konka coffee
KONKA

AMAKURU

UKWEZI

Umurundi yatangajwe n’ibyo Bishop Rugagi yakoze, bimukura muri Amerika aza kwirebera

Umurundi yatangajwe n’ibyo Bishop Rugagi yakoze, bimukura muri Amerika aza kwirebera
23-08-2017 saa 11:30' | By Chief Editor | Yasomwe n'abantu 8022 | Ibitekerezo 8

Masumbuko Abedenego, umusaza w’Umurundi umaze imyaka 9 yibera muri Leta Zunze Ubumwe za Amerika, yafashe umwanzuro wo gushakisha uburyo yaza mu Rwanda ku nshuro ye ya mbere, nyuma yo kurebera kuri mudasobwa akabona ibintu Bishop Rugagi akora, agashaka kuza kubireba ahibereye.

Uyu musaza Masumbuko wivugira ko atazi gusoma, ahamya ko Imana yamuyoboye mu rugendo rwe kuva muri Amerika kugeza ageze ku cyicaro cy’Abacunguwe mu mujyi rwagati, nta kibazo agize kandi atari asanzwe ahazi.

JPEG - 181.2 kb

Umusaza Masumbuko ukomoka mu Burundi ariko uba muri Amerika

Uyu musaza yatangarije umunyamakuru uburyo yamenye Bishop Rugagi Innocent agira ati:”Ubundi mbona Bishop ubwa mbere, hari ahantu nari natembereye ngezeyo nsanga bari kureba kuri computer uyu Bishop nanjye ndareba, ariko byarantangaje cyane kuko nabonaga akora ibitangaza bidasanzwe, asengera abantu bose mu izina rya Yesu kandi bagakira... Ubwo mu mutima wanjye nahise ngambirira ko ngomba gushaka uburyo naza nanjye nkazifatanya n’abandi muri aya masengesho, ndetse nkabona na Bishop Rugagi amaso ku maso, kuko numvaga mu bihe byanjye nsigaje, nzaba mbonanye n’umuntu w’agaciro cyane.”

JPEG - 199.5 kb

Uyu musaza avuka ko nyuma yo gushaka ibyangombwa n’amafaranga y’urugendo, yaciwe intege n’abantu bamubwiraga ko kugera kwa Bishop Rugagi bizabagora kuko atazi gusoma, ariko we akababwira ko Imana izabikora.Ubwo yageragayo mu cyumweru gishize, yongeye gushimangira ko ibyo yaboneye kwa Bishop Rugagi bihambaye cyane.

Yagize ati: "Uyu mukozi w’Imana yarantangaje cyane, ahubwo none nibwo nabonye byinshi kurusha ibyo nari narabonye kuri computer. Nabonye azura abantu bameze nk’abapfuye, bazaga batakaje ubwenge bwose akabasengera bagakira, nabonye aho abantu bata imbago bakagenda n’amaguru yabo, nabonye abo yirukanamo amadayimoni akabavamo bakaba bazima, ikindi asengera amazi abantu bakayanywa bagakira indwara zabo. Nanjye naje ntameze neza ariko maze kunywa amazi yasengeye, nahise numva ngize impinduka mu mubiri wanjye.”

JPEG - 210.7 kb

Imbere y’abantu yatanze ubuhamya bw’ibyo yabonye kuri Rugagi

Umusaza Masumbuko yavuze ko nta cyifuzo kinini cyane yazanye ngo Bishop amusengere, gusa ngo yumvaga kubonana n’umuntu w’Imana udasanzwe nka Bishop Rugagi, ari ikintu yumva azaba yaragezeho cy’umumaro mu buzima bwe. Ikindi yongeyeho, yavuze ko yaje yizeye ko nabonana nawe gusa imbonankubone n’ibitagenda neza byose, bizahita bizagenda neza.

Uyu musaza kandi n’ubwo yaje kubona umudiyakoni wo mu itorero rya Bishop Rugagi umujyana akamucumbikira, yatangarije umunyamakuru ko iyo atabona umucumbikiran yari kuzajya yirirwa mu rusengero akanaruraramo kuzageza igihe azasubirira muri Amerika.

JPEG - 178 kb

Bishop Rugagi nawe yagaragaje ko yishimiye ibyatangajwe n’uyu musaza


INKURU ZA :
Tanga Igitekerezo
Ibitekerezo 8
Darren Kuya 24-08-2017

Mwitonde cyane murebe ko mugihagaze kubyo twizera!? ibyo bita Ibitangaza byo muri iyi minsi ndabishidikanyaho!!!!!!

job Kuya 24-08-2017

Wowe shaka iyo mana bakorera ibasha kugukiza ntabwo aribo babikora....

Gisèle Kuya 24-08-2017

@Bosco basengera mugukari cyo kwarubangura, ahahoze BK bari mumasengesho ya 67 Jrs, hagere uhabwe umugisha, amateka yawe ahinduke

Gisèle Kuya 24-08-2017

@Bosco basengera mugukari cyo kwarubangura, ahahoze BK bari mumasengesho ya 67 Jrs, hagere uhabwe umugisha, amateka yawe ahinduke

ange Kuya 23-08-2017

Muri iyi minsi yanone abantu ntibagishaka nyiribitangaza bahugiye mugushaka ibitangaza ,Imana idutabare

ange Kuya 23-08-2017

Muri iyi minsi yanone abantu ntibagishaka nyiribitangaza bahugiye mugushaka ibitangaza ,Imana idutabare

Bosco Kuya 23-08-2017

Mwandangira aho aba bakozi b’Imana bakorera n’igihe basengera.
Murakoze

Bosco Kuya 23-08-2017

Mwandangira aho aba bakozi b’Imana bakorera n’igihe basengera.
Murakoze

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...