konka coffee
KONKA

AMAKURU

UKWEZI

Leta y’u Rwanda yahagaritse ibikorwa by’amasengesho abakozi bayo bakoreraga ku kazi

Leta y’u Rwanda yahagaritse ibikorwa by’amasengesho abakozi bayo bakoreraga ku kazi
12-04-2017 saa 08:52' | By Chief Editor | Yasomwe n'abantu 14519 | Ibitekerezo 25

Minisitiri w’Intebe w’u Rwanda, Anastase Murekezi, kuri uyu wa Kabiri tariki 11 Mata 2017, yashyize umukono ku ibaruwa igenewe abayobozi batandukanye mu butegetsi bwite bwa Leta, ibamenyesha ko hahagaritswe ibyo gukorera ibikorwa by’amasengesho mu kazi ka Leta, anasaba inzego zinyuranye gushyira imbaraga mu kumenyekanisha ko bitemewe.

Ibaruwa Minisitiri w’Intebe, Anastase Murekezi, yandikiye abaminisitiri bose n’abandi bagize Guverinoma, agaha kopi Perezida wa Repubulika, Perezida wa Sena, Perezida w’Umutwe w’Abadepite na Perezida w’Urukiko rw’ikirenga akaba na Perezida w’Inama Nkuru y’Ubucamanza, agaragaza ko nyuma yo kubona ko hari abakozi bo mu nzego za Leta bakoresha amasaha y’akazi mu bikorwa by’amasengesho kandi bakabikorera mu nyubako zagenewe gukorerwamo akazi ka Leta, ibyo bikorwa bihagaritswe.

JPEG - 48.4 kb

Muri iyi baruwa Minisitiri w’Intebe agira ati: "Nibukije ibikubiye mu Iteka rya Minisitiri No 02/MIFOTRA/15 ryo kuwa 09/06/2015 rigena amasaha y’akazi mu cyumweru mu butegetsi bwa Leta n’uburyo yubahirizwa, cyane cyane mu ngingo yaryo ya 3 igika cya mbere n’icya kabiri, ahavugwa ko amasaha y’akazi y’Abakozi ba Leta ku munsi ari amasaha icyenda (9), akorwa buri munsi, kuva kuwa Mbere kugeza kuwa Gatanu, guhera saa moya za mugitondo (7:00 am) kugeza saa kumi n’imwe z’umugoroba (5:00 pm), hagati harimo ikiruhuko cy’isaha imwe gitangira saa sita kikarangira saa saba."

Nyuma yo kwibutsa abayobozi bandikiwe iyi baruwa icyo amategeko ateganya, yanabasobanuriye icyemezo cyafashwe kugirango ibikubiye muri ayo mategeko byubahirizwe. Aha yagize ati: "Ndabamenyesha ko ibikorwa byose by’amasengesho bitemewe ahantu hose hakorerwa akazi ka Leta. Mboneyeho kwibutsa abayobozi bose b’Inzego z’Imirimo ya Leta gukomeza kubahiriza Itegeko No 86/2013 ryo kuwa 11/09/2013 rishyiraho sitati rusange y’Abakozi ba Leta, cyane cyane ibikubiye mu ngingo ya 10 n’iya 11 zirebana n’indahiro n’imigenzo yayo, cyane cyane ku birebana n’Ibendera ry’igihugu."

JPEG - 60.1 kb

Hari bimwe mu bigo bya Leta bisanzwe bifite ahantu ho gusengera kuburyo mu masaha y’ikiruhuko abakozi bajyaga bafata akanya bakajya gusengeramo, hakaba n’abafata icyumba cyo ku kazi kabo bagakora ibikorwa by’amasengesho. Nk’abayoboke b’idini ya Islam, hari amasaha yabo yagenwe bihereraga bagakora amasengesho (gusari) ariko ibyo byose byamaze guhagarikwa.


INKURU ZA :
Tanga Igitekerezo
Ibitekerezo 25
Anto Kuya 16-04-2017

Bavandimwe tujye twumva ariko dutinde kuvuga ,ko ubutunzi bw’umuntu ari ntavogerwa?ubonye udashoboye gutanga ,wacecetse ababyumva bakabikora?kuki abantu bakunda gucumuzwa n’ubusa ?uriya mupadiri numvise ubuhamya bw’abantu batandukanye bakiriye mu isengesho yayoboye kuba rero hari uwatanze igitekerezo cyo kuba yagurirwa imodoka yo kumufasha mu murimo jye ndumva ubwayo atari bibi,gusa itanabonetse yakomeza umurimo kuko n’umuha ububasha bwo gukiza ntayo yagenzemo ,ariko izaboneka kugirango Ingoma ya Yesu ikomeze iganze mu isi

Anto Kuya 16-04-2017

Bavandimwe tujye twumva ariko dutinde kuvuga ,ko ubutunzi bw’umuntu ari ntavogerwa?ubonye udashoboye gutanga ,wacecetse ababyumva bakabikora?kuki abantu bakunda gucumuzwa n’ubusa ?uriya mupadiri numvise ubuhamya bw’abantu batandukanye bakiriye mu isengesho yayoboye kuba rero hari uwatanze igitekerezo cyo kuba yagurirwa imodoka yo kumufasha mu murimo jye ndumva ubwayo atari bibi,gusa itanabonetse yakomeza umurimo kuko n’umuha ububasha bwo gukiza ntayo yagenzemo ,ariko izaboneka kugirango Ingoma ya Yesu ikomeze iganze mu isi

mami Kuya 14-04-2017

aRIKO SE UBUNDI AMASENGESHO MU KAZI YAJE ATE? NINDE WABITANGIYE UBURENGANZIRA? ASHINGIYE KU RIHE TEGEKO MU AGENGA UMURIMO TUGENDERAHO? AHUBWO NIBA ARI UKO BYARI BIMEZE BARATINZE KU BINTU 2: KUREKA IZO NSENGERO ZO MU KAZI ZIKAJYAHO; KUREKA ZIGAKORA UMWAKA UGASHIRA UNDI UGATAHA. BINYIBUKIJE ABANDI BAJYA BABURANIRA GUCURURIZA MU MUHANDA IMPAKA ZIKABA URUDACA NKAHO UMUHANDA WAGENEWE GUCURURIZWAMO.

Jane Kuya 13-04-2017

Barokore mube maso namwe basenga mukanguke ntmucike intege ahubwo mwiyungemo imbaraga"umuntu agiye gurungwa nayo yivomeye"

eeeeer Kuya 13-04-2017

ibyo reta yakoze nibyiza kko harabitwaza gusenga ugasanga kwakira ababagana baraharenganiye ndibaza ko leta idakuyeho gusenga ahubwo ikuyeho akajagari mukazi kuko kuwagatandatu no kucyumweru ndibaza ko haba ikiruhuko kugirango tujye gusenga niyo tubyutse turasenga ubwo rero kujya gusenga mumasaha yakazi nukwigiza nkana no kutubaha akazi.uwavuze gukoresha whatsap mukazi we icyo cyo cyakabaye icyaha gihanwa namategeko byo numwanda mukazi peee.

mutabazi tephen mugabi Kuya 13-04-2017

mubyukuri kubakunda Imana byose bifanyiriza hamwe kutuzanira ibyiza.rero nibi ubwo bije nukugira ngo uwasenga ga byukuri yongere imbaraga kuko naho jyewe wamboha gusenga ni mumutima bavandimwe. mwatera bikaba akarusho.
ariko ntekereza ko hari ababyiwaza bakica akazi ikari nayo ntandaro yibi.
barokore niba ari uku bimeze nitwe twizize
ariko niba atari mpamvu, bayobozi mubisuzume murebe niba mutarwanya Imana kandi ariyo ishoboza abakozi
Abanyarwanda dukeneye imana cyane uyu munsi kurusha jo hashize.

Zozi Kuya 12-04-2017

Nibyo, ibyo leta yakoze, kukazi ni kukazi mu nsengero ni munsengero, kuko n’Ubundi kuzana ibyamadini mukazi waba wirengagije ko hari nabataba mumadini, hano Amerika uzanye ibyamadini mukazi bakwereka umuryango da! Cgwa nko mubitaro byibuze bakubonye unsengera nk’Umurwayi, waba urashye.

M.Vedaste Kuya 12-04-2017

Erega mwivunika Mungu ni Mungu kbs araje asobanure ibyo abantu basobanije kd naza ntazaceceka Ibyah3:3.gusenga kweri? gusabarokoremwe muramenye muramenye mutibariza icyigirwa ngo mugisenge abari mumwuka babyumve cyane

jean Kuya 12-04-2017

ariko ibi byatuma Imana irakara ikaduteza akaga mu gihugu.
niba ikibazo ari ugusenga bakica amasaha y’akazi, kuki uwayarengeje atabihanirwa nkuko abihanirwa yatinze kukageraho?
ngirango ibyo bigo abakozi ba leta bakoreramo bigira umurongo w’akazi bigenderaho igihe ugakereweho!
rero umwanuro ntago ari uguca gusengera Imana kukazi.
Imana yarirahiriye iti "icyubahiro cyanjye ntago nzagiha undi cgw ikindi kingu cyose" akazi ni keza kdi kagombwa kubahwa ariko icyubahiro cy’Uwiteka kikari hejuru. ibi byarakaza Uduha guhumeka kugirango tugakore. Imana itubabarire

jean Kuya 12-04-2017

ariko ibi byatuma Imana irakara ikaduteza akaga mu gihugu.
niba ikibazo ari ugusenga bakica amasaha y’akazi, kuki uwayarengeje atabihanirwa nkuko abihanirwa yatinze kukageraho?
ngirango ibyo bigo abakozi ba leta bakoreramo bigira umurongo w’akazi bigenderaho igihe ugakereweho!
rero umwanuro ntago ari uguca gusengera Imana kukazi.
Imana yarirahiriye iti "icyubahiro cyanjye ntago nzagiha undi cgw ikindi kingu cyose" akazi ni keza kdi kagombwa kubahwa ariko icyubahiro cy’Uwiteka kikari hejuru. ibi byarakaza Uduha guhumeka kugirango tugakore. Imana itubabarire

Tes Kuya 12-04-2017

Yewe barakoze cyane,Uzi kujya kwa muganga,bizwi ko bahageze saa moya ark bagatangira kuvura saa Tatu na saa yine ngo babanje gusenga,njye narumiwe,ibaze ko banabwiriza wana,abarwayi nabo bumiriwe imbere ya za consultations. Yewe bakoze rwose

baby Kuya 12-04-2017

Njye mbona gusenga atari ngombwa guhurira muri izo nzu zabugenewe uri no mu kazi waba uri gusenga kuko gusenga ni mu mutima no guhimbaza ni mu bitekerezo ubwo rero leta nta kosa yakoze kuko sinemeza ko iyo saha imwe ya pause iteganijwe yubahirizwaga muri mu gusengera hamwe mwihangane mujye musenga mutashye

baby Kuya 12-04-2017

Njye mbona gusenga atari ngombwa guhurira muri izo nzu zabugenewe uri no mu kazi waba uri gusenga kuko gusenga ni mu mutima no guhimbaza ni mu bitekerezo ubwo rero leta nta kosa yakoze kuko sinemeza ko iyo saha imwe ya pause iteganijwe yubahirizwaga muri mu gusengera hamwe mwihangane mujye musenga mutashye

Raia Kuya 12-04-2017

Imana ishimwe ko mutubujije kuyisenga kuko ijambo ry’imana riravuga ngo mubibi no mubyiza tujye Dushima Imana. abahagarika gusenga yewe sinzi ubwo Imana nibyemera tuzabireka Icyo nzicyo Imana Ikunda Icyubahiro Imana idutabare Murakoze

kabebe Kuya 12-04-2017

Muratekereza uyumuyobozi afata uyumwanzuro yarayobowe numwukaki? gusa birababaje abantu birengagiza aho Imana yakuye ururwandarwacu bakaba batangiye kuyirengagiza.

dada Kuya 12-04-2017

Sigitangaza nintumwa zabinyuzemo.mbere na mbere Ni nyagasani udafite nakazi wabaho .imana niyo itanga ubwenge ,imbaraga kugirango akazi kagendeneza.ikibazo nugusenga mumwanya wakazi .ariko kuvuga Ngo basengera in wrong place that’s not the issue.bayobozi mwisubireho musubize amaso inyu ibiro mwicayemo simbaraga zanyu.

Johnson-B Kuya 12-04-2017

Amazing! Still people can pray in their hearts while at work, without displaying it outwardly but inwardly they can. May be it’s a review of how prayers should be done individually and not collectively. It’s not a way of exhibiting a religious outward form, but inward worship with God who reads each individual’s heart. The Art. is supportive anyway.

RWAKA Kuya 12-04-2017

Ariko njye sinsobanukiwe niba ikibazo ari ugusenga cg ari ukwica amasaha y’ akazi. bibaye ari amasaha y’akazi n’ubundi nyiri kubikora yabihanirwa nanone bibaye ari ugusenga mugihe cya pose cg nyuma y’amasaha y’akazi nabyo byasobanuka abantu bakamenya impamvu.

Emma Kuya 12-04-2017

Ehgooo ubwo se niwomwanzuro uzatanga umusaruro muzima raa may be Gusa banatekereze kuma whatsapp ariko bamwe bazabangamirwa kuko harabo isengesho aritegeko

Emma Kuya 12-04-2017

Ehgooo ubwo se niwomwanzuro uzatanga umusaruro muzima raa may be Gusa banatekereze kuma whatsapp ariko bamwe bazabangamirwa kuko harabo isengesho aritegeko

Aaron Kuya 12-04-2017

Ariko ngira ngo bikorwa muri ya saha imwe ya pause. Ibyo numva ntacyo bitwaye bikozwe muri icyo gihe!

DIOUF Kuya 12-04-2017

Ntago benshi basengaga kuko babishaka, Restaurent zirahenze ureba agashahara uhembwa wareba ama tickets ukongeraho ay’inzu ukodesha n’utundi tubazo ukabona ntibizavamo ugapfa kujya gutura agahinda Imana mwe rero pause yanyu ni mu mahotel cg mu ngo zanyu ibi ntimwabimenya muzabona abazatangira kugirira ama crise mu ma offices. uyu mukanda ntiworoshye erega.

fkaaa Kuya 12-04-2017

bakoze neza imana ntisengwa mukajagari kko nayo ubwayo udutegeka gukora so ntibikwiye rero kuvanga ibinu insengero zirahari nave kukazi ajye gusenga ntakibazo cg ajye niwe asenge

claude Kuya 12-04-2017

Gusenga nibyiza arko mumwanya wabyo, kukazi ni kukazi kora, nutaha usegere iwawe cg ahabugenewe, ibyo let’s yakoze nukuri.

justin Kuya 12-04-2017

kubabuza gusenga sibyo bizatuma akazi gakorwa neza.ndetse ghusenga se nkirirwa kuri what up?mureke bisengere ahubwo bibe mu masaha aatabangamira amasaha yagenywe y’akazi.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...