konka coffee
KONKA

AMAKURU

UKWEZI

Ubuhamya: Ibyabaye kuri Nadine ni isomo rikomeye ku bakobwa bakunda ibintu

Ubuhamya: Ibyabaye kuri Nadine ni isomo rikomeye ku bakobwa bakunda ibintu
4-01-2017 saa 06:37' | By Chief Editor | Yasomwe n'abantu 42734 | Ibitekerezo 33

Ubu ni ubuhamya twandikiwe n’uwitwa Nadine, agamije gusobanurira abasomyi ibyamubayeho ndetse anabagira inama, kuko na we agaragaza ko yicuza amahitamo mabi yakoze.

Nitwa Nadine nkaba nshaka kubabwira inkuru mpamo y’ibyambayeho kuko kubyihererana numva umutima utabinyemerera.

Mu mwaka wa 2005 nari umunyeshuri mu mwaka wa kane w’amashuri yisumbuye, nibwo nakunzwe bwa mbere n’umuhungu nanjye numva koko bindimo. Umuhungu twakundanye icyo gihe yarankundaga cyane nkabibona ndetse yari umwana mwiza mu mico no mu myifatire ariko nyuma y’umwaka dukundana nabonye undi musore wambwiraga ko ankunda, ndeba Shaba twakundanaga turi abanyeshuri twembi atagira n’aho yakura amafaranga yo kunsohokana nihitiramo kwikomerezanya n’uwo musore wundi kuko we yari yishoboye, afite imodoka ndetse anafite akazi keza.

Shaba yanyirutse inyuma ariko mubera ibamba kuko uwo wundi twari twakundanye yampaga ibintu byose nashakaga kuburyo abana bose twiganaga babonaga ko nshobora kuba nkomoka mu bisubizo nyamara iwacu twari abakene bo kubabarirwa.

Ntababeshye nanjye nakundaga Shaba ariko nabonaga ntacyo yamarira cyane ko n’ibikoresho iwacu batabashaga kubimbonera uko mbikeneye kuko n’amafaranga y’ishuri nayishyurirwaga n’ikigega gifasha abatishoboye.

Uwo musore wundi yitwaga Gasasira, namukundiraga ibintu kandi koko yaranabimpaga rwose kuko icyitwa ubukene ntacyo natakaga ahari. Yarandutaga mu myaka kuko yandushaga igera kuri 17 ariko nta gaciro nabihaga kuko nyine namushakagaho ibintu gusa, ariko namubaza iby’uko twazajyana akanyerekana mu muryango iwabo ngo tube twakundana bizwi tuzanabane akambwira ko igihe kitaragera.

Hadaciyeho n’umwaka dukundana, Gasasira yaje kuntera inda kandi ubwo nendaga kurangiza amashuri yisumbuye ndi no kwitegura ibizami maze mbura amahoro mubwiye ko ntwite ahita ambwira ukuntu atitegute kuba twabana cyangwa kuba yabyara umwana. Yanyumvishje ukuntu tugomba gukuramo iyo nda nanjye ndabyemera kuko nta yandi mahitamo nari mfite kandi yambwiraga ko nitumara kuyikuramo aribwo tuzitegura kuzabana nta kitwirukansa.

Hagati aho Shaba yari yararize yarihanaguye, nanjye kandi icyo gihe nari maze kujya numva urukundo nakundaga Gasasira rumaze kuba rwinshi.

Nyuma y’amezi nk’abiri nkuyemo inda nibwo namenye ko Gasasira afite undi mukobwa bakundana ndetse ko n’imiryango yabo ibizi maze agahinda karanshengura. Nabuze amahoro njya kumureba ndabimubaza ntiyirirwa aca hirya no hino arabyemera ubwo amarira atangira gushoka numva isi inguyeho nezaneza.

Namubajije impamvu ampemukiye ambwira ko ndi umwicanyi, ko ntari umukobwa simbe n’umugore, ko ntashobora kumubera umubyeyi w’abana be mu gihe nta mpuhwe za kibyeyi ngira...

Yarabimbwiye nibuka ko nanjye koko nabaye inyamaswa, nibuka umukecuru wari warigeze kuntuka ngo ndakabura imfura numva koko uwakambereye imfura namwishe ataranagera ku isi numva ndiyanze.

Sinigeze ndenganya cyane Gasasira kuko n’ubwo yari yarampemukiye nari mukuru wo kwifatira ibyemezo ahubwo nabonye ko nakoze igikorwa cy’ubucucu.

Ni byinshi nababwira kuko ni amateka maremare ariko icyo nshaka kubwira abakobwa bagenzi banjye baba kuri uru rubuga dore ko atari na bake ni uko bajya bamenya ubwenge, bakamenya kwifatira ibyemezo kandi bakibuka ko umuntu yanga kumva atanga kubona.

Kugeza ubu ndi umugore mfite n’umwana ariko hari igihe nibuka ko nta mfura ngira umutima ukandya nkenda gusara. Uretse kuba narasabye Imana imbabazi ariko ntibimbuza kumva ko nahubutse nkanga umusore wankundaga ngo nkurikiye ufite ibintu.

Ese mukobwa ujya utekereza ko ugukunda aguha ibintu ari nako akundana n’abandi yitwaje bya bintu? Ese wibuka ko iyo umusore agukunda atakwifuza ko ukuramo inda yaguteye? Gasasira yambwiye ukuntu ntagira impuhwe numva birankorogoshoye kuko nyine nari narishe utagira inenge.

Ubuse ko narangije kaminuza nkaba mfite akazi keza iyo ntegereza sinandavure simba mbayeho neza kandi ntuje? Ubu mbitse igikomere ku mutima kandi koko bakobwa bagenzi banjye mbabwize ukuri tugira ikosa ryo kwanga abadukunda tugasanga abadushuka kandi akenshi ingaruka zitugeraho bigaramiye.

Urukundo ni rwiza kandi ugukunda nyabyo n’iyo yaba umukene bingana iki murafatanya mugashyira hamwe ahari amahoro n’umutuzo ibintu birashakwa kandi bikaboneka.

ICYITONDERWA: Amazina uwatanze ubuhamya yakoresheje siyo mazina nyakuri y’abavugwa muri ubu buhamya bwe


INKURU ZA :
Tanga Igitekerezo
Ibitekerezo 33
Xavier Kuya 2-07-2017

ahaa!nibiba byoroshye ark bigomba no kubaho kugirango bigire isomo bitanga gs byarabaye kd byararangiye igisigaye ni ukwishimira uko ubayeho ubu.

Munganyinka Kuya 24-06-2017

Nukuri Yesu aguhe umugisha kubwo kubohoka umutima ukabivuga kdi murakoze kunama muduhaye kdi humura satani ntagahore akwibutsa uwo mubabaro kk warababariwe kk Imana iracyari kuntebe yimbabazi.wowe ita kwiherezo ryawe nukuri. murakoze

danny Kuya 23-06-2017

Uwo mutindi koko yahoyicyi icyo cyibondo ubugingo buzahorwa ubundi wange urukundo nicyibondo koko baga wifashe muko

Ndacayisaba Shaban Kuya 22-06-2017

Sha Wihangane Amagogwa Waciyemwo Nimeshi Ariko Imana Yarakubabariye

venuste Kuya 17-05-2017

Imana iguhe amahor mubyaw byose kuko urumwan mwiz kunama washimye kutugezaho

marius Kuya 17-04-2017

urako kutugezah iyi nama kndi imana nayo yarakubabariye ntukihebe sibyo soi fort et que mon Dieu te benise mrc encor pour votre conseille mrc vraiment

xxxxxxx Kuya 7-04-2017

Urumama mwiza kandi imana iguhe umugisha mwishi kubwinama utanze kandi humura wibabarire kandi nimana yarakubabariye ujye ureba umwana wawe wabyaye wumve ko ariyo fura yawe, bizagufasha komora igikomere kandi ntugatekereze kuruwo muhungu kabona niyo yaba afite ubuzima bwiza buruta ubwo washatsemwo ujye wumva ko ntacyo yari kukumarira uretse kukubabaza gusa

fina Kuya 12-03-2017

ariko umuntu atendeka gute

NKUBITO Kuya 24-02-2017

inama yuwo mubweye ni nziza pe.

victor Kuya 16-02-2017

urakoze kubwinama ugiriye bashiki bacu kdi imana ikubabarire kuba ugize ubutwari bwo kubivuga.

Dede Kuya 15-02-2017

Imana ikunda abantu bicisha bugufi bakamenya ko bakosheje warababariwe kandi,ubwo byari ukugira ngo natwe tukwigireho tubone isomo.

Rwanda Kuya 14-02-2017

Ariko se abantu barimo gutanga numero zabo basomye inkuru?!!!
Uwavuzwe mu nkuru arimo gutanga ubuhamya n’inama byo gufasha abandi none ngo barashaka abahamagare bamufashe!!!!
What went wrong!!!

Emma Kuya 28-01-2017

Imana iguhe umugisha kuburira abakobwa.kdi na bo bumvire inama zawe!Imana yarakubabariye tuza !

Paul Kuya 26-01-2017

Ahubwo jye numva ibi bitarabayeho, ari ukigira ngo batange inama ku Bakobwa ndetse no ku Bahungu bakundana kubera inyungu. Kandi niba byarabaye, uyu mudamu akwiye gukurikiranwaho icyaha cyo kwica.

-xxxx- Kuya 26-01-2017

Warababariwe akira imbabazi wahawe , knd warakoze cyane

roro Kuya 14-01-2017

Urakoze cyane kandi Uwiteka arababarira bigashira kdi Inama yawe ni nziza nabafite izindi bajye bazitanga wenda zizajya ziramira iyi Societe nyarwanda

roro Kuya 14-01-2017

Urakoze cyane kandi Uwiteka arababarira bigashira kdi Inama yawe ni nziza nabafite izindi bajye bazitanga wenda zizajya ziramira iyi Societe nyarwanda

SY Kuya 14-01-2017

ARIKO IZI NKURU ZIBA ZIGISHA PE ! GUSA ZUBAKITSE NABI RWOSE . UYU MUTINDI W’UMUKOBWA NTA BABYEYI YAGIRAGA SE ?!? ESE NTA NCUTI SE ZIKUZE ZITEKEREZA NEZA ZAMUGIRA INAMA ? 0728461522/0739152851

Rbt Kuya 8-01-2017

Humura mubyeyi mwiza burya Imana izi intege nke za muntu kuko iyo bitaba ibyo ntiba yaraduhaye ulwana wayo w’ikinege ngo adukorere icyatunaniye, bref , gukora icyaha n’ubwo cyaba gikomeye cyane ni kimwe no kwihana ni ikindi kdi imbere y’umuremyi wacu nta cyaha kitababarirwa icy’ingenzi ni ukwizera imbabazi n’igitambo twahawe gusa ngaho komeza uryoherwe n’urugo kdi uzagire umwaka mwiza wa 2017.

rukundo Kuya 7-01-2017

sister bohoka mumuti kdi imana yarakubabariye rwose gusa bakobwa murabe maso no kuba iyo nda itaraguhitanye nahahirwe akomeye wagize umpamagare nguhe ubuhamya bwibyabaye( ) nizereko biri bugufashe imana iguhe umugisha kdi izaguhe ijuru no kuba ubivuze nubutwi ugize ni 0728211995 .

Madagali François Kuya 5-01-2017

Nterefona wifashishije 0788875130 nkugire inama

Eric Kuya 5-01-2017

Humura Nshuti!kutabana nuriya byagufashije kwihana kuko iyo aza kugushaka ubu buhamya ntuba ubutanze! Uwiteka aguhe imbaraga kandi umukorere.

Ornella Kuya 4-01-2017

Akira numero yajye nzakugira Inama Knd izagufasha Knd humura Imana irikumwe nawe please mpamagara nzagusengera Knd nzakwaturaho amahoro y’Imana 0788356927

kalinda Kuya 4-01-2017

urakoze cne

nakumiro Kuya 4-01-2017

sha nibenawe ndumvibyawe byoroshye, haruwonzi biheruka kubaho vubaha mumpera za2017, umusore numukobwa bombi twariganaga kaminuza turangirizarimwe muli2014, kanditwarangije araba cheris bahatari promotion yacuyose twirirwaga tubabazango muzatwerekibirori ryari? nonejobundi yamuteyinda amusaba kuyikuramo amuha namafranga yokubikora rwose amubahafi mulibyobihe, aliko nyumayukwezi kumwegusa twabonye umuhungu atwohereje invitation kuli groupe whatsup yacu (whatsup group ya promotion nawamukobwa tubanamo) agiye gukorubukwe murukukwezi kwambere nundimukobwa turumirwa. umukobwa ameze nkumusazi, abahungu bubu nibisimba kandubwo umutype yiyitaga umurokore wadanger muli adepr numugorewe abamuli korari ya zion. yewe ibyu byabaye danger nukubabona bagenda ngonizabarokore aliko ntamahoro azagira

jean Kuya 4-01-2017

wa mudamu we, uzabazwa amaraso y’uzo mwana wahotoye.ntaho utaniye n’abandi bicanyi bose

hope Kuya 4-01-2017

Murabe mwumva abakobwa bomuriyi minsi uwo mubyeyi imana imwiteho ijambo ryi Mana rimbwira neza ko iyo usabye I’mbabazi urababarirwa nu kongere kwicira urubanza uwiteka yarakubabariye

hope Kuya 4-01-2017

Murabe mwumva abakobwa bomuriyi minsi uwo mubyeyi imana imwiteho ijambo ryi Mana rimbwira neza ko iyo usabye I’mbabazi urababarirwa nu kongere kwicira urubanza uwiteka yarakubabariye

cyotara Kuya 4-01-2017

yewe Madam imana iragukunda kiriya gihe wari muto ubwenge bwawe nibwabashaga kureba kure ikigeragezo wahawe waragitsinzwe ikikubwirako imana igukunda nuko wabonye undi mugabo ukanabyara undi mwana kutagira infura ntibiguhahamure kuko inda zinikuramo ndetse hari nabo zivanamo ari nyinshi ariko iyo babyaye barabyibagirwa infura niyageze kwisi icyari kumbabaza nuko wari kubana nuwo mutindi ufata umwana arusha imyaka 17 yose akamwoshya ikintu nkicyo nkaho yamukomeje ngo amumenyere igikwiye rwose ntuhangayike icyo nikibi kimwe yagukoreye ariko iyo mubana yari kuzagukorera byinshi birenze ibyo humura rwose imana yarakubabariye

iganze Kuya 4-01-2017

Nyagasani akomore ibikomere by’amateka. Ngo ubwenge buza ubujiji buhise,ariko humura Imana yakurinze iyo nda ntiguhitane uyikuramo, yashatse ko uzayikorera mu gihe nk’iki. Imbabazi z’Imana ni nyinshi cyane, nta cyaha zitababarira. Ibuka Sauli, uko yatotezaga abizera Kristu akabica, nyamara ubwo yumvise ijwi rye, yahindutse mushya, kuva ubwo aramukorera, aba intumwa ikomeye, ndetse aranamupfira.
Inama utanze ni nziza, ababwirwa ntimube abana, ntimugwe mu ruzi murwita ikiziba. Imfura yawe yageze aheza, kandi imbabazi z’Imana ziguhesha no kubabariwa n’ako kaziranenge. Ibabarire nawe kuko warababariwe, wubake neza, kandi uhirwe kibondo.

NDIKUBWIMANA ANACLET Kuya 4-01-2017

Urakoze kugira inama abari, n’abategarugori nibumvireho kuko basigaye bata abagabo babo ngo basanze abafite umutungo uhagije kandi IYOMENYA iza nyuma.

denyse Kuya 4-01-2017

mbega umubyeyi mwiza! Iyo nama yawe utujyiriye tuzayikurikiza kandi lmana ikube hafi!

-xxxx- Kuya 4-01-2017

Ndakwishimiye wamumamawe.ni mana ibyumve, niba imana inyumva ikubabarire pe. kubwumutima uciyebugufi ufite ni mpuhwe ufitiye abantumurirusange.imana ikwishimire.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...