Leah w’imyaka 20 ari mu buryohe bw’urukundo n’umusaza w’imyaka 60 - Amafoto

Chief Editor | 16-08-2016
Leah w’imyaka 20 ari mu buryohe bw’urukundo n’umusaza w’imyaka 60 - Amafoto

Leah Senibaldi w’imyaka 20 y’amavuko, ari mu buryohe bw’urukundo na Ress Benson w’imyaka 60, nyuma y’imyaka 3 bahujwe na se umubyara akaba ari n’inshuti kuva na cyera y’uyu musaza bakundana, dore ko yamumenye aririmba mu itsinda (band) rya se. Uretse kuba baryohewe n’urwo bakundana, bategereje ko uyu mukobwa namara kwiga bazanakora ubukwe bakibanira.

Uyu Leah wo mu mujyi wa Nashville muri Leta ya Tennessee muri Leta Zunze Ubumwe za Amerika, yamenyanye bwa mbere na Ress mu myaka itatu ishize ubwo yari umwana w’imyaka 17. Icyo gihe yatangiye kujya avugana n’uyu mugabo ku rubuga rwa facebook ariko ababyeyi be baza kubifata nabi, bituma bahagarika kongera kuvugana.

Nyuma y’umwaka bongeye kubura umubano ndetse bakajya bahura cyane mu myitozo ya band wa Se wa Leah, kugeza ubwo uyu mwana wari ufite imyaka 18 icyo gihe yahishuriye Ress ko amukunda. Nyuma y’imyaka ibiri, ubu barakundana mu buryo bweruye n’ubwo umuryango wa Leah n’inshuti ze bitabishyigikiye na gato.

Gusomana mu ruhame, gusohokana kenshi n’ibindi bigaragara nk’ibimenyetso by’abakundana, babikora kenshi kugirango buri wese abone ko bakundana kandi batewe ishema n’urukundo rwabo. N’ubwo umukobwa ari we muto, yivugira ko ari we watwawe umutima mbere agakora ibishoboka byose ngo akundane n’uyu mugabo umukubye inshuro eshatu mu myaka.

JPEG - 152.8 kb

Leah ati: "Kenshi iyo turi kumwe tuzi ko abantu batureba, turasomana tukanerekana ko turyohewe n’urukundo, abantu bakikanga ariko ntacyo bitubwiye kuko nta kibi tuba turimo gukora. Duhura bwa mbere mu myaka itatu ishize, sinzi impamvu ariko nahise niruka ndamuhobera cyane numva nguwe neza. Nyuma ababyeyi banjye babonye ko mvugana na Ress kuri Internet barabimbuza, ariko nyuma y’umwaka amarangamutima yanjye kuri we yananiwe kwihishira turongera tukazajya tuvugana."

JPEG - 128.6 kb

Leah avuga ko n’ubu ababyeyi be batari bemera ko Ress akwiye kumubera umukunzi, ariko akumva bakwiye kuzabyumva kuko nabo barutanwa imyaka 27. Ress w’imyaka 60, arusha nyina wa Leah imyaka 9 ariko nanone akarushwa na se wa Leah imyaka 18.

JPEG - 93.8 kb

Uyu musaza nawe avuga iby’urukundo rwabo byagiye bihura n’ababirwanya benshi, by’umwihariko ababyeyi bavuga ko umugabo umurusha imyaka 40 yose yazasaza akamusiga akiri inkumi, nyamara umukobwa we akaba yumva ntacyo bimubwiye, cyane ko ashobora no kurwara kanseri agapfa mbere ya Ress bityo akaba adakwiye kwitesha urukundo rwe.

KANDA HANO UREBE VIDEOS UTASANGA AHANDI