konka coffee
KONKA

AMAKURU

UKWEZI

Umuriro watse muri ADEPR, baregewe RGB, Minisitiri w’Intebe, Abadepite, SENA n’abandi

Umuriro watse muri ADEPR, baregewe RGB, Minisitiri w’Intebe, Abadepite, SENA n’abandi
12-10-2016 saa 08:10' | By Chief Editor | Yasomwe n'abantu 15813 | Ibitekerezo 26

Ishyamba si ryeru mu Itorero rya Pantikote mu Rwanda rizwi nka ADEPR, ubu haravugwamo bombori bombori yatumye bamwe mu ba pasiteri b’iri torero hamwe n’abakirisitu batandukanye bandikira inzego nkuru z’ubuyobozi bw’igihugu, basaba abayobozi bakuru ba ADEPR kwegura ku mirimo yabo nta mananiza kubera ko atari inyangamugayo, bakaba ari abambuzi kandi bakaba banyereza umutungo w’itorero bakarya imitsi y’abayoboke babo. Bashinjwa kandi guhindura imyizerere y’itorero, ubwambuzi no kwiyegurira imitungo ya ADEPR bakayigira iyabo.

Hashize igihe kirekire havugwa amakimbirane mu bayobozi b’itorero rya ADEPR mu Rwanda, ndetse iri torero ryagiye rigaragaramo ubugambanyi, kwibasirana mu buryo bweruye no guhanganira icyubahiro, ubusambanyi ku bashumba n’ibindi byagiye bisiga icyasha iri torero, mu maso ya benshi rigatakaza isura nziza y’umwimerere ryahoranye.

SOMA IBI BYOSE MU NKURU BIJYANYE HANO: Guhanganira icyubahiro, ubugambanyi, gucikamo ibice n’ubusambanyi byangije ADEPR

Benshi mu bahoze ari abashumba muri iri torero bagiye bahagarikwa, hanyuma bakavuga ko bapfa n’ubuyobozi bwa ADEPR bukuriwe na Bishop Jean Sibomana ko bamunenga agahita ashaka uko abikiza vuba na bwangu. Hari abarambiwe ubu buyobozi barimo abapasiteri, abadiyakoni n’abayoboke bo mu nzego zitandukanye, bifuza ko abagize biro nyobozi bose bakwegura, ndetse icyifuzo bamaze kukigeza mu bayobozi bakuru b’igihugu.

Mu ibaruwa Ikinyamakuru Ukwezi.com twabashije kubonera kopi yandikiwe Ikigo cy’igihugu cy’Imiyoborere (RGB) hakamenyeshwa na Minisitiri w’Intebe, Perezida w’Inteko Ishinga Amategeko umutwe wa SENA, Perezida w’Inteko Ishinga Amategeko umutwe w’abadepite, Minisitiri w’Ubutegetsi bw’igihugu na Perezida wa Komisiyo y’Ubumwe n’Umwiyunge, hagaragaramo ibirego byinshi bishingirwaho basaba ko abagize nyobozi ya ADEPR bakwegura nta mananiza, ndetse kopi dufite igaragaza ko aba bayobozi bakuru b’igihugu bose bakiriye aya mabaruwa bandikiwe.

Abashyize umukono kuri iyi baruwa, ni abantu bagera kuri 25 barimo abapasiteri, abavugabutumwa, abadiyakoni, abarimu n’abayoboke basanzwe bo mu itorero rya ADEPR. Buri umwe yashyize umukono kuri iyi baruwa, anashyiraho nimero ye ya telefone kuburyo uwamushaka yabasha kumubona agasobanura ibyo banditse n’impamvu yabyo, ndetse ibi banabikoze kugirango bagaragaze ko nta wasinye wa baringa urimo nk’uko bamwe mu baganiriye n’ikinyamakuru Ukwezi.com babishimangira.

Muri iyi baruwa baragira bati: "Tumaze kubona aho umuryango wacu ADEPR ugeze kubera abayobozi batari inyangamugayo kandi bahinduye imyizerere mwashingiyeho mubemera, bibaye ngombwa ko tubasaba ko mwabafasha bakegura ku neza batabyemera mukabeguza. Abayobozi ba ADEPR dufite uyu munsi ntabwo ari inyangamugayo, bamwe bambuye abantu barimo n’abayoboke ba ADEPR kandi babikora mu buhemu n’ubwambuzi bukabije (cheques zitazigamiye, n’uyu munsi bakaba bafite imanza mu nkiko)"

Bakomeza bagira bati: "Bananiwe gukemura ibibazo by’abo bayobora ahubwo bakaba ari bo babiteza (gushyira no gukura abantu mu myanya mu buryo bunyuranyije n’amategeko, kuzamura abantu mu ntera batitaye ku mabwiriza agenga umuryango, guha abantu inshingano za gipasitori badafite ubuhamya bwiza n’ibindi."

Uretse izi mpamvu, aba banditse banarega aba bayobozi gusesagura umutungo wa ADEPR, kunyereza amafaranga y’abayoboke yo mu kigega SICO, kwiyegurira umutungo wari uwa ADEPR babicishije muri Dove Hotel n’ibindi. Iyi Dove Hotel iherereye ku Gisozi, hari impapuro zerekana ko ADEPR yayikuyeho ikayegurira kompanyi yitwa Dove Hotel Ltd kandi iyi ifite undi uyihagarariye utari umuyobozi mukuru wa ADEPR (ibyayo tuzabigarukaho byimbitse mu nkuru itaha).

Bagaragaza kandi ko aba bayobozi bahinduye imyizerere y’itorero, kimwe mu bimenyetso batanga hakaba harimo kuba umuvugizi wa ADEPR mukuru Jean Sibomana n’umwungirije Tom Rwagasana, baherutse gutangaza ko babaye ba Bishop (musenyeri) kandi ibi bihabanye n’imyizerere ya gipantikote ndetse bitarigeze bibaho mu myaka 75 iri torero ryari rimaze rikorera mu Rwanda. Muri rusange, bagaragaza ko ibi byose bihagije ngo aba bayobozi begure nta mananiza, bajye gushinga itorero bakoramo ibyo bishakiye bakanashyiramo imyizerere yabo batabanje guhindura iya ADEPR.

Abanditse baravuga ko muri ADEPR hamaze igihe harimo iterabwoba, bamwe ngo bahise babyibonera bakimara kwandika

Abemeye gushyira umukono kuri iyi baruwa, bari bazi neza ko hari akaga kabategereje nk’uko babihamirije Ikinyamakuru Ukwezi.com. Bavuga ko kuva mu myaka micye ishize, umuntu wese ugaragaje ibitagenda muri ADEPR bahita bamwirukana bakanamuca mu itorero, ibyo bakabibona nk’iterabwoba rituma buri wese yemera agashirira mu mutima kugirango bucye kabiri atarirukanwa. Bavuga ko bemeye kuvuga ukuri kw’ibibera mu itorero rya ADEPR bazi ko bazahita bashaka uko babikiza, none koko bikaba byahise bitangira kubabaho.

Mu bantu 25 bari bashyize umukono kuri iyi baruwa, harimo abapasiteri bakuru bahise bahabwa akato mu itorero rya ADEPR. Mu ibaruwa ikinyamakuru Ukwezi.com twabashije kubonera kopi yanditswe n’abashumba bagize inama nyobozi y’Itorero rya ADEPR muri Gasabo, bavuga ko bitandukanyije na bagenzi babo Rev Mitsindo Gracien na Rev. Kayitare Vedaste kuko bari mu basinye kuri iriya baruwa yandikiwe abayobozi bakuru b’igihugu. Basabirwa guhagarikwa ndetse bagacibwa mu itorero burundu, kandi n’abandi basigaye nabo ibi ngo birabategereje kuko hari abo batangiye guhamagara babotsa igitutu.

Ibi abandikiye abayobozi bakuru b’igihugu bagaragaza ko ari uburyo bwo gukura umutima n’undi wese wo muri ADEPR waba ateganya guhirahira avuga ibitagenda cyangwa anenga ubuyobozi buriho, bakumva ibyo ari iterabwoba no kuyoboza igitugu intama bagakwiye kuyobora no kwereka inzira nziza ibaganisha ku Mana.


INKURU ZA :
Tanga Igitekerezo
Ibitekerezo 26
Bizimana Kuya 6-01-2017

Bihorere bajye bakora ibihwanye n’ibyifuzo byabo bitwaje izina ry’imana ariko abo bose bafite ishyano umunsi nyiritorero birirwa biyitirira yaje kurijyana iwe.a satisfied soul loathes a honey comb but to the hungry soul a very better thing is sweet.

Bizimana Kuya 6-01-2017

Bihorere bajye bakora ibihwanye n’ibyifuzo byabo bitwaje izina ry’imana ariko abo bose bafite ishyano umunsi nyiritorero birirwa biyitirira yaje kurijyana iwe.a satisfied soul loathes a honey comb but to the hungry soul a very better thing is sweet.

antoine Kuya 30-12-2016

Mwese ntimwamenye ko ku isi hari umuhanuzi marayika yesu yohereje abantu bose bategetswe kumwumva naho abo bandi ntagihe batazabarushya

antoine Kuya 30-12-2016

Mwese ntimwamenye ko ku isi hari umuhanuzi marayika yesu yohereje abantu bose bategetswe kumwumva naho abo bandi ntagihe batazabarushya

claude Kuya 2-11-2016

Yewe usabyimana yayoboye neza imana izabimuhembere ntamatiku yabagaho naho abariho ntaho batuganisha imana itugenderere

uwiitonze Kuya 18-10-2016

nukuri ibyo aba bayobozi bavuga sibyo barabeshyera abayoboke babo, nonese umuntu uvuze amakosa bakora mwitorero bahita bamugira umwanzi wigihugu ,birababaje pe ,ubwo se Tom Rwagasana na Sibomana babona barusha abanyarwanda bose bari muri ADEPR gukunda igihugu cyabo,,, ntabwo bazi ko harimo nabakirwaniriye bakakirasanira , ubu twese badufata ko turabanzi bigihugu ko tubona amakosa barimo gukora bikatuyobera, ubu amafaranga baka burigihe bayaka abayoboke babo kugitugu Umushumba utayatanze bakamwikiza ,ibintu byose byabaye agahato nta bwumvikane nabuke bukibaho, nyabuna turasaba ubuyobozi rwose gutabara bagahagarika aba bantu kuko nta ndanga gaciro za gikristo bafite nankeya.

claude Kuya 18-10-2016

yesu niwe wavuze ko igiti kitera imbuto nziza,gitemwa kikajugunywa mu muriro.none imbuto abayobozi ba ADPR bari kwera nimbi.ubwo urumva ko uzi ubwenge yahita ava muriADPR agashaka inzira y’ukuri.kuko ntampumyi iyobora indi,niyabikora zose zagwa mumbwobo.
MATAYO 7:15-21

B.J.P. Kuya 15-10-2016

Ibyo byose,ntawe bikwiye kurangaza,ngo bitwibagize KO turi abagenzi bajya mw’ijuru.kuko itorero rifite nyiraryo,ibiriberamo byose arabizi,azi nibyo twe tutazi. nimureke twirinde gucumura duca imanza,niba ibiri kuvugisha benshi IMANA Ibyemera Izabikomeza bikomere.Aliko nibona bitayubahisha,niyo Izabyirangiriza.Jyewe kugeza Ubu ndumva ntacyo ndabona gikwiye kubuza umugenzi ujya mw’ijuru by’ukuri kwikomereza urugendo. Abagenzi nimukomere dukomeze. kd ababona bikomeye namwe, Umwami wacu azi intege nke za nyu,ntizabura kubarengera.Inama nugusenga twirinda cyaneee kuko igifite itangiriro kigira n’iherezo.ibi nabyo bizashira.kuko sizo ntambara zambere itorero rigize.IMANA ibarinde

B.J.P. Kuya 15-10-2016

Ibyo byose,ntawe bikwiye kurangaza,ngo bitwibagize KO turi abagenzi bajya mw’ijuru.kuko itorero rifite nyiraryo,ibiriberamo byose arabizi,azi nibyo twe tutazi. nimureke twirinde gucumura duca imanza,niba ibiri kuvugisha benshi IMANA Ibyemera Izabikomeza bikomere.Aliko nibona bitayubahisha,niyo Izabyirangiriza.Jyewe kugeza Ubu ndumva ntacyo ndabona gikwiye kubuza umugenzi ujya mw’ijuru by’ukuri kwikomereza urugendo. Abagenzi nimukomere dukomeze. kd ababona bikomeye namwe, Umwami wacu azi intege nke za nyu,ntizabura kubarengera.Inama nugusenga twirinda cyaneee kuko igifite itangiriro kigira n’iherezo.ibi nabyo bizashira.kuko sizo ntambara zambere itorero rigize.IMANA ibarinde

Nkundimana Kuya 15-10-2016

Muribeshya Icyo nzicyo Uwiteka abereye maso umurimo we ako kavuyo muteza mu nzu y’Imana muzabona icyo bizababyarira murabona uburyo mutukisha izina ry’Imana kubwo gushaka ibyubahiro bitampaye agaciro mwagiye muri politic mukava mur itorero kuk nubundi mwebwe ndabona mutaranyuze mu marembo ahubwo mwuriye inkike abant nkamwe kweli birababaje

JAC H Kuya 14-10-2016

"IMANA N’IMWE KIRIZIYA N’IMWE (GATULIKA) UKWEMERA KUMWE BATISIMU N’IMWE" babigize business ntambuto bera MANA TABARA

JAC H Kuya 14-10-2016

"IMANA N’IMWE KIRIZIYA N’IMWE (GATULIKA) UKWEMERA KUMWE BATISIMU N’IMWE" babigize business ntambuto bera MANA TABARA

kuku Kuya 14-10-2016

mureke abanyeroma bibereho mu mutuzo; ziriya ngo bafite nizo zibatera kwifuza birutwa no kudashaka abagore rero

kuku Kuya 14-10-2016

mureke abanyeroma bibereho mu mutuzo; ziriya ngo bafite nizo zibatera kwifuza birutwa no kudashaka abagore rero

pascal Kuya 13-10-2016

Iriya bombori nimwe mubimenyetso rya AMADINI yikinyoma

theo Kuya 13-10-2016

nibareke buri toréro aho ryubatse ryijyenge,nubundi nitwe twirya tukimara muri byose

MIKE Kuya 13-10-2016

YEWE YESU YARAVUZE NGO MUZABAMENYERA KUMBUTO BERA.NONE RWOSE
IMBUTO ZABO TURI KUZIBONA IMBONA NKUBONE.KANDI YESU YARAVUZE NGO IGITI KITERA IMBUTO NZIZA KIRATEMWA KIKAJUGUNWA MU MURIRO.UBWO RERO NUKUVA MURI ADPR MATAYO 7;17-21

MUSENGE ELIE Kuya 13-10-2016

UWAMENYERA AHO MUSENYERI ATANIYE NA PASITERI MU MIKORERE NO MU NSHINGANO YAMBWIRA

kora Kuya 13-10-2016

IYABA ABAREGA BABIKORAGA KUBWUMUHATI NISHYAKA BAFITIYE UMURIMO W’IMANA BATABIKORERA NABO GUSHAKA KWIHIMURA KUBABAHAGARITSE. NABO UBAGIZE ABAYOBOZI NONE NTACYABABUZA KUGERA IKIRENGE MUCY’ABO BASIMBUYE. UBWO RERO NTA MPYISI NTA MASEGA. BOSE NI BAMWE NI BATUREKERE IMANA YACU NITORERO IBIBAZO RIFITE UWITEKA AZABIKEMURA AKORESHEJE ABO YITORANIRIJE. NIWE NYIRUMURIMO KANDI ARAWUHAGARARIYE. ABAKENEYE INDAMU Z’INDA ZABO BO TUZAGUMANA NABO KUGEZA CHRISTO AGARUTSE GUTWARA ITORERO. KANDI ABAKURURA IBISITAZA KUBWO BW’IMANA BAZABONA ISHYANO.

BIZUMUREMYI Steven Kuya 12-10-2016

Ahaaaaa!ni ugusenga gusa,Imana igatabara umurimo wayo dore ko usigaye unakundwa na bake kuko nyirawo ari we usigaye awukunda by’ukuri.

rebero Kuya 12-10-2016

Njyewe uko mbyumva Imana yacu ntijya ibura uko igira ngo isubize abana Bayo mwebwe mubasengere iyo mwijuru kandi muzasenge mwizeye nkuko Elie yasenze kumusozi niba dusenga iyo mwijuru koko izitamurura kandi kandi mbivuze mbishimangira niba hari umuntu wo mumiryango yabo ukurikira izi mbunga tubaho azababona ko bizabagaruka cyakora bajye bavuga bati benewacu badukururiye umuvumo kuko Imana ntago yabareka rwose ngo bagumye barye imitsi yabariya bakecuru bingorwa baburara babwirirwa iyo mwijuru izabahorera

Damascene Kuya 12-10-2016

Yewe Elishadaiiii !!!rengera itorero ryawe. Nshuti z’umusaraba mwihangane kdi mukomere murusheho kwegera data azatumenyesha ibyejo hazaza nkabanyetorero. ibindi mubiharire Imana kdi mwibukeko ibihe bigoye cyane umugenzi, mwicecekere ahubwo mureke duhamagare gatonda azaturengera. umugoroba mwiza wo kubana n’Iman

Joseph Kuya 12-10-2016

Amadini yatugize uturima twabo ntakundi byagenda.Ariko buhoro buhoro bizakemuks ubwoba nibushira.uzi ko amàdini ari nka company z’ubucuruzi bashinze ubundi tugahora tubasorera!

HITIYISE Benjami Kuya 12-10-2016

Yewe, ndumva ibyo muri ADEPR bikaze pee!!!!!!

RUHIRWA Emmanuel Kuya 12-10-2016

Umuzaza Mpyisi aba ararikocoye ati; Amadini yose ati; ni aya Shitani. Umusaza tuba tumusamiye hejuru tuti; Ceceka wa Gasaza we!! Erega niryo akomokamo ry’Abadivantiste nabo baba baramwihaye da! None kugeza ubu nihagire umbwira idini risigaye ritarimo bombori bombori ishingiye ku mitungo n’Ibyubahiro? Usibye Abahamya ba Yehova?

pierre Kuya 12-10-2016

Yemwe ibyaha byabantu nibyinci uko numva uwakoze icyaha muri reta yahanwa nkabandi hakoreshejwe amategeko yareta ariko kwimura itorero ntibikwiriye kuko buri wese ari nyamwigendaho bafite imigabane ibiri bahawe kujya bishyura iby’imana bakabiha imana n’ibyareta bakabiha reta.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA