Menya amazina atangaje ababyeyi bo muri Iceland bita abana babo n’uburyo atangwamo

Chief Editor | 28-06-2016
Menya amazina atangaje ababyeyi bo muri Iceland bita abana babo n’uburyo atangwamo

Buri gihugu kigira umuco utandukanye n’uw’ibindi, hakaba n’ubwo usanga igihugu runaka cyarimitse amahame runaka yabaye nk’asanzwe nyamara ku banyamahanga bikagaragara nk’ibitangaje cyane. Uburyo abana bafata amazina muri Iceland, nta munyamahanga bitatangaza.

Iceland cyangwa se Repubulika ya Islande, ni ikirwa kiri hagati y’inyanja ya Atlantic y’Amajyaruguru na Arctic. Ni ikirwa gifite kilometero kare (km2) 103.000, kikaba gituwe n’abaturage 332.529, bigatuma ari nacyo gihugu cyo ku mugabane w’u Burayi gifite ubucucike bw’abaturage buri hasi kurusha ibindi, kuko usanga kilometero yose ituwe n’abaturage batagera kuri 4.

Aba baturage ba Iceland ariko, baba abakobwa n’abahungu, abasaza n’abakecuru, abagabo n’abagore, bahabwa amazina mu buryo bwihariye kandi bushobora gutangaza abanyamahanga. Ni umuco kandi bikaba ihame bimitse bagenderaho, kugirango umubyeyi n’umwana bagire amazina afitanye isano uko byagenda kose.

Urugero rufatika, wakwibaza ku bakinnyi b’ikipe y’umupira w’amaguru ya Iceland yatsinze u Bwongereza kuri uyu wa Mbere, ikayisezerera mu mikino ya Euro 2016. Aba bakinnyi bose, amazina yabo aherwa na "Son" kandi si aba gusa, n’abandi b’iwabo bubahiriza ihame mu kwita amazina.

Aba bakinnyi b’umupira w’amaguru bitabajwe mu mukino batsinzemo u Bwongereza, ni Halldorsson, Saevarsson, Arnason, Sigurdsson, Skulason, Gudmundsson, Sigurdsson, Gunnarsson, Bjarnason, Sigthorsson, Bjarnason, Bodvarsson na Traustason

Ihame n’umuco wo muri Iceland mu kwita abana amazina, ni uko umwana w’umuhungu agomba gufata izina rya se akongeraho "Son", hanyuma umwana w’umukobwa we agafata izina rya se akongeraho "dóttir". Aha wakwibaza uko uzavuka kuri uwo mwana we bazamwita, ariko bo uko babigenza, buri wese aba afite amazina abiri (nom & prenom) hanyuma iridaherwa na "Son" niryo umwana azafata hiyongereho ako kajambo. Mbese muri macye, bakoresha irindi zina ritakoreshejwe.

Urugero, niba umugabo yitwa Halldorsson Steven, umwana azabyara azamwita Stevenson hanyuma yongereho irindi, wenda dufate John Stevenson. Uyu nawe naramuka abyaye umuhungu, azamwita Johnson yongereho izindi zina rindi. Aha ariko iyo umwana avutse ari umukobwa hongerwaho "dóttir", bivuga ko byanze bikunze uba uzi ko umwana wa John Stevenson azitwa Johndóttir bakongeraho irindi rimwe.

KANDA HANO UREBE VIDEOS UTASANGA AHANDI