konka coffee
KONKA

AMAKURU

UKWEZI

Urujijo ku kinyoma kiri hagati ya Gitwaza n’umugabo umushinja kubogamira ku mugore we

Urujijo ku kinyoma kiri hagati ya Gitwaza n’umugabo umushinja kubogamira ku mugore we
8-05-2016 saa 10:18' | By Chief Editor | Yasomwe n'abantu 17085 | Ibitekerezo 11

Tariki 8 Kanama 2015, nibwo Apotre Paul Gitwaza yimitse umugore witwa Mukabadege Liliane n’umugabo we Bizimana Ibrahim, abashyira ku rwego rw’intumwa z’Imana (Apotres) ariko nyuma bahise basubiranamo ndetse ubu ntibakibana ahubwo bayobotse iya gatanya.

Tariki 30 Mata 2016, mu kiganiro Apotre Gitwaza yagiranye n’abanyamakuru akabazwa ku by’aba bashumba yimitse bagashwana nyuma y’amezi atanu, yashimangiye ko yagiye kwimika umugore hanyuma umugabo agahatiriza avuga ko nawe yimikwa, bigaragaza ko yimitse umugore ku bushake naho umugabo akamwimika kuko yari yahatirije.

JPEG - 353.2 kb

Gitwaza we yemeza ko uyu mugore ari we wagombaga kwimikwa, umuhango wajya gutangira umugabo agahatiriza ngo nawe yimikwe

Gitwaza ati: "Liliane yaraje atubwira ko yiyumvamo umuhamagaro, adusaba ko tubisengera, turabisengera twumva ari byo, nyuma tujya kumwimika. Umugabo ni umugabo, twarahageze dusanga yariteguye afite ibintu byose ndetse n’inkoni, aratubwira ati nanjye muranyimika! Sinari ngiye guhangana, uwo munsi naguye muri ambush (mu mutego)... hari ukuntu mukora ibintu imbere y’itorero n’imbere y’abantu ariko umuntu wasengewe mu by’ukuri twari tuzi ni umudamu. Twaramubajije tuti mbese uriyumvamo ko ufite uwo muhamagaro? Ati ndawumva. Turongera turamubaza tuti ese ntiwaba ugiye kubikora kuko umugore wawe abirimo, ati oya bindimo. Tubaza umugore we tuti urumva umugabo wawe ari Apôtre? Umudamu araceceka, urumva nyine umugore ntaba ashaka gusenya..."

Nyuma y’uko Apotre Gitwaza atangaje ibi, Apotre Bizimana Ibrahim yagiranye ikiganiro n’ikinyamakuru Ukwezi.com, tumubaza impamvu yaba yarahatirije kwimikwa, maze abiterwa utwatsi ahubwo ashyira mu majwi Gitwaza, avuga ko yahubutse agatangaza ibi kandi akaba yarabeshye. Amunenga kuba atarigeze agerageza no kuganira nabo nk’uwabimitse ngo abe yanabafasha kwiyunga, ahubwo agahitamo kumubeshyera.

JPEG - 140.6 kb

Nyuma y’amezi atanu bimitswe bakitwa Intumwa z’Imana, bahise bananiranwa umwe ajya kuba ukwe ndetse batangira kugana inkiko ngo batandukane burundu

Apotre Bizimana Ibrahim asobanura ko umuhango wo kwimikwa kwabo wabaye Gitwaza abizi neza ko azabimika bombi ndetse bakaba barabanje kugirana ibiganiro mbere y’uko umunsi nyirizina wo kwimikwa ugera. Uyu muvugabutumwa utakibana n’umugore we ahubwo bakaba barimo gushaka gatanya mu nkiko, avuga ko Gitwaza ahengamira ku ruhande rw’umugore, akavuga ibintu bitarimo ukuri na mba.

Kimwe mu bimenyetso Apotre Bizimana Ibrahim atanga, harimo kuba ubwo Gitwaza yabimikaga, yarivugiye ko iyo aramuka yanze kubimika, yari kuba ari imbwa kandi yari kuba afite shitani. Aha Apotre Ibrahim ati: "Nonese ubu tuvuge ko noneho ari bwo yabaye umugabo kuba yaravuze biriya?"

Icyo gihe kandi, Apotre Dr Paul Gitwaza yatangaje ko Apotre Liliane na Apotre Bizimana bafite rukuruzi y’imbaraga z’Imana, ari nayo mpamvu yemeye kubimika mu gihe muri iyo minsi mu itorero rye rya Zion Temple bari bahugijwe cyane n’igiterane Afrika Haguruka, akemera kwigomwa kubera umwuka w’Imana yababonagaho. Yabasengeye bose icyarimwe, ndetse ntiyigeze agaragariza itorero ko hari ikitagenda ku mugabo.

JPEG - 73.5 kb

Ubwo Gitwaza yimikaga umugabo n’umugore, yabwiye itorero ko bombi bakoreshwa n’imbaraga z’Imana

Apotre Gitwaza yashimangiye ko Mukabadege Liliane kimwe n’abandi ba pasiteri bamukunda , bamusengeye ubwo yavugwagaho inkuru y’uko ajya ikuzimu n’ibindi bimuharabika, bityo nawe akaba ntacyo yashoboraga kubima babimusabye. Gitwaza ati: "Muri biriya bihe hari abansetse benshi, ariko dore abarize, ni umutima w’ikibyeyi, none uyu muntu yakubwira wowe ngo ngwino unshyireho amavuta ukanga? Waba urimo shitani nawe! Wakwanga ari wowe? Wanze waba ubaye ya mbwa. Hari imbwa ebyeri, iya mbere ni umuntu usaba uwo yimye, iya kabiri ni uwima uwamuhaye. Sinshaka kuba imbwa rero, ndashaka kuba umukozi w’Imana.".

Ibi byose Apotre Gitwaza yivugiye akagaragariza itorero ko umugore n’umugabo bimikiwe hamwe kandi bakaba bafite rukuruzi y’imbaraga z’Imana, nibyo Apotre Bizimana Ibrahim aheraho avuga ko atumva uburyo umuntu nka Gitwaza ufite impamyabumenyi y’ikirenga muri tewolojiya, yari kwemera kwimika umuntu abona neza ko atabikwiye.

Ukurikiranye ibyatangajwe na Gitwaza ndetse n’ibishimangirwa na Apotre Ibrahim umushinja kuba yarabogamiye ku mugore we (aracyari umugore we kuko gatanya ntiraboneka), usanga ari urujijo kuburyo bitoroshye gutahura ufite ikinyoma muri aba bombi


INKURU ZA :
Tanga Igitekerezo
Ibitekerezo 11
nico Kuya 28-02-2017

gitwaza NI umugabo wabaye umuhanga cyane afite ubwenge bwiyi si iyo abonye abafite mumutwe hadakomeye umugabo umugore aho kubaka gitwaza arabatanya, Bose bitwaje gukorera imana, abantu nibashishoze bakure mumutwe, kuko abanyamadini bamwe babaye abanyendambi,

edrice Kuya 2-12-2016

he he birasekeje ESE umuntu ahatiriza ko bamwimika?ESE gitwaza niba afire imbaraga z’imana kuki atabanje gusenga?haa gitwaza arabeshya

Muyizere Callixte Kuya 30-11-2016

ahwiiiii!! birasekeje kdi biranababaje ngoyarahatrije! niba barabonagako atabikwiyese iyobanga yari kubarasa? kdi se umugorewe bapfiki gikomeye kuburyo bagomba gutandukana? bakwiye gusengerwa bose kugirango babashe kwera imbuto zikwiriye abihannye byukuri. ariko hagataho babe bambuwe ayo makamba bahawe babanze bumvikane.

Muyizere Callixte Kuya 30-11-2016

ahwiiiii!! birasekeje kdi biranababaje ngoyarahatrije! niba barabonagako atabikwiyese iyobanga yari kubarasa? kdi se umugorewe bapfiki gikomeye kuburyo bagomba gutandukana? bakwiye gusengerwa bose kugirango babashe kwera imbuto zikwiriye abihannye byukuri. ariko hagataho babe bambuwe ayo makamba bahawe babanze bumvikane.

N J M V Kuya 21-11-2016

Bose Ni Abatekamutwe! Kandi Birabakijije Bibagize Abaherwe...Ngo Impamyabumenyi Y’ikirenga Muri Tewoloji! Iyo Mpamyabumenyi Se Iriho Sinya Na Kashe(stamp)bya Yesu? Cyangwa Ni Iby’Undi Muntu! Uwasinye Iyo Mpamyabumenyi Niwe Mukorera Kandi Muragaragaza Kamere Nk’iye Kuko Ari Umutware W’isi (2Abakorinto4:4;1Yohana5:19) Uwo Ntiyifuza Ko Imiryango Ibana Mu Byishimo.None Murasohoza Umugambi We!

Bernard Kuya 31-05-2016

Ntibitangaje rwose Pawulo YARANDITSE NGO Mu minsi y,imperuka abantu baziziba amatwi ngo batumva ukuri bazigwiriza inyigisho zihuye n,irari ryabo nawe se Umuntu utazi gutegeka abo mu rugo rwe aba Apotre ate? gusa amadini ari hanze aha ni ikibazo.

nkubito Kuya 7-05-2016

erega abiyita abakozi bimana bazagaragazwa nimbuto bera

mugabe Kuya 6-05-2016

Yewe mureke iyumugabo ngoni iburahimu umwakuwamukurikiranye acyivuka ngaho Gitwazawe ararengana ahubwo kuberako yahatirije niyompamvu yabaye igicamuke arabeshya numugore wimikwaga kukowe agiye itorero kandi umugabo ntaryafite

mugabe Kuya 6-05-2016

Yewe mureke iyumugabo ngoni iburahimu umwakuwamukurikiranye acyivuka ngaho Gitwazawe ararengana ahubwo kuberako yahatirije niyompamvu yabaye igicamuke arabeshya numugore wimikwaga kukowe agiye itorero kandi umugabo ntaryafite

Ngendakumana Alexis Kuya 6-05-2016

Mureke turondere Yesu kristo kuko niwe adahinduka,kandi atihenda ivyabaye kuri Apotre Liliane na Ibrahim uko biri kwose ikibazo kinini kibarimo bonyene ubwabo kuko namwe murabizi haribiba mumuntu imbere Pasteur canke mwarimu batobasha kumenya ,kiretse Yesu wenyene mwibuke na Yesu ko yarekeye Yuda muntumwa kndi yarabona ubuhemu bwari muriwe,ego basi ribaye arikosa ryuwabahezagiye Apotre Gitwaza nkuko muvyiyumvira kuk navyo bibaho umuntu (un etre humain)birashika akihenda nibisanzwe,twebweho nkabakristo twumvise ivyabaye kuraba benedata Apotre Liliane na Ibrahim ntitunabasengere ngo tunasengere ningo zabashakanye,tukagwiza comments mwibaza ko natwe atamakosa dufise?muzansubize ndi ALexis ngendakumana

Ngendakumana Alexis Kuya 6-05-2016

Mureke turondere Yesu kristo kuko niwe adahinduka,kandi atihenda ivyabaye kuri Apotre Liliane na Ibrahim uko biri kwose ikibazo kinini kibarimo bonyene ubwabo kuko namwe murabizi haribiba mumuntu imbere Pasteur canke mwarimu batobasha kumenya ,kiretse Yesu wenyene mwibuke na Yesu ko yarekeye Yuda muntumwa kndi yarabona ubuhemu bwari muriwe,ego basi ribaye arikosa ryuwabahezagiye Apotre Gitwaza nkuko muvyiyumvira kuk navyo bibaho umuntu (un etre humain)birashika akihenda nibisanzwe,twebweho nkabakristo twumvise ivyabaye kuraba benedata Apotre Liliane na Ibrahim ntitunabasengere ngo tunasengere ningo zabashakanye,tukagwiza comments mwibaza ko natwe atamakosa dufise?muzansubize ndi ALexis ngendakumana

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...