Iby’umugezi wahindutse amaraso bikomeje kutavugwaho rumwe, benshi babyita imperuka

Chief Editor | 9-09-2016
Iby’umugezi wahindutse amaraso bikomeje kutavugwaho rumwe, benshi babyita imperuka

Umugezi wo mu Burusiya witwa Daldykan, uherereye hafi y’umujyi urangwamo inganda ukomeje kutavugwaho rumwe n’abahanga mu by’ubumenyi bw’isi, ubumenyi bw’ikirere n’ibya siyansi, bikaba bikomeje kuvugisha benshi amangambure nyuma y’uko amazi yawo ahindutse amaraso.

Nyuma y’uko uyu mugezi wo mu Burusiya mu gace ka Norilsk uhinduye ibara amazi agahinduka nk’amaraso, abatari bacye biganjemo abanyamadini bahamije ko ishyano ryaguye ku isi, iki kikaba ari ikimenyetso ndakuka cy’ibihe by’imperuka. Abahanga mu by’ubumenyi bw’isi bakomeje nabo gukora ubushakashatsi, ibinyamakuru byinshi bikaba bigenda bivuga impamvu yabyo mu buryo butandukanye.

JPEG - 205.9 kb

Ntabwo kugeza ubu impamvu iremezwa, ariko Minisiteri ishinzwe ibijyanye n’Umutungo Kamere mu Burusiya, yatangaje ko ikeka ko byaba byaratewe n’imyanda ituruka mu nganda ziri muri aka kace yaba yarajugunywe mu mugezi, hakaba harimo gukorwa iperereza ngo barebe niba byaba ari byo koko.

PNG - 538.4 kb

Nk’ikinyamakuru Siberian Times cyo kivuga ko ibi byigeze n’ubundi kubaho mbere, kandi imyanda yo mu ruganda ikaba ari yo ikekwa, nyamara kompanyi yitwa Norilsk Nickel, ari na yo nyiri uruganda rukekwa yo irabihakana ikavuga ko ibi bitigeze bibaho kandi binabayeho bitamera nk’amaraso nk’uko uyu mugezi umeze.

JPEG - 77.9 kb

Ibinyamakuru byinshi byandika bikanasesengura inkuru zijyanye n’iyobokamana, byo byagiye bitangaza ko uku guhinduka amaraso bijyanye neza n’ibyanditse mu bitabo bitagatifu nka Bibiliya, cyane cyane mu gitabo cyayo cy’Ibyahishuwe.

JPEG - 152.9 kb

KANDA HANO UREBE VIDEOS UTASANGA AHANDI