Duranord w’imyaka 109 na Jeanne w’imyaka 106 bamaze imyaka 84 babana - Amafoto

Chief Editor | 2-05-2016
Duranord w’imyaka 109 na Jeanne w’imyaka 106 bamaze imyaka 84 babana  - Amafoto

Duranord Veillard na Jeanne bashakanye mu kwezi k’Ugushingo 1932, bakaba barageze mu mujyi wa New York muri Leta Zunze Ubumwe za Amerika mu mwaka w’1968 bavuye mu gihugu cya Haiti ari naho bakomoka. Babyaye abana batanu, bakaba bafite abuzukuru 12 ndetse n’abuzukuruza 14, bakaba kugeza ubu bafatwa nk’abashakanye bamaranye igihe kirekire ku isi kurusha abandi, dore ko babanye imyaka hafi 84, aba perezida bose bayoboye igihugu cya Leta Zunze Ubumwe za Amerika bakaba barakiyoboye Duranord na Jeanne babana nk’umugabo n’umugore.

JPEG - 333.2 kb

Tariki ya mbere Werurwe 2016, nibwo Duranord yizihizaga isabukuru y’imyaka 109 y’amavuko, muri iyo myaka yose igihe kinini akaba yarabanaga n’umugore we Jeanne uzuzuza imyaka 106 muri uku kwezi kwa Gicurasi. Uretse kuba ubwabo bakuze, imyaka bamaranye nayo ntawundi muntu kugeza ubu uzwi waba warabashije kubigeraho mu batuye iyi si.

Mu rugo rwabo i New York, Duranord Veillard na Jeanne banana n’umwana wabo umwe dore ko abandi bose bashatse ndetse bakaba bamwe banuzukuruje, uyu babana we akaba yaragowe n’urushako agakomeza kwibanira n’ababyeyi be nk’uko ikinyamakuru Journal News kibivuga.

JPEG - 66.9 kb

Uyu bari kumwe niwe mwana wabo babana mu rugo nyuma yo kunanirwa n’urushako

Uyu musaza n’umukecuru we bavuga ko ibanga ryatumye babasha kubaho igihe kirekire kandi bakabasha no kurambana, nta rindi uretse kuba bararagije Imana ubuzima bwabo nayo ikababa hafi iminsi yose bamaze ku isi, igaha n’umugisha umuryango wabo wose.

KANDA HANO UREBE VIDEOS UTASANGA AHANDI