konka coffee
KONKA

AMAKURU

UKWEZI

Ubuhamya bwa Ngendahimana wakoranye na Se ubutinganyi bakanaroga bwarokoye abasaga 50

Ubuhamya bwa Ngendahimana wakoranye na Se ubutinganyi bakanaroga bwarokoye abasaga 50
26-08-2016 saa 15:56' | By Chief Editor | Yasomwe n'abantu 9864 | Ibitekerezo 8

Nyuma y’ubuhamya bwa Ngendahimana Japhet ugenda abwira abantu batandukanye mu nsengero, mu bitangazamakuru n’ahandi, ubuhamya bw’iby’amarozi yakoze igihe kirekire akabifatanya no gusambana n’abahuje igitsina barimo na se umubyara, ubu arashimangira ko anejejwe cyane n’uburyo ubuhamya bwe bumaze gutuma abarenga 50 bakizwa bakakira agakiza.

Ngendahimana Japhet, ni umusore uba mu karere ka Kicukiro mu mujyi wa Kigali, aho akorera akazi ko kogosha. Ni umuyoboke w’itorero rya ADEPR mu Kagarama, aho yakirijwe nyuma y’igihe kirekire akora ubusambanyi bwari bugamije kugusha abakorera Imana nk’uko abihamya, ariko cyane cyane mu gusambana n’abasore bagenzi be, ibyo benshi bita ubutinganyi. Ubu busambanyi bw’abahuje ibitsina, yabutangiye ari umwana muto mu mwaka w’1997, aho yasambanaga na se umubyara ari nawe avuga ko yamushoye muri izi ngeso.

Mu buhamya burebure yagejeje ku kinyamakuru Ukwezi.com tukanabutangaza mu nkuru yacu yatambutse mu mezi ashize, Ngendahimana Japhet yasobanuye inzira yanyuzemo kugirango abashe gukizwa. Uyu musore avuga ko yavukiye mu karere ka Rusizi mu Ntara y’Uburengerazuba, ababyeyi be bombi bakaba batakiriho ariko bakaba baramusiganye n’abandi bavandimwe umunani.

Ndangahimana Japhet, yarakijijwe nyuma y’imyaka myinshi akora ubusambanyi bw’abaryamana bahuje igitsina

Mu buhamya bwe, Ngendahimana Japhet yasobanuye ko mu mwaka w’1997, ari bwo nyina umubyara yaje gupfa, kuva ubwo Se umubyara agatangira kumwinjiza mu mihango ijyanye n’ubupfumu n’amarozi, amwigisha ingeso z’ubujura n’ubusambanyi ndetse kuva ubwo amuhindura nk’umugore we, amwereka uburyo umugabo ashobora gusambana n’undi mugabo ndetse n’uko bikorwa.

Ndengahimana Japhet ati: "Nyuma y’urupfu rwa mama, Papa yatangiye kujya anyigisha imico mibi irimo ubujura, atangira anyigisha uko natega inkoko z’abandi nkoresheje indobani bakoresha mu kuroba, ibyo nza kubirenga njya mu bujura bwo gutobora amazu y’abantu, kuburyo nagiye nanabifungirwa kenshi nkajyanwa muri gereza nkuru ya Rusizi. Nyuma y’ibyo Papa yaje kuntangaho igitambo mu bigirwamana by’iwabo byitwaga Lyangombe rya Rwasangabo, antanga ngo nzabe igitambo cy’umuryango wose ku bijyanye n’iby’amarozi n’ibyo guterekera bajyaga bakora. Ubwo yatangiye kujya anyereka amwe mu marozi yajyaga akoresha arimo inzoka ebyeri yitaga ngo ni abarinzi, imwe yabaga mu rugo indi ikaba mu mirima y’iwacu, bivuga ngo nta muntu wari wemerewe kujya kwiba mu mirima y’iwacu cyangwa se kuza kwiba mu rugo. Ubwo yanyeretse n’ibindi byitwa impaca, anyereka ibindi byitwa amageza, anyereka uburyo ushobora gusuhuza umukobwa ugahita umusambanya utiriwe umwinginga, anyereka n’indi miti itandukanye. Ubwo yarantanze mba imandwa, mbese mpinduka ushinzwe kujya ngaburira ibigirwamana bye. Igihe cyarageze nkajya nsangira n’izo nzoka, ngasangira n’injangwe, ngasangira n’ubucurama... "

Uyu musore avuga ko amarozi n’imiti yahawe na Se, yatangiye kujya abikoresha ku bakobwa yabaga yifuza gusambanya, kandi akibanda cyane ku bakobwa yabaga abona mu makorali bakunda kwitabira cyane amasengesho, uwo yaramukaga asambanye nawe akaba yarahitaga araruka akaba indaya, kuburyo abo yagiye asambana nabo byagiye bibokama. Ibi byose yabikoraga abifashijwemo na Se wagendaga amwohereza mu matorero atandukanye, ngo ajye gushaka abakobwa abona ko basenga Imana abagushe abakure mu byo gusenga.

Yatangiye asambana na Se (ubutinganyi) aza no kujya muri gereza gukomerezayo

Ngendahimana Japhet yabwiye Ukwezi.com, ko nyuma yo kujya asambana na se bakora ibyo benshi bakunda kwita ubutinganyi, uyu mubyeyi we yatangiye kumubwira ko agomba kurenga imipaka akajya gukorana ubutinganyi n’abandi bantu banyuranye. Icyo gihe, yamweretse inzira azacamo kugirango bamufunge, maze kuko yari afite imyaka 16 y’amavuko, bamufungira mu rubyiruko rw’abatujuje imyaka 18, atangira gushyira mu bikorwa umugambi we wo kwigisha abo basore ubwo butinganyi maze barabukora karahava, gusa ngo yashimishijwe anatangazwa n’uko yasanze n’ubundi bamwe muri bo basanzwe babizi banabikora.

Mu mwaka wa 2003 ubwo Japhet yari afunzwe, Se yaje gupfa maze nawe bidatinze aza gufungurwa, ahita akomeza ubutinganyi aho yagiye abukorera i Kamembe, akambuka muri Repubulika Iharanira Demokarasi ya Kongo ndetse aza no kugera mu mujyi wa Kigali, aho yagiye asambana n’abandi bagabo benshi barimo n’abanyamahanga.

I Kigali bari bamuzi ku izina rya Chantal n’ubwo yari umusore

Asobanurira umunyamakuru wa Ukwezi.com uburyo byari byifashe, Ngendahimana Japhet yashimangiye ko i Nyamirambo, i Remera n’ahandi mu bice bitandukanye by’umujyi wa Kigali yagiye asambana n’abandi basore benshi b’abatinganyi, we bakaba baramwitaga ’Chantal’. Avuga ko hari abanyamahanga bajyaga bava iwabo bakaza mu Rwanda baje gusambana nawe, ndetse ngo bakamuha amafaranga atari macye. Uwashakaga gusambana nawe, yazaga abaza uwitwa Chantal.

Uko yaje gukizwa yagiye gushaka abo agusha mu rusengero

Mu rusengero rwa ADEPR mu Kagarama aho Ngendahimana Japhet asengera, ninaho yakirijwe mu buryo butunguranye, kuko yari yagiyeyo nyuma yo kumenya ko hari igiterane, akagenda ashaka umusore yagusha bakajya bakorana ubutinganyi. Icyo gihe hari mu mwaka wa 2015. Gusa ngo ahageze yasanze hari abantu bafite imbaraga zirenze iza sekibi avuga ko zamukoreshaga, kuva ubwo yikubita hasi maze ahaguruka yaneshejwe, ahita yatura avuga icyari cyamuzanye ndetse bahita bamusengera akizwa ubwo, kuva icyo gihe akaba yaratangiye kujya agenda atanga ubuhamya bw’ibyo yagiye akora byose, n’ubu akaba akomeje kubutanga mu nsengero z’amatorero atandukanye ari nako abwiriza abantu abasaba kureka ibyaha.

Mu kiganiro yagiranye n’ikinyamakuru Ukwezi.com kuri uyu wa Gatanu, yavuze ko amaze gutanga ubu buhamya bwe hirya no hino mu gihugu kandi n’ubu akaba akomeje, muri rusange aho amaze kubutanga hakaba harakijijwe abantu basaga 50 barimo abahoze bakora ubutinganyi nkawe, abahoze bakora uburaya busanzwe, abakoraga uburozi n’indi migenzo ishamikiye ku myuka ya shitani, ibi bikaba bimuha icyizere ko abantu benshi babikora hirya no hino bazagenda bafashwa n’ubuhamya bwe ndetse n’amasengesho abuherekeza maze bagakomeza kugana mu nzira y’agakiza.


Tanga Igitekerezo
Ibitekerezo 8
ss Kuya 30-08-2016

Uyu in cyangugu,#imitwe.com

TUVINDIMWE Kuya 30-08-2016

Eriko nagize ikibazo, uyu musore no Imana yamutegetse kuvuga ibi bintu hose? Kuko ibyo avuga ndumva ari ibyaha yakoze mwibango kuki iyo yihannye abishyira ku karubanda kandi bishobora kumugirahi ingaruka bukanagusha nabandi mubindi byaha,. Njyewe rero uko mbyumva si ngombwa ko ibyaha wakoreye mu rwiherero ujya kubivuga Ku mugaragaro dore ko kubivuga bitemeza ko wabiretse kandi bigira ingaruka kubandi.

arisaa mnybh Kuya 29-08-2016

nimurecye kwigira hatar nones?arabatekaho imitwe ngomumuhe icyi?cyangwa yabavuyemo yesu arabohora ntawundi wabishobora

uk Kuya 29-08-2016

Aka kaginga kararata umwanda kakoze igihe kirekire.

Fa Kuya 28-08-2016

witubeshya kabisa,ngo abantu bavaga hanze baje gusambana nawe?niwowe mutinganyi wenyine ubaho c?

muraho Kuya 26-08-2016

Gusa muge mureka kuyobya ubwoko bw’Imana.Niyo wasara ute,nkeka ko n’ubwo abatinganyi baba barataye ubumuntu ntawayobera kuri uwo.So iyo mitwe nayigabanye azatuburire abandi kandi namwe mujye mubanza mukore analyse zimbitse.God bless US.

claude Kuya 26-08-2016

aka kagabo karabeshya nikavane imitwe aho, ako gapyisi nikagende kareke kutubeshya

claude Kuya 26-08-2016

aka kagabo karabeshya nikavane imitwe aho, ako gapyisi nikagende kareke kutubeshya

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA