konka coffee
KONKA

AMAKURU

UKWEZI

Umuyoboke wa ADEPR yuzuye umwuka ahanura Radio na Televiziyo by’itorero - VIDEO

Umuyoboke wa ADEPR yuzuye umwuka ahanura Radio na Televiziyo by’itorero - VIDEO
15-10-2016 saa 12:45' | By Chief Editor | Yasomwe n'abantu 14977 | Ibitekerezo 28

Umwe mu bayoboke b’itorero rya ADEPR witwa Murihano Venant ukomoka mu karere ka Nyamasheke, yuzuye umwuka mu ikoraniro ry’abantu barenga 1500 bari baturutse mu gihugu hose, bateraniye mu nama yabereye i Kigali yigaga ku mushinga wo gutangiza Radio na Televiziyo by’iri torero. Ubwo yuzuraga umwuka akavuga indimi, yashimangiye ko iyi radio na televiziyo bizaboneka bitarenze uyu mwaka.

Kuri uyu wa Gatandatu tariki 15 Ukwakira 2016, ku nyubako za Dove Hotel ya ADEPR ku Gisozi habereye inama yahuje abayobozi ba ADEPR n’abagize urwego rw’abafashamyumvire baturutse mu gihugu hose. Uru rwego rw’abafashamyumvire ubusanzwe rugizwe n’abantu basaga 2000 mu gihugu cyose bashinzwe guhugura abayoboke ba ADEPR ku bintu bitandukanye byabateza imbere, ariko iyi nama yitabiriwe n’abagera ku 1320. Abari muri iyi nama bose, barengaga 1500 ubariyemo n’abayobozi ba ADEPR mu nzego zitandukanye.

Ingingo nyamukuru bigagaho, ni umushinga wo gutangiza Radio na Televiziyo bya ADEPR, umushinga uzatwara amafaranga y’u Rwanda arenga miliyoni magana abiri (200.000.000), kandi aba bafashamyumvire bakaba biyemeje kuyishakamo ubwabo bakayabona, bidatinze bahita bayakusanya araboneka.

Murihano Venant yahanuye avuga indimi, avuga ko Imana igiye kubaha Radio na Televiziyo

Ubwo igikorwa cyari kigeze hagati, umuyoboke wa ADEPR akaba n’umwe mu bafashamyumvire witwa Murihano Venant wari waturutse mu karere ka Nyamasheke, yuzuye umwuka avuga indimi nyinshi z’amahanga ari nako avangamo Ikinyarwanda. Mu byo yavuze, harimo kuba Imana yarabahaye byinshi birimo inyubako nziza zo ku Gisozi, ikabaha ubuyobozi bw’igihugu bwiza buyobowe na Perezida Kagame, bityo na Radio na Televiziyo ikaba igiye kubibaha vuba bidatinze kuko ntacyo bayiburanye, kuburyo umwaka uzajya gushira ibyo byaravuye mu nzira biga ku bindi byabateza imbere.

REBA MURIHANO VENANT YUZURA UMWUKA HANO:

Mu kiganiro yagiranye n’ikinyamakuru Ukwezi.com, Murihano Venant yashimangiye ko ubusanzwe atigeze agera mu ishuri ndetse akaba atazi no kuvuga indimi z’amahanga uretse Ikinyarwanda, nyamara ngo Imana yamufashije kumenya gusoma Bibiliya n’ibindi bitabo bivuga ubutumwa. Ibijyanye n’indimi yavuze z’amahanga ubwo yuzuraga umwuka, yemeza ko ari Imana iba irimo gukora ibyayo kuko ari nayo yabusanyije indimi mu bantu b’amahanga yose atuye isi.

Murihano yuzuye umwuka avuga indimi, arahanura abira icyuya, kandi ngo ntiyigeze akandagira mu ishuri

Tugarutse kuri uyu mushinga wa Radio na Televiziyo, umuvugizi wungirije wa ADEPR, Bishop Tom Rwagasana, yatangaje ko bashaka kwagura ivugabutumwa bakajya banabwiriza abatari abayoboke ba ADEPR batabasha kugera mu nsengero, uretse n’ibyo kandi bakaba bazajya banakora ibikorwa bibyara inyungu birimo no kwamamaza.

Bishop Tom Rwagasana, umuvugizi wungirije w’Itorero rya ADEPR

Uhagaririye abafashamyumvire, yavuze ko bihaye amezi abiri yo kuba bamaze gukusanya amafaranga yose asabwa ngo Radio na Televiziyo bitangire gukora. Yavuze ko itorero ryabo ryifitemo gushyira hamwe no gukunda gushyigikira umurimo w’Imana, nayo ikaba izabafasha byose bikagenda neza mu mugambi wayo. Bidatinze bahise biherera mu bice bitandukanye hakurikijwe uturere bakomokamo, maze buri Ntara n’Umujyi wa Kigali bahiga ayo bagiye gutanga bitarenze amezi abiri, birangira bose hamwe babonye arenga ayifuzwaga, kuko biyemeje gutanga arenga 211.000.000 uyateranyije hamwe.

Uhagarariye urwego rw’abafashamyumvire mu itorero rya ADEPR ku rwego rw’igihugu


INKURU ZA :
Tanga Igitekerezo
Ibitekerezo 28
VINCENT Kuya 4-05-2017

njye nabuze icyo mvuga pe! ubu nibaza ibintu byose abantu bavuga nibyo bakora niba imitima yabo ibahamiriza ko ari Imana bakorera cg ari bo ubwabo bikorera. nanjye ndi umukristo wa adepr but nkurikije igihe nahamagariwemo abantu bamaze gucuya.!

silas Kuya 12-11-2016

Mwirinde abajura babakora mu mifuka bitwaje Imana ko bashishikarira kubaka hotel ,television,radio kandi ayo mafaranga agomba kuva mu bakristo ko mudatekereza Ku bakene bari mu itorero ryanyu nkuko reta ibikora mu rwego rwo kubaka ubuzima bwabo bwejo hazaza ahubwo mwebwe nkaba mbona vision mufite ari ukubasahura ikindi iyo ufashe iyo budget ingana gutyo ukayigereranya nubuzima abayoboke Banyu bafite mubona Atari ukugora abantu no kunaniza abagenzi? ikindi aho abayoboke Banyu batangiye amafaranga niyihe mishinga ibyara inyungu mwakoze keretse kuyaryaniramo buretse muzaba mureba icyo iriya hotel izakora ubwo izaba irigutanga umusaruro uhagije intambara izaba mu bayobozi b’adepr izaba irenze iyahuje Vietnam n’Amerika kuko ntibakiyoborwa. nijambo ry’Imana kuko Yesu ariwe muyobozi wabo ntibagirana urwango ahubwo umuyobozi wabo ni ifaranga bakristo Yesu yazanywe no kubaka imitima yacu ayubakisha ijambo yihishijwe n’Imana kugira NGO nituryumvira tuzage kubana nawe mu mazu atarubatswe nabantu mu ijuru kandi yesu yaje intego afite ari ukudutandukanya nisi adukundisha ijuru iyi ntego ninayi intumwa zakoreyeho ndetse nabakristo bambere bemeye guhorwa ijambo ry’Imana nicyo cyatumaga umwuka wera abazaho akabatindaho ariko abapasteur benshi miri iyi Minsi bo cyabo ni amafaranga mbese so aba Yesu ahubwo Nabisi reri bakristo mube maso mumenye ubwenge amafaranga yanyu muyakoreshe mubibafitiye inyungu kuko into barikubaka mu mafaranga urigutanga umusaruro uzabivamo uzaribwa nabapasteur nabana babo naho wowe abawe barikwicwa nibibazo mukanguke rero

uwayo Kuya 25-10-2016

meme urantangaje pe ngo izo ndimi in izihe ko uduhaye urutonde ruto se indimi ziri kwisi zirenga 8.000 none uvuze 5 gusa bigaragara ko ukeneye kumenya byinshi uzasome bible Ese wibwirako izavuzwe kuri pentekote (ibyak 2) bose bazumvaga reka da kuko hari abavuze ko basaze,basinze aribwo petero yababwiraga ati ntibasinze kuko hakiri kare kuburyo ,batari kuba basinze niyo bari kuba bazizindukiyemo (inzoga) inzandiko zandikiwe itorero ry’ikorinto uzabibonamo iby’indimi

Egide Pasteur Kuya 18-10-2016

Mwebwe mupinga muribeshya. Icyo turi neza ni uko iyatangiye umurimo ari nayo izawusoza. Dushimiye Imana aho igejeje ikora tuyiragije nibiri imbere. Uyu mushinga ni mwiza, Imana ihe umugisha abafashamyumvire bacu kdi Yesu abashyigikire.

munezero Kuya 17-10-2016

Ahaaa ADEPR ni toréro nemera nk iry umwuka ariko abahanuzi bo muri iyi minsi mubitondere KO batabona ibyaha bikorerwamo Imana yararebye ibona télévision na radio aribyo byihutirwa nibarebe ubugingo ibindi bazabyongererwa

Salama Kuya 17-10-2016

ADPR karibu ariko murebe neza kuko mufite abakene beshi kandi bakeneye inkunga, ikindi kandi igihe tugezemo ese nicyo gushinga Radio na Television. ahaaaa

Salama Kuya 17-10-2016

ADPR karibu ariko murebe neza kuko mufite abakene beshi kandi bakeneye inkunga, ikindi kandi igihe tugezemo ese nicyo gushinga Radio na Television. ahaaaa

NICE Kuya 17-10-2016

murishinga abacinya inkoro yahanuye nyine ngo bamwemere. ariko uwo we ntibazayamuce ubwo yayahanuye

john Kuya 17-10-2016

Izo ndimi muzireke.Ni izacu abayoboke ba ADEPR, namwe muzifakire izanyu. Twe gufite umwuka wera,nta rindi torero Imana ishobora guha ubwo bubasha bwo kuvuga izo ndimi. Ni akumiro pee............

HAKIZIMANA FAIDHA PATRICK Kuya 17-10-2016

NJYE NDI UMUYOBOKE WA ADEPR KANDI NDA YEMERA ARIKO UREBYE UMUSHINGA W’INYUBAKO YA DOVE HOTEL IMBARAGA WATWAYE ABAKIRISITU KU MUDUGUDU BITYO NDASANGA ABAYOBOZI BACU BAKORA DESCENTE MU MA PARUWASI BAGASHIMIRA ABAGIZE URUHARI MURI IKI GIKORWA.
ICYIFUZO MFITE HARI INSENGERO ZARI ZARAHAGARITSE IBIKORWA BY’INYUBAKO KUBERA DOVE HOTEL UBU BARI KU NYAGIRWA ABAFASHA MYUMVIRE BARABIVUGAHO IKI KUGIRANGO HEJURU BITAZABA AMEN HASI SATANI YARAHAFASHE IKIBANZA??????????

Egide Pasteur Kuya 17-10-2016

Mwebwe mupinga muribeshya. Icyo turi neza ni uko iyatangiye umurimo ari nayo izawusoza. Dushimiye Imana aho igejeje ikora tuyiragije nibiri imbere. Uyu mushinga ni mwiza, Imana ihe umugisha abafashamyumvire bacu kdi Yesu abashyigikire.

bonnette Kuya 16-10-2016

ndabishimye iryo ni iterambere! Ariko se bararebye basanga ibyo aribyo by’ingenzi umuyoboke w ’idini ryabo akeneye mbere nambere? ubuse bangahe barwara bagahera mu ngo babuze mutuelle de sante? Kera ADEPER yarangwaga no gufashanya naho ubu babaye nk’abandi bose! Imana idutabare!

callixte Kuya 16-10-2016

keretse niba yeretswe uwo mushinga hanyuma bagahita bawigaho!! nibadasuzuma neza izonote zizahekenywa kuko numva ngoniyonyubako ntikiri iya ADEPER kdi mubayobozi ngoharimo amatiku atarakemuka!! ese izondimi niba hari ababa bazumva bagiye bahita bazisobanurira abatazumva?!!!

callixte Kuya 16-10-2016

keretse niba yeretswe uwo mushinga hanyuma bagahita bawigaho!! nibadasuzuma neza izonote zizahekenywa kuko numva ngoniyonyubako ntikiri iya ADEPER kdi mubayobozi ngoharimo amatiku atarakemuka!! ese izondimi niba hari ababa bazumva bagiye bahita bazisobanurira abatazumva?!!!

Be Kuya 16-10-2016

Ver funny.

Be Kuya 16-10-2016

Ver funny.

theo Kuya 16-10-2016

nge ndibariza abapinga,niba Imana Yatanze Umwuka Wera Kuntumwa Zikavuga Mundimi, Zigahanura Nkabaza Niba Yarahagaritse Gukora Kuburyo Ubu Itabikorera Abayizera?Kdi Nkabakangurira Gusoma Bible Kko Handitswe "Ibyaha Byose Birababarirwa Ariko Icyo Gutuka Mwuka Wera Ntikibabarirwa".Nti Mugapinge.

Polo Kuya 16-10-2016

ADEPR iyobowe n’umwuka ifite abafashamyumvire!hasigaye abahwituzi na dasso bikuzura.

Byiringiro Hyacinthe Kuya 16-10-2016

Ubwa Gamaliyeli twirinde tutagaragara ko turwanya Imana. Ywishimire ko habaho iterambere kdi bitanatinze mu mezi 2 gusa? Si igitangaza se?!!! Ahubwo dusengere kubigiramo uruhare ibindi Imana izabyimenyera niba yanahamije ko birangira mu mezi 2 gusa.Amen

Polo Kuya 15-10-2016

Abafashamyumvire mû idini ry’umwuka!hasigaye abahwituzi na Dasso ngo byuture!

Elise Kuya 15-10-2016

Imana izi ubwenge, wowe uvuga ngo izo ndimi n’izihe ,nagirango mutangarize ko iyo Imana ishaka ko abantu bose bakizwa yari kuba ibafashe ku ngufu,noneho rero iyo Ishaka ko abantu bose bumva ururimi nabyo ntibyari kuyinanira ahubwo buri wese " ahabwa n’uwo Mwuka guhanura,.......no kuvuga ururimi rutamenyekana, uzasome bibiliya neza uzabisanga mu nzandiko Pawulo yandikiye abanya korinto " wabipinga ,utabipinga ntibyabuza Imana gukora.

NDORIMANA Anastase Kuya 15-10-2016

Byiza Cyane IMANA Nziko Ishobora byose iyo Radio na Television Iziko bikenewe nabyo tuzabigeraho kandi Kuba inyubako imeze kuriya yaruzuye ibyo bindi sibyo bizananirana. Ahubyo IMNANA ibihe umugisha kd mwe muhakana ko IMANA itavuga Muribeshya.

philos Kuya 15-10-2016

ariko izondimi zifata abayoboke ba Adeper gusa

Fafa Kuya 15-10-2016

Ahahaha
Ntibyoroshye pe. Ariko nibagerageze naho kubihanura byo kwari ugushimangira uyu mushinga bigagaho

Anicet uwimana Kuya 15-10-2016

Ni byo Imana iravuga turabizi turanabyemera .ariko hagowe uvuga ko Imana yavuze itavuze .umushinga barikwiga ni mwiza ni niterambere kuri adper ndetse ni gihugu.ariko bige neza no kubazahagararira uwo mushinga amafranga atazatangwa ..

amina Kuya 15-10-2016

njye sinemera izo ndimi ibintu avuga bitumvwa na buri wese nibiki? yuzura umwuka? umuhanuzi utabeshya ni bible niyo tugomba kwizera gusa naho uwonguwo yagushije kubyifuzo bye cg ibyo yumvise biri mumishinga yo gukorwa

Meme Kuya 15-10-2016

Izo ndimi yavuzemo ni izihe. No icyongereza, igifaransa, icyarabu, ilingala, amashi, urunyankole,......
Abazumvise mutubwire ibyo mwe mwumvise.

Meme Kuya 15-10-2016

Izo ndimi yavuzemo ni izihe. No icyongereza, igifaransa, icyarabu, ilingala, amashi, urunyankole,......
Abazumvise mutubwire ibyo mwe mwumvise.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...