Afite abana 76 n’abuzukuru barenga 300 kandi yabubakiye ishuri ryabo - Amafoto

Chief Editor | 20-09-2016
Afite abana 76 n’abuzukuru barenga 300 kandi yabubakiye ishuri ryabo - Amafoto

Buri wese agira indoto mu buzima, bamwe bashaka kuba abakire, ariko kuri Meshuko Mapi Laibon, Umumasai wo muri Monduli, Arusha muri Tanzaniya, indoto ze ni izo kwagura umuryango we. Afite abagore umunani n’abana 76 ndetse n’abuzukuru barenga 300. Abana nabo mu murenge ndetse yanabubakiye ishuri ryabo bwite.

Umurenge wa Laibon ufite inzu gakondo hafi 40, ni ho akunda kuruhukira, rimwe na rimwe yibereye munsi y’igiti hamwe n’uyu muryango mugari. Uretse abagore 8 abana nabo, afite n’abandi bagera kuri 40 yabyaranye nabo ariko abo bakaba batabana nawe, n’ubwo abana babyaranye babana muri uyu murenge.

Uyu musaza afite abagore benshi yabyaranye nabo abana, gusa hari n’abandi bagore bagera muri 40 babyaranye ariko batabana

Yagize ati: "Mfite abagore umunani kandi abana banjye ni nka 76, abuzukuru banjye barenga nka 300, ntunga umuryango wanjye ncuruza inka mu gihe cy’impeshyi. Mfite inka zigera ku 3000 zimfasha nkabona uko ngura ibigori byo gutunga umuryango."

Laibon avuga ko afite imyaka 103 y’amavuko, kandi akaba aha agaciro uburezi cyane. Yubatse ishuri afashishwe n’abaterankunga ndetse na guverinoma.

Yagize ati: "Natekereje kubaka ishuri kubera ko abana banjye bajyaga kwiga kure y’aho ntuye, ndetse rimwe na rimwe ntibashoboraga kujyayo kubera inzovu. Abantu bishwe n’inzovu. Bityo rero nabubakiye ishuri kuko nshaka ko abana banjye biga."

Ishuri ryitiriwe uyu mugabo, rifite ibyumba bitanu kandi abarimu batangwa na guverinoma. Ariko si abana be gusa baryigamo.

Nada Sinoo, umuyobozi w’ishuri, agira ati: "Iri shuri ryigamo n’abandi bana bo mu yindi miryango, uyu musaza ntatoranya, ariko 90% by’abanyeshuri ni abana ba Laibon."

Iyi nkuru tuyikesha BBC

KANDA HANO UREBE VIDEOS UTASANGA AHANDI