konka coffee
KONKA

AMAKURU

UKWEZI

Kagame yiyamamarije Nyabugogo, asezeranya abahaturiye n’abahakorera kuhavugurura - Amafoto

Kagame yiyamamarije Nyabugogo, asezeranya abahaturiye n’abahakorera kuhavugurura - Amafoto
19-07-2017 saa 09:45' | By Vincent Nsengiyumva | Yasomwe n'abantu 8661 | Ibitekerezo

Nyuma yo kuzenguruka mu turere twose two mu ntara y’Amajyepfo ndetse n’Akarere ka Ngororero mu Ntara y’Uburengerazuba, Umukandida w’ishyaka rya FPR Inkotanye yageze mu mujyi wa Kigali aho mu gitondo cyo kuri uyu wa Gatatu tariki ya 19 yahuye n’ibihumbi by’abarwanashyaka be mu Mihanda ya Nyabugogo. Kagame yabasezeranyije ko nibamushyigikira muri Manda itaha azabubakira ibikorwa remezo muri Nyabugogo ku buryo hazaba agace k’intangarugero muri Kigali.

Ubwo yasesekaraga muri aka gace, uyu mukandida wa FPR yakiriwe ku buryo budasanzwe n’imbaga y’abari bamutegereje. Mu ndirimbo zishimangira ibigi bye ndetse n’uburyo bamuri inyuma, amabendera hejuru n’amajwi aranguruye bikoza ibicu mu mbyino zidasanzwe nibyo bamwakirije.

Akigera aho bari bamutegerereje mu mihanda rwagati ya Nyabugogo, Kagame yashimiye byimazeyo imbaga y’abantu yari ahasanze, maze anabizeza ko muri manda itaha azabakorera byinshi bitandukanye by’umwihariko avuga ko Nyabugogo ndetse n’uduce tuyituriye azahavugurura hakaba agace k’ikitegererezo muri Kigali.

Yavuze ko Nyabugogo igomba gutera imbere kuko ari amarembo y’u Rwanda, aho buri wese uje muri Kigali yinjirira.

Yagize ati " Aha turi rero Nyabugogo ibihakorerwa, abahari mwese ubu ngubu Nyabugogo ni ikimenyetso,ubu ni nka East Africa Community. Ahangaha muri ibi bice byose hagera abaturuka uganda, Kenya ,Tanzaniya , Burundi n’ahandi hatandukanye. Ibi rero ni ikimentso cy’uko dushaka ko u Rwanda rukura rugatera imbere ariko noneho dufatanyije n’abaturanyi n’amahanga kugirango u Rwanda rushobore gukuza amasoko.”

Kagame kandi yasabye imbaga y’abari baje kumushyigikira ko ari nako bazabikora ku itariki 4 Kanama aho yabasabaga kuzazinduka bagatora umukandida wabo hakiri kare.

Yagize ati " Iki gikorwa tugiyemo cya tariki 4/8 ni uguhitamo gukomeza kubaka igihugu cyacu, ni ugukomeza amajyambere ni ugukomeza ubucuruzi, amasoko agatera imbere ,umutekano, igihugu gikomeze gitere imbere nk’uko Abanyarwanda tubyifuza. Ni ukuzinduka rero tugakora kare. ”

Akimara kuganiriza abari baje kumushyigikira muri Nyabugogo, yahise yerekeza mu Karere ka Bugesera aho abaturage baho nabo bari bamutegeranyije urugwiro n’amatsiko yo kumva imigabo n’imigambi abafitiye.

Nyuma yo kuva mu Karere ka Bugesera, uyu mukandida wa FPR Inkotanyi arakomereza mu karere ka Kicukiro i Gahanga aho ari buze kuganira n’abaturage benshi cyane baturutse hirya no hino i Kigali baje kumushyigikira.

Ni umunsi wa Gatanu w’ibikorwa byo kwiyamamaza ku mukandida wa FPR Inkotanyi Paul Kagame , nyuma y’uko kuri uyu wa Kabiri avuye mu Karere ka Ngororero na Muhanga.

Abahanzi b’ibyamamare batandukanye bari muri ibi bikorwa aho basusurutsa imbaga y’abantu baba baje gushyigikira umukandida wa FPR, mu ndirimbo zitandukanye ziganjemo izishimangira ko bazatora uyu mukandida.


Abantu ni benshi cyane mu mihanda ya Nyabugogo
Buri wese yabyinaga uko shobozwe bitewe n’amarangamutima afite Mu mihanda ya Nyabugogo bahabyiniye ivumbi riratumuka Basimbukaga bakikoza ibicu n’amabendera yabo agaragaza ibirango bya FPR Bari bakoze ibyapa biriho amafoto ya Kagame Morale yari yose ku mbaga y’abantu mu mihanda ya Nyabugogo

Amafoto : Karangwa Gaspard


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...