konka coffee
KONKA

AMAKURU

UKWEZI

Ku myaka 72 y’amavuko, umukecuru yibarutse umwana we w’imfura

Ku myaka 72 y’amavuko, umukecuru yibarutse umwana we w’imfura
11-05-2016 saa 07:37' | By Chief Editor | Yasomwe n'abantu 7882 | Ibitekerezo 10

Daljinder Kaur, umukecuru w’imyaka 72 y’amavuko w’ahitwa Amritsar mu gihugu cy’u Buhinde, yibarutse umwana w’umuhungu tariki 19 Mata 2016, iki kikaba cyarabaye igitangaza mu gace atuyemo kuko ubusanzwe byagaragaraga ko yamaze kugera mu zabukuru, kandi akaba nta wundi mwana yari yarigeze abyara.

Mukecuru Daljinder Kaur w’imyaka 72, amaze igihe kingana n’imyaka 47 ashakanye n’umugabo we Mohinder Singh Gill w’imyaka 79, ariko nta mwana bari barigeze babasha kubyara, n’ubwo bagiye biruka mu bitaro bitandukanye bashakisha ubufasha bw’abaganga ngo nabo babashe kubona umwana.

JPEG - 121.4 kb

Uyu muryango uri mu byishimo by’umwana bibarutse nyuma y’imyaka 47 babana

Uyu muryango ubu wishimiye kubona urubyaro nyuma y’imyaka 47 amaso yaraheze mu kirere, uru ruhinja bakaba bararwise Arman Singh. Ubwo yagaragazaga ibyishimo bye, mu kiganiro n’ikinyamakuru Metro, uyu mubyeyi yagize ati: "Ni iby’agaciro kuri twe kuba tubonye umwana, ubu noneho nshobora kubaho nishimye, ubuzima bwanjye ubu buruzuye"

Umuganga witwa Anurag Bishnoi wabakurikiranye kugirango babashe kubona urubyaro, yatangaje ko n’ubwo uyu mukecuru byagaragaraga ko afite imbaraga nke, ibisubizo by’ibizamini yafashwe byerekanaga ko imyanya myibarukiro ye ikora neza kuburyo ashobora gusama.

Si ubwa mbere umekecuru ukuze muri aka gace abyara, kuko mu mwaka wa 2006 undi w’imyaka 70 witwa Rajo Devi nawe yabyaye umwana w’umukobwa, bituma icyo gihe yari we mubyeyi wibarutse akuze kurusha abandi, none ako gahigo gakuweho n’undi bakomoka mu gace kamwe.


Tanga Igitekerezo
Ibitekerezo 10
PATRICE Kuya 16-09-2016

ISezerano ryayo imbaga ryayo ryuzuye ukuri tirihiduka niyo yambivuze irabisohoje kuriyi fml.

Denis Kuya 24-07-2016

Imana yacu ni Serieux kandi igendana n’aba serieux

Joyce Kuya 26-05-2016

Nukuri Imana nigitangaza igihe cyayo cyo gukora iyo kigeze irakora. Nawe ufite ibikuruhije izere Gusa.

Tuyishime Samuel Kuya 26-05-2016

Yonkwe

uweragrace Kuya 26-05-2016

Nakure ajye ejuru mama

Theo Balta Kuya 11-05-2016

None se Sara wa Abraham yabyaye afite imyaka ingahe? @

b Kuya 11-05-2016

iki ki vieux kari dange.

Benjamin Ndikumagenge Kuya 11-05-2016

Kwri Imana Yama Yigaragariza Abantu, Ibyo Nibyerekanak Ikomeza Kwiyerekana.Naw Urimugahinda Gatanukany Kubra Ibibaz Bitandukany Wizere Imana Irakora.

Sambaza Kuya 11-05-2016

Yebaba wee!!!
Uwo mukecuru akurikiye Sala wa Bulahamu uvugwa munkuru za Bibiliya

Sambaza Kuya 11-05-2016

Yebaba wee!!!
Uwo mukecuru akurikiye Sala wa Bulahamu uvugwa munkuru za Bibiliya

IGURIRE
Reba Ibindi Byinshi
konka Monaco
IBARUWA ZA JORIJI
Magic Pictures
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA