Impanga Anna na Lucy zisangira byose, zigiye gukora ubukwe n’umukunzi umwe - Amafoto

Chief Editor | 16-06-2016
Impanga Anna na Lucy zisangira byose, zigiye gukora ubukwe n’umukunzi umwe - Amafoto

Abakobwa babiri b’impanga Anna na Lucy DeCinque, barasa cyane dore ko ubareba kubatandukanya bigoye cyane, ndetse nabo ubu bakaba bamaze gukoresha akayabo k’amafaranga asaga 130.000.000 uyabaze mu mafaranga y’u Rwanda, bagiye batanga ku mavuta n’ibindi bijyanye n’ubwiza kugirango babashe gukomeza gusa cyane. Uretse kuba basangira byose kuva mu buto, ubu bagiye no gukora ubukwe n’umusore bakundana uzabagira abagore bombi, cyane ko nawe bifuza kujya bamusangira.

JPEG - 128.7 kb

Lucy na Anna DeCinque b’imyaka 29 y’amavuko, bagiye batanga amafaranga mu bihe bitandukanye bihindura ibitsike, imisatsi, amabere n’ibindi bice by’umubiri ngo barusheho gukomeza kugaragara kimwe no gusa ahantu hose. Uretse ibyo kandi, buri gihe baranagendana, bakambara bimwe, bakora akazi kamwe cyane ko baniganye amashuri yabo yose, barara ku buriri bumwe bakanarya bimwe, nyuma y’ibyo bakaba bashaka no kugerakaho gushaka umugabo umwe, uwo akaba ari umukanishi bamaze igihe bakundana witwa Bem Byrne.

JPEG - 158.2 kb

Aba bakobwa bakomoka muri Perth muri Australia, banahamya ko umwe ashobora kumva ububabare bwa mugenzi we, ikindi kandi kubera kwifuza gusangira byose, na telefone kimwe na facebook bakoresha imwe, ubandikiye akabandikira bombi.

JPEG - 222.7 kb

Aba bakobwa babwiye ikinyamakuru cya Channel Seven Sunrise ko bagerageje gukundana n’abasore batandukanye ariko bikananirana. Lucy ati: "Twagiye tugerageza kenshi gukundana n’abasore batandukanye ariko ntibyagendaga neza, ariko ubu biratworohera cyane kandi birahebuje. Tuba turi kumwe amasaha 24 ku yandi iminsi yose, kuburyo binatworohera gusangira umukunzi kuko buri gihe tuba turi kumwe".

JPEG - 153.4 kb

Aba bakobwa bakora akazi k’ubuforomo, bavuga ko kuva mu bwana bwabo basaga cyane ariko uko bakura bakagenda bakoresha ibindi bintu byose byatuma bakomeza gusa, ari nayo mpamvu uwabaga ashatse kugaragaza itandukaniro ku gice runaka cy’umubiri habagaho kumuhindura ngo bakomeze gusa cyane.

JPEG - 134.7 kb
JPEG - 220.4 kb

Bavuga ko ubu icyo basigaje ari ugukora ubukwe n’uyu mukunzi wabo, kandi abana buri umwe muri bo azabyara nabo bakazajya babafata nk’ababyawe na buri umwe muri abo.




KANDA HANO UREBE VIDEOS UTASANGA AHANDI