Rwanda. Abantu bose bagerageje kuvuga ko uyu mutungo w’itorero warigishijwe utangwa mo ruswa, barirukanywe abo niba: Dr.Eng.Sebahashyi wari Rector wa Auca-Mudende, wubatse neza kandi akazamura ereme ry’iriya University; Habiyambere Abel wari Treasurer ku rwego rw’igihugu; Habinshuti Benjamin; wari ADRa Rwanda Finance Director. IKIBANZA cyari cyaguriwe kubakamo urusengero N’AMASHURI Rwose inzego z’ubutabutabera na National Police nizirenganure n’itorero ry’Abadiventisiti. Ikirego cyagejejwe muri National Police turasaba ko cyakwihutishwa. Byiringiro Hesron, umuvugizi avuga ko ngo we afite ubudahangarwa. Ibi bizaca intege abayobozi b’amatorero barya imitsi y’abakristo

Reply

Leave a Reply

Name*

E-Mail*

Website

Publish

Back to top
MobileDesktop

BOSCO Kuya 28-05-2017

ABO BASHAKWIKUBIRA UMUTUNGO UTARUWABO NIBASHIMIRWE IBYOBAKOZE UBUNDI BANAGAWE IBYOBAKOZE UBUNDI BAMBURWE UBUBASHA KUMIRIMO. YITORERO .

luckluck Kuya 28-05-2017

Bravo !!!!Amategeko akomeje kubahirizwa

Birababaje Kuya 28-05-2017

Ntabwo bisobanutse. Bishoboka bite ko abantu bangana batya bahuza umugambi umwe wo kurya amafaranga? Bigenzurwe neza kuko ndabona hari undi mugambi ubiri inyuma tutazi.

uwayo Kuya 28-05-2017

iri kuritabara wowe ntubibona ahubwo iduhe abayobozi bakwiriye atari aba bari barishyizeho

Isirikoreye Kuya 28-05-2017

Iamana itabare itorero ryayo gute kandi tayari yamaze kuritabara???

gautier Kuya 27-05-2017

Aba batype Sibo bonyine.
Abayobozi b amadini benshi ni amashyirahamwe y ibisambo asa n ayemewe na Leta. arya injiji n abiyita abanyabwenge nta mpuhwe na nke abagiriye. ibabaye muri aba ukoze n igenzura muyandi matorero wabosangamo. gusa ADPR yo si abayoboke b injiji gusa n abayobozi bayo usanga ari uko

ndahayo julius Kuya 27-05-2017

Uwampa igihembo police yacu nayihemba ukuntu iri guta muriyombi ba mukurumubi ibisambo bibi byayogoje Adeper ubunge ndihabi kubera gukora mbita mukanwa nibikarye umuriro bizatwishyure amafaranga yacu kandi n’Imana izabyishyuza umurimo wayo byatobanze

Wilson Kuya 27-05-2017

Mana tabara itorero ryawe

Wilson Kuya 27-05-2017

Mana tabara itorero ryawe

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...