Amategeko 10 asekeje y’ibihugu bitandukanye ku bijyanye n’imibonano mpuzabitsina

Chief Editor | 30-08-2016
Amategeko 10 asekeje y’ibihugu bitandukanye ku bijyanye n’imibonano mpuzabitsina

Agahugu umuco akandi uwako! Menshi mu mategeko yaba ay’igihugu, ajyanye n’umuco gakondo w’agace runaka mu gihugu cyangwa amabwiriza yashyizweho mu gukaza ingamba runaka, usanga asekeje kandi ashobora gutangaza benshi. Ibijyanye n’urushako, imibonano mpuzabitsina n’ubusambanyi, bigira amategeko asekeje mu bihugu bimwe na bimwe

Mu bihugu byo hirya no hino ku isi, haba imico itandukanye ku bijyanye n’amategeko ahana abakoze ubusambanyi, amabwiriza ku bijyanye n’imibonano mpuzabitsina cyangwa urushako, muri iyi nkuru tukaba tubagezaho 10 bitangaje kurusha ibindi.

1. Muri Namibia, umugabo ufashe umugore ku ngufu aba afite uburenganzira bwo guhitamo ibihano bibiri. Icya mbere ni ugufungwa imyaka 20, icya kabiri ni ukwemera ko bagukona (Gucibwa udusabo tw’intanga)

2. Mu gace kitwa Paramino, mu gihugu gito cyo muri Amerika y’Amajyepfo cyitwa Suriname, hari itegeko rivuga ko umugabo ufashe ku ngufu umugore wibana kandi akamusambanya bari ahantu hiherereye abandi badashobora kubabona, adashobora kubihanirwa ariko uwo mugore akaba yahita asezerana kubana n’uwo mugabo aramutse abishatse.

3. Mu gihugu kitwa Belize cyo muri Amerika yo hagati, birabujijwe ko umugabo yashakana na nyirasenge cyangwa umugore wa nyirarume. Iyo abikoze ariko, igihano ahabwa ni ugukubitwa aziritse ku giti.

4. Muri Sorocaba mu gihugu cya Brazil, birabujijwe gusomana byimbitse mu ruhame kandi bihanwa n’amategeko.

5. Muri Valparaiso mu gihugu cya Chile, birabujijwe kuba umugabo yarongora umugore wigeze gufatirwa mu busambanyi, bivuga ko umugore ubufatiwemo aba atemerewe gushaka umugabo ubuzima bwe bwose.

6. Mu mujyi wa La Paz muri Bolivia, birabujijwe ko umugore yarenza ikijojoba kimwe cy’inzoga (One drop of alcohol) kandi iyo abirenzeho umugabo we aba ashobora kubiheraho asaba gatanya agahita ayihabwa nta mananiza.

7. Muri Montevideo mu gihugu cya Uruguay, birabujijwe kuba umugabo yatera akabariro n’umugore we ari mu mihango, ariko ibyo ntibitangaje ahubwo ikidasanzwe ni uko atemerewe no kuba yamukoraho ku bice by’umubiri biri hagati y’umukondo n’amavi.

8. Mu mujyi wa Doha muri Qatar, umusiramukazi ategetswe kubanza kwitandira (kwambara umwambaro uhisha isura ye) mbere yo kwambika ibindi bice by’umubiri we, kandi mu gihe umugabo wese yamuca urwaho arimo koga cyangwa arimo kwambara atarikwiza ngo ahishe isura, yemerewe kumusambanya.

9. Mu gihugu cya Bhutan cyo mu majyepfo ya Asiya, birabujijwe kuba umusore yatakaza ubumanzi mbere ya mukuru we, ndetse ntibinemewe kuba umusore yashaka umugore mu gihe hari mukuru we utaramushaka.

10. Muri Equatorial Guinea, hakurikijwe amategeko y’amoko gakondo, iyo umugabo afashwe asambana n’umugore w’abandi, uwo mugabo agomba guhita ahinduka umucakara w’umugabo yasambanyirizaga umugore akajya amukoresha imirimo y’uburetwa igihe cy’ubuzima bwe bwose.

KANDA HANO UREBE VIDEOS UTASANGA AHANDI