konka coffee
KONKA

AMAKURU

UKWEZI

Umupfumu Rutangarwamaboko yasabye aranakwa, mu bukwe butarimo abageni - Amafoto

Umupfumu Rutangarwamaboko yasabye aranakwa, mu bukwe butarimo abageni - Amafoto
17-07-2017 saa 16:23' | By Chief Editor | Yasomwe n'abantu 25046 | Ibitekerezo 13

Kuri iki Cyumweru tariki 16 Nyakanga 2017, nibwo umupfumu, muganga Rutangarwamaboko Modeste Nzayisenga yasabye anakwa umukunzi we Umwali Umuziranenge Sana Cynthia, mu birori byari byiganjemo imihango n’imisango ya Kinyarwanda y’umwimerere, iyi mihango y’ubukwe ikaba yatangaje benshi kuko ababutashye barinze bataha batabonye abageni, yaba umusore yaba n’umukobwa nta wigeze agaragara muri ibi birori.

Imihango yo gusaba no gukwa yabereye iwabo w’umukobwa mu Ruhango kuri iki Cyumweru, yarimo imisango ya Kinyarwanda itandukanye nk’aho abagiye gusaba bagiye bikoreye utubindi turimo inzoga n’amarwa bya Kinyarwanda, kandi izo nzoga gakondo nizo zanakoreshejwe mu misango aho gusaba no gukwa hagati y’ababyeyi bakuru b’imiryango yombi banakoreshaga ibikoresho n’ubundi buryo busanzwe bumenyerewe mu muco nyarwanda wa cyera.

Ubu bukwe bwari burimo byinshi bigaragaza umuco gakondo w’Abanyarwanda

Rutangarwamaboko ubwe ntiyigeze akandagira muri ibi birori byo gusaba no gukwa, ndetse n’umugeni we Umwali Umuziranenge Sana Cynthia, ntawigeze amuca iryera n’ubwo gusaba no gukwa byabereye iwabo, bivuga ko ubukwe bwo gusaba no gukwa bwari ubw’imiryango gusa ariko nabwo si yose kuko nk’ababyeyi ba Rutangarwamaboko ntibigeze bahakandagira.

Ibi byose byakozwe umusore n’umukobwa badahari, ntibigeze banahakandagira

Ubwo ikinyamakuru Ukwezi.com cyaganiraga n’umupfumu Rutangarwamaboko, twamubajije impamvu ubu bukwe bwabaye adahari n’umukobwa bamusabiye akaba atarabugaragayemo, maze abisobanura agira ati: "Nari kuba mpari se mara iki ko atari njyewe wisabiraga? Umukobwa se we yari kuba ahari kubera iki? Ubundi uretse iby’ubu ntazi aho byavuye, gusaba no gukwa ni iby’imiryango, ni umuryango w’umusore usaba umugeni mu muryango w’umukobwa... Iby’ubu usanga umusore n’inkumi bishyira imbere, ugasanga ninabo bategurira abasaza n’abakecuru aho bagomba kwicara... Ubundi mu muco ntabwo gusaba no gukwa ari iby’abageni, si umusore usaba umukobwa ahubwo ni imiryango isaba ikanashyiranwa hagati yayo"

Rutangarwamaboko asobanura ko nk’umuganga uteza imbere ubuvuzi bushingiye ku muco, atashoboraga gukora ibihabanye n’umuco nyarwanda. Asobanura kandi ko kuba atari muri ubu bukwe ndetse n’ababyeyi be nyirizina ntibahagere nabyo bisobanuye ikintu gikomeye, kuko bigaragaza ko no mu buzima busanzwe, uramutse utibereye mu bintu biba bidakwiye gupfa kuko uba warabanye, ukagira inshuti n’umuryango mugari bashobora kuhakubera udahari ntihagire igipfa ngo gipfapfane.

Rutangarwamaboko aha yari mu muhango wo kwinegura wabaye nyuma yo gusaba no gukwa

Muri iki kiganiro twagiranye na Rutangarwamaboko, twanaboneyeho kumubaza ibijyanye n’uko yitwa Umupfumu n’uko abyakira, maze asubira ko abantu benshi ibi batabisobanukiwe kuko batwawe n’imigenzo y’abakoloni. Aha agaragaza ko kuba umupfumu, bikomoka ku nshinga "GUPFUMURA" isobanura gucengera cyane mu kintu ukagera kure abantu batabona. Asobanura ko ubusanzwe ibyo yize bijyanye n’ubuvuzi bwa kizungu nyuma akaza no kubivanga n’ubuvuzi bushingiye ku muco akomora kuri sekuruza Rutangarwamaboko wari umupfumu ukomeye mu Nduga.

Rutangarwamaboko ashimangira ko n’ubwo abantu benshi bafata abapfumu nk’amashitani, ari imyumvire itari yo kuko igisobanuro cyaryo ntaho gihuriye n’ibyo. Avuga ko we yumva ari umupfumu wa kizungu akaba n’uwa Kinyarwanda, kuko ari umuvuzi ufite impano imufasha gucengera akarenga ibigaragara akagera no ku bitagaragara. Avuga ko aterwa ishema no kwitwa umupfumu ndetse akerekana ko n’undi usobanukiwe n’iryo jambo nawe yabyifuza, kuko usanga hari n’abatwaye n’ibyazanywe n’abazungu bakabyita ubuhanuzi, byo bakumva ari byiza ariko ubupfumu bakabufata ukundi


INKURU ZA :
Tanga Igitekerezo
Ibitekerezo 13
kn Kuya 31-07-2017

Ariko inkuru zurashyushywa kbsa. None se kwigira umusitari ni byo kubungabunga umuco?
Abantu batagira isesengura barabibonamo ukuri ariko ibi ni amafuti.
Nimurebere imyambarire ye, murebe ikintu yambaye mu ijosi, mwumve iteka ukuntu asubizanya imvugo yuzuye umugaga n’ubukana.
Uriya muco we awijyanire. Icyakora isi ya none ikunda karabaye, nakomeza kuriya azabona abafana.

niyitegeka Kuya 29-07-2017

Muraho ? Mwamfashije se mukandangira aho uwomuDr avurira hekomfite umuntu urwaye amaze imyaka 5 .arwaye ibintu tutazi yarivuje muri Afrika biranga mukizungu byaranze.I burayi byaranze.mwaba mukoze mumuturangiye wenda yadufasha.number yanjye ni 0788573026

Ibiki?? Kuya 18-07-2017

Buriya rero iyo nsoma inkuru zitandukanye kuri uyu musore jye biranshanga. Uti kuki? Uyu musore twiganye mu mashuri yisumbuye ahitwa i Karengera. Yari umuhanga cyane mu ishuri ku buryo yanabonye bourse. Ikinshanga rero si ikindi, ahubwo nkurikije ukuntu yari umu pasteur wumvaga Bible kurusha ibindi byose ubu nkaba numva bamwita umupfumu nawe akabyiyemerera mba numva ntashize amatsiko. Ubu ndifuza kuzongera guhura nawe tukaganira akamara amatsiko. Seriously kandi ubu ndi mu keragati.

Emmanuel Kuya 18-07-2017

Hari Umuntu waba azi amashuri ya Rutagamburwamaboko ajyanye nubuganga bwa kizungu ?

Emmanuel Kuya 18-07-2017

Hari Umuntu waba azi amashuri ya Rutagamburwamaboko ajyanye nubuganga bwa kizungu ?

Aisha Kuya 18-07-2017

mwakoze cyane Muganga wacu Rutangarwamaboko kdi mwigisha wacu dukunda w’Ubuzima bushingiye ku Muco, tubashimiye cyane iyintambwe nayo mwaduteje yo kongera kugarura umwimerere w’ubukwe bwa kinyarwanda kdi mutabyigisha gusa nko kubivuga ahubwo mubibaho nk’ubuzima bwanyu, ibyo maze kubabonaho byose n’ibyombumvaho mukora byatumye numva neza icyo kubaho aricyo kdi kubaho ubuzimabushingiye ku muco. Imana y’i Rwanda ibadukomereze kdi izabubakire urugo narwo rwo kutubera urumuri rumurika ahacuze umwijima maze twese tugaruke ku muco wacu. kdi ahubwo ibi njye mbona nka minisiteri ishinzwe umuco yakabaye ibishingiraho ikigisha abantu icyo ubukwe mu kinyarwanda cy’umwimerere bwaricyo ndetse na Musee ikabasaba niba mwabyemera ikabibikamo nka documentary yajya yerekwa abantu live maze n’abazaza kera mutakiriho bakazamenya uko mu muco wacu ubukwe bwakorwaga kuko ubu rwose ntaho wabikura nasuye na musee babura icyo banyereka icyo gihe nendaga gukora ubukwe ngo ndebe ko twakora ubujya gusa n’ibyo iwacu ariko ndabibura mwe rero muteye intambwe ikomeye rwose yo kubaho ibyo mwigisha nako ko ibyo mwigisha aribyo mubaho. Wowe wiyise umupfumu rwose nturiwe n’ibyo wavuze uhuragura ntano kubaha abakuru n’abahanga nk’aba birakurega burya umuswa ntiyihishira nawe ahubwo honoka wa mugani wa Muganga wogacwa we!

Uwineza Kuya 18-07-2017

ohhh nimukomeze mujye mbere Doctor Rutangarwamaboko, muri abahanga cyane rwose mubyo umuco wacu n’ubuganga mwize duhora twumva ubuhamya bwanyu ndetse njye nanavuje umubyeyi wanjye ku Kigo cyanyu gishingiye ku muco RCHC arakira kdi byari byaranze ntaho ntamugeranye ni ukuri Imana y’i Rwanda mutwigisha ihorana namwe ibadukomereze mukomeze mutuzahure kdi noneho igihora kinshimisha kurutaho ni uko ibyo mwigisha ari nabyo mubaho rwose. Felicitation cyane kukongera kutugarurira ubukwe bwa Kinyarwanda mu mwimerere w’umuco wacu kdi muzubake muremye maze Imana y’i Rwanda izabaduhere n’urugo rwiza rw’i Rwanda rwokuba ikitegererezo cy’;isi yanone kukubaka urugo mu buryo bw’ubuzima bushingiye ku muco. naho abo na bonye babitiranya nyine ni abatabazi abo ntimubateho igihe nyine utazi apfa guhuragura kdi agakora ibyo atazi ahubwo rata mukomeze mudupfumurire mutuzahure u Rwanda rwongere kugira abantu b’i Rwanda n’Abatekereza b’indashyikirwa. Imana y’i Rwanda ihorana namwe Muganga Rutangarwamaboko n’umugeni wanyu Umwali Umuziranenge turabashyigikiye rwose n’imiryango yanyu kdi tuzaza mu bukwe bwanyu nubwo mwe mutatuzi ariko buri wese afite amatsiko y’ubukwe bwa kinyarwanda uko bwari buri n’uko bwakorwa ubu.

Uwineza Kuya 18-07-2017

ohhh nimukomeze mujye mbere Doctor Rutangarwamaboko, muri abahanga cyane rwose mubyo umuco wacu n’ubuganga mwize duhora twumva ubuhamya bwanyu ndetse njye nanavuje umubyeyi wanjye ku Kigo cyanyu gishingiye ku muco RCHC arakira kdi byari byaranze ntaho ntamugeranye ni ukuri Imana y’i Rwanda mutwigisha ihorana namwe ibadukomereze mukomeze mutuzahure kdi noneho igihora kinshimisha kurutaho ni uko ibyo mwigisha ari nabyo mubaho rwose. Felicitation cyane kukongera kutugarurira ubukwe bwa Kinyarwanda mu mwimerere w’umuco wacu kdi muzubake muremye maze Imana y’i Rwanda izabaduhere n’urugo rwiza rw’i Rwanda rwokuba ikitegererezo cy’;isi yanone kukubaka urugo mu buryo bw’ubuzima bushingiye ku muco. naho abo na bonye babitiranya nyine ni abatabazi abo ntimubateho igihe nyine utazi apfa guhuragura kdi agakora ibyo atazi ahubwo rata mukomeze mudupfumurire mutuzahure u Rwanda rwongere kugira abantu b’i Rwanda n’Abatekereza b’indashyikirwa. Imana y’i Rwanda ihorana namwe Muganga Rutangarwamaboko n’umugeni wanyu Umwali Umuziranenge turabashyigikiye rwose n’imiryango yanyu kdi tuzaza mu bukwe bwanyu nubwo mwe mutatuzi ariko buri wese afite amatsiko y’ubukwe bwa kinyarwanda uko bwari buri n’uko bwakorwa ubu.

Mahoro Kuya 18-07-2017

@Mado uti ko basangira ku muheha umwe, none se imiryango yunze yahuje umubano iranenana, niba bikwirakwiza uburwayi se abasomana batarashakanye baba babanje kwipimisha ngo bamenye ko ari bazima, abajeni usanga basangira bombo, iyo umuntu arwaye aba abizi nawe nk’umuntu ufite umuco ahabwa ibye ntiyanduze abandi kera niwe wafataga iya mbere akiha akato ngo atanduza abo babana (abana n’uwo bashakanye), ari nibyo ntitwajya turwaza abacu barwaye igituntu n’indi zandurira mu mwuka, ariko ni abacu! nuwo twunze ubumwe turasangira uretse abashaka guca umuco.

Mahoro Pacifique Kuya 17-07-2017

Ndabemeye cyane pe. Nanjye sinumva uko ababyeyi b’umuhungu bikora ngo bagiye gusaba umugeni kandi ku ruhande bitwaje n’umukwe mukuru akaba ari nawe uvuga ijambo. N’ubundi ko se w’umuhungu nuw’ umukobwa baba bicaye aho bagjye banivugira amagambo ? Nkunda umuco wacu nkanababazwa nuko utangiye gucika burundu.

hshdjd Kuya 17-07-2017

Ubu haje ubipfumu bwa Gikristo. Mu madini hasigaye hari abahanuzi, baragura ibizaba ku muntu.Kandi usanga bubahwa mu idini.Gusa ari ibya kera ari n’iby’ubu byose bishingiye ku mubi.

Mado Kuya 17-07-2017

Kobasangirira kumuheha umwe se kandi tuzi nezako ukwirakwiza uburwayi butandukanye ?hari ibyiza byinshi twagumisha mumuco wacu,ariko hari nibyo dukwiye guhindura

Mupfumu Kuya 17-07-2017

None se aho we atigana abazungu ni he? Imisatsi, imyambaro, ivogonyo......

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...