konka coffee
KONKA

AMAKURU

UKWEZI

Menya byinshi kuri Nyiramandwa w’imyaka 107 ufite amateka yihariye mu kwamamaza Paul Kagame

Menya byinshi kuri Nyiramandwa w’imyaka 107 ufite amateka yihariye mu kwamamaza Paul Kagame
29-07-2017 saa 11:53' | By Akayezu Jean de Dieu | Yasomwe n'abantu 10038 | Ibitekerezo 7

Nyiramandwa Rachel w’imyaka 107 yatunguye abantu ubwo Perezida wa Repubulika y’u Rwanda Paul Kagame ari nawe mukandida w’umuryango RPF Inkotanyi yajyaga kwiyamamariza mu karere ka Nyamagabe. Uyu mukecuru avuga ko urukundo Perezida yamweretse akanarwereka Abanyarwanda muri rusange ari rwo rumuha izo mbaraga zo kwitabira ibikorwa byo kwamamaza asheshe akanguhe bigeze aha.

Nyiramandwa atuye mu mudugudu wa Ndiryi, Akagari ka Ndiryi, Umurenge wa Gasaka ho mu karere ka Nyamagabe. Uyu mukecuru yagaragaye mu bikorwa byo kwamamaza Perezida Kagame ubwo yiyamamarizaga kuyobora u Rwanda mu mwaka wa 2010 akaba yari afite imyaka 100, icyo gihe akaba yarasabye Perezida inka maze uashize icyumweru kimwe ahita ayihabwa. Uyu mukecuru kandi yongeye kugaragara vuba aha ubwo Kagame yasubiraga kwiyamamariza muri aka karere ka Nyamagabe.

Mu kiganiro cyihariye yagiranye n’Ikinyamakuru The New Times dukesha iyi nkuru, yavuze ko kimwe n’abandi banyarwanda benshi, Paul Kagame ariwe umuhetse mu mugongo ari nayo mpamvu amushyigikira n’umutima we wose. Uyu mukecuru atuye mu nzu avuga ko yahawe na Leta iyobowe na Perezida Kagame ndetse akaba avuga ko yahawe inka

Ni umukecuru utabona neza ndetse no kumva bisaba kumwegera kubera gusaza, ariko ibitekerezo n’ibyo avuga biba biri ku murongo. Uyu mukecuru yabuze umugabo, abana bane, abuzukuru atibuka umubare ndetse n’abo mu muryango we muri Jenoside yakorewe Abatutsi 1994, anahamya ko hari abagiye bicwa mbere mu mwaka w’1959. Yasigaranye n’umukobwa we Mukaruziga Annonciata w’imyaka 62 n’umukwe we urengeje imyaka 70, nta bana bagira.

Nyiramandwa avuga ko yabaye ku ngoma zo ku bw’abami, iza Repubulika zose kugeza ubu ariko ngo nta ngoma yagereranya n’iyi. Ati “Nambaye inyonga, nateze amasunzu, nambaye ubutega, nambaye inkanda nta buyobozi ndabona bumeze nk’ubu. Kera ntawegeraga umuyobozi kabone n’iyo yabaga ari uwo hasi, twaramubonaga tugahunga, none ubu ndamukanya na Perezida w’igihugu.”

Nyiramandwa kandi yakomeje avuga ko umuntu yajyaga guhura n’umuyobozi akihisha kugirango atamugirira nabi, hakiyongeraho amacakubiri yari ashingiye ku bahutu n’abatutsi, ibintu bitandukanye n’iby’ubu aho umuyobozi ari we wegera abaturage kandi akareka bakamwisanzuraho. Ati “Ibyo byose bintera imbaraga mu mutima wanjye zo kubasha kugera aho ari, mba numva nakomeza nkanamureba. Mfite kumuterura nabikora. Ubu abayobozi baranjyana, ariko nkibasha kugenda narijyanaga”

Ubwo umyunyamakuru yamubazaga igihe yahuriye na Perezida Kagame, yavuze ko mu mwaka w’ 2010, ubwo Kagame yiyamamarizaga manda ye ya kabiri yo kuyobora u Rwanda, Nyiramandwa kuri ubu uri no mu bakecuru n’abasaza bahabwa inkunga y’ingoboka igenerwa abari mu zabukuru yari ari i Nyagisenyi aho ibikorwa byo kwiyamamaza byari biri kubera. Ati “Namusabye amata hashize iminsi micye mbona anyoherereje inka gusa naje kugira ibyago irapfa ariko bidatinze yahise ampa indi yo kuyisimbura urumva urukundo mukunda rufite inkomoko ikindi kandi n’iyi nzu nziza mbamo niwe wayinyubakiye”

Ngo akimenya ko perezida Kagame ari na we mukandida wa RPF Inkotanyi azaza kwiyamamariza mu Karere ka Nyamagabe, yahise ahamagara Niyonzima umukuru w’umudugudu amusaba kumuha gahunda yose anamusaba kuzamugeza ahari hateganyirijwe ibi bikorwa. Ku bufatanye n’ubuyobozi bw’akarere, uyu mukecuru yabashije kugera kuri stade ya Nyagisenyi maze asuhuzanya na Perezida Kagame

Nyiramandwa abajijwe icyo yavuganye na Perezida Kagame yamusubije Ati “Ejobundi naramubwiye ngo azansure, mubwira ko inka yampaye bwa mbere yapfuye. Nari mufashe mu mbavu (Afata umunyamakuru mu mbavu amwerekera), ndamubwira nti napfushije inka ariko nagushimiye ko wanshumbushije. Ntacyo yansubije ariko ibikorwa binyereka ko yanshubije. Uje wese akangirira neza mu izina ry’ubuyobozi mba nzi ko abikoze mu izina rye (Perezida) kandi nawe umunyamakuru uri hano kubera we siko bimeze?”

Nyiramandwa avuga ko mu byifuzo bye harimo kuba yumva bato by’umwihariko ababarizwa mu cyiciro cy’urubyiruko bafite amahirwe yo gukura bayobowe na Perezida Kagame . Ati “Nifuza ko mwe mukiri bato mwakurira muri aya mahoro n’umutekano dukesha Perezida Kagame” Avuga kandi ko yifuza ko Kagame yakomeza kuyobora u Rwanda kugeza igihe we ku giti cye azumva ashatse kuva ku buyobozi mu gihe azaba ananiwe Ati “Akwiye gukomeza kuduheka mu mugongo we


INKURU ZA :
Tanga Igitekerezo
Ibitekerezo 7
NDAGIJIMANA EUPHRON Kuya 5-08-2017

Rwose uyu ni umubyeyi mwiza ukuntu yamfashije,nejejwe nukuntu yadufashirije umuryango ndetse niyo foto mubona hasi ni ku irembo iwacu
Rwose uyu mubyeyi afite umutima mwiza.

NDAGIJIMANA EUPHRON Kuya 5-08-2017

Rwose uyu ni umubyeyi mwiza ukuntu yamfashije,nejejwe nukuntu yadufashirije umuryango ndetse niyo foto mubona hasi ni ku irembo iwacu
Rwose uyu mubyeyi afite umutima mwiza.

NDAGIJIMANA EUPHRON Kuya 5-08-2017

Rwose uyu ni umubyeyi mwiza ukuntu yamfashije,nejejwe nukuntu yadufashirije umuryango ndetse niyo foto mubona hasi ni ku irembo iwacu
Rwose uyu mubyeyi afite umutima mwiza.

NZARUBARA Placide Kuya 1-08-2017

Uyu Mukecuru icyo mushimira n’ukuntu twabanye kandi mubuzima bugoye n iwe wandeze kandi rero sinzi uko na mwita kuko ymabereye byose,kuko abayara mukadata kandi ubwo genocide yarirangiye wabonaga bikomeye ntakerekezo ariko akambwira ati humura igihe kizaba kiza n ubwo bigoye kubinyuramo rero yambereye byose mukwiga,yewe nubungubu ngishakisha arambwira ati humura uzaba umugabo!!! wika intege komeza uore kandi usenge m ubyukuri rwose n’inyanga mugayo peee,kandi arakunda,umurava,gusa imana izamumpere umugisha .

uwizeyimana jeanne Kuya 31-07-2017

uyumucyecuru arantangaje pee!gusa uwamunyereka ndishimye kumubona

INNOCENT Kuya 30-07-2017

BYIZA CYANE, PREZIDA WACU NI IMFURA.

Nsengimana Eric Kuya 30-07-2017

Muraho Mbega uwo mukecuru ntimwamubajije ico yakora akiri inkumi ku ntwaro zabami?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...