Bakoreye ubukwe mu cyumba cy’ibitaro, nyuma y’igihe umusore aharembeye - Amafoto

Chief Editor | 1-08-2016
Bakoreye ubukwe mu cyumba cy’ibitaro, nyuma y’igihe umusore aharembeye - Amafoto

Umusore urwaye kanseri y’igufwa, yakoreye ubukwe ku gitanda aho arwariye mu bitaro, yambikana impeta n’umukunzi we bakundanye bigana mu mashuri yisumbuye. Aha ubu bukwe budasanzwe bwabereye ni mu gihugu cya Leta Zunze Ubumwe za Amerika.

Swift Myers w’imyaka 18 y’amavuko, amaze igihe arwaye kanseri yamuzahaje, mu minsi ishize yamaze igihe atumva atanabona, aho azanzamukiye ahita asaba umukunzi we Abbi Ruicker bamaze imyaka irenga 2 bakundana, ko bakora ubukwe akamubera umugore.

Ubu bukwe bwateguwe n’inshuti n’abavandimwe ku bufatanye n’itsinda ry’abaganga n’abaforomo b’ibitaro biri ahitwa Tulsa ari naho Swift arwariye, nk’uko iyi nkuru dukesha Daily Mail ikomeza ibishimangira.

Aya ni amafoto y’umusore n’umukobwa yafashwe mbere y’ubukwe

Mu kubutegura, Swift yahamagaye sebukwe amusaba ko yamuha umukobwa we bakabana, undi nawe nta kuzuyaza ahita abimwemerera batangira gutumira abantu mu bukwe bwabaye kuri iki Cyumweru ariko hari hatumiwe abantu bacye cyane kuko icyumba cy’ibitaro bwagombaga kuberamo ari gito.





KANDA HANO UREBE VIDEOS UTASANGA AHANDI