konka coffee
KONKA

AMAKURU

UKWEZI

Byari ubudasa mu gitaramo cy’Umuganura ’Nyanza Twataramye’ - AMAFOTO

Byari ubudasa mu gitaramo cy’Umuganura ’Nyanza Twataramye’ - AMAFOTO
27-08-2017 saa 09:26' | By Akayezu Jean de Dieu | Yasomwe n'abantu 4200 | Ibitekerezo 1

Abaturage bitabiriye igitaramo ‘Nyanza Twataramye’ cyo mu ijoro ryo kuri uyu wa 26 Kanama 2017, gitegura ibirori nyirizina by’umunsi w’umuganura wizihizwa kuri iki Cyumweru tariki 27 Kanama 2017, bongeye kwibutswa bimwe mu bikorwa byakorwaga mu gihe cyo hambere birimo kunyabanwa, guhiiga inyamanswa ndetse n’imikino yakinwaga n’abana nko gukina intobo no gusimbuka umugozi ahanini yabaga igamije kubigisha uburyo bwo kwitabara no kwibeshaho. Muri iki gitaramo kandi, abataramyi mu mbyino n’indirimbo gakondo basusurukije imbaga yari yakitabiriye.

Muri ibi birori byitabiriwe ku rwego rwo hejuru, abaje muri iki gitaramo ngarukamwaka gisanzwe kiba mu ijoro ribera i Nyanza hasanzwe hafatwa nk’igicumbi cy’umuco nyarwanda dore ko ari naho habitse igice kinini cy’amateka y’u Rwanda, harimo no kuba ariho hahoze umurwa mukuru w’ubwami n’ibiro by’umwami.

Mugemana Felix utuye mu rukari, akagari ka Rwesero, umurenge wa Busasamana muri aka karere ka Nyanza, yavuze ko umukino wo kunyabanwa wakinwaga hagamijwe kwitoza uburyo bwo kurwana aho bamwe babaga bafite ishyo hakurya abandi nabo bakaba bari hakuno bafite ishyo, ubwo bamwe bagashotora abandi bityo abaneshejwe bagahunga bityo bakaba batsinzwe.

Kuri iki Cyumweru tariki 27 Kanama, nibwo hateganyijwe kwizihizwa umunsi mukuru w’umuganura, ibirori bikaba biteganyije ko bibera mu midugudu yose y’u Rwanda mu gihe ku rwego rw’igihugu ibi birori bibera i Nyanza kuri Sitade y’aka karere ka Nyanza.

Igitaramo Nyanza Twataramye cyabimburiwe n’urugendo ruva mu rukari rwerekeza kuri Sitade ya Nyanza
Minisitiri w’Umuco na Siporo Uwacu Julienne na Guverineri Mureshyankwano w’Intara y’Amajyepfo nabo bari yitabiriye igitaramo Nyanza Twataramye Aba bagabo bagaragazaga uburyo umukino wo kunyabanwa wakorwaga mu bihe byo hambere
Bongeye kwibutswa uburyo guhiiga inyamanswa byakorwaga mu bihe byo hambere Cyera abanyarwanda basangiraga ku ntango y’ikigage babaga bejeje cyane ibi byabaga akarusho ku munsi w’umuganura ubwo abanyarwanda bose bahuraga bagasangira kubyo bejeje
Nzayisenga Sophie yongeye kwibutsa abanyarwanda uburyo inanga yakirigitwaga Aba berekanaga uburyo abanyarwanda bahunikaga imyaka yabo babaga bejeje dore ko yabaga ari myinshi Abanyarwanda barataramaga mu mbyino gakondo zirimo gushayaha ndetse n’ikinimba


INKURU ZA :
Tanga Igitekerezo
Ibitekerezo 1
Yvonne Dawson Kuya 27-08-2017

Byiza cyane nkabanyarwanda tugomb kwishimir umuns mwiza nkuyu w’umuganura Abanyarwanda mwese mbifurije umunsi mwiza w’umuganura

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...