konka coffee
KONKA

AMAKURU

UKWEZI

Basezeraniye mu bitaro kandi umugeni yari azi ko umukunzi we asigaje igihe gito akipfira

Basezeraniye mu bitaro kandi umugeni yari azi ko umukunzi we asigaje igihe gito akipfira
31-08-2016 saa 07:37' | By Rukundo Irené | Yasomwe n'abantu 11022 | Ibitekerezo 3

Ku Cyumweru tariki 28 Kanama 2016, nibwo Chris Ford w’imyaka 26 umaze igihe kigera ku mwaka arwaye kanseri ndetse akaba yaranabwiwe ko asigaje igihe gito ngo apfe, yakoranye ubukwe n’umukunzi we Nicole Wismer w’imyaka 22 y’amavuko atitaye ku by’uko asigaje iminsi ibarirwa ku ntoki mu isi y’abazima. Hashize igihe kitari kirekire Nicole abyaranye umwana w’umuhungu na Chris kandi nyuma yo kubyarana nibwo byagaragaye ko afite kanseri ndetse ajyanwa kwa muganga aho amaze umwaka wose yibera.

Chris agifatwa yahabwaga amahirwe yo kubaho angana na 80%, ndetse mu buryo bwo kumurwaza byaje kuba ngombwa ko afata nyina umubyara akamuvana muri Philadelphia aho bari batuye akamujyana mu bitaro byitwa Vanderbilt University Medical Center biri muri Nashville muri Leta Zunze Ubumwe za Amerika kugirango amube hafi amwiteho. Mu gihe Chris yari akomeje guhabwa ubuvuzi, ntabwo byaje koroha kuko uburwayi bwe bwagiye bukomeza kugera no ku bindi bice by’umubiri we. Ubwa mbere uburwayi bwe bwahereye mu muhogo, gusa uko iminsi yakomeje kwicuma byaje kugera no ku bihaha, ibi bikaba ari byo byatumye abaganga bamukurikirana bemeza ko afite igihe gito ku isi.

JPEG - 28.7 kb

Uyu ni Chris na Nicole mbere y’uko ubu burwayi bwa kanseri bugaragara

Chris abonye bikomeje gutyo nibwo yagejeje icyifuzo cye ku mukunzi we Nicole amusaba ko bashyingirwa, nawe arabimwemerera. Babanje gushyira ubukwe bwabo mu kwezi k’Ukwakira uyu mwaka ariko abaganga bababwira ko Chris atazabasha kugeza icyo gihe agihumeka, bituma babwigiza imbere. Nyuma y’ubukwe, Nicole mu magambo ye yagize ati: ”Ntacyo bitwaye ku gihe tumaranye ndetse n’imbogamizi zose zajemo gusa njyewe ndamukunda cyane”

JPEG - 36.4 kb
JPEG - 21.5 kb

N’ubwo umugeni yari azi ko umukunzi we asigaje igihe gito ku isi, ntibyababujije kwishima muri ibi birori

Nyina wa Chris we aganira n’ikinyamakuru USA Today dukesha iyi nkuru, yavuze ko ku munsi w’ubukwe byari byiza cyane, ngo kuko haje abantu benshi batakekaga. Yagize ati: “Twagiye duhamagarwa n’abantu benshi ndetse tutanazi, mu bukwe haje abafata amashusho, abafotora ndetse hari n’abaje mu kudufasha guteka, abagize umuryango wacu nabo bavuye muri Philadelphia baza kubutaha bifatanya na twe.”

JPEG - 36.5 kb

Mu birori by’ubu bukwe, Chris Ford yanasabanye n’umuhungu yabyaranye na Nicole

N’ubwo kugirango Chris ahumeke hifashishwa ibyuma bimwongerera umwuka ndetse akaba atabasha guhagarara igihe kirekire, yarihanganye aricara ategereza umugeni we. Ubu bukwe n’ubwo butateguwe cyane ariko bwitabiriwe n’abantu benshi kandi bwagenze neza nk’ubundi bukwe busanzwe.

JPEG - 31.1 kb
JPEG - 35.4 kb
JPEG - 41 kb
JPEG - 47.2 kb
JPEG - 33.5 kb

Bakoze ubukwe bwiza ndetse barishima batitaye ku kuba Chris Ford asigaje igihe gito ku isi


Tanga Igitekerezo
Ibitekerezo 3
nsengumuremyi com Kuya 9-09-2016

Abobageni barakundanyerwose.yanzekubura umukunziwe badasezeranye.

Musabyinema Jeanne Kuya 1-09-2016

Urukundo ni rwiza kdi hahirwa abashakanye bakundana kdi bakunda Imana.

uk Kuya 31-08-2016

Ariko abazungu, ubuzima barabukenetse kweli !! Umuntu arahumeka afashijwe n’ibyuma none ngo yakoze ubukwe !

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA