Menya uburyo butangaje wakoresha televiziyo yawe wifashishije telefone igendanwa

Chief Editor | 8-07-2016
Menya uburyo butangaje wakoresha televiziyo yawe wifashishije telefone igendanwa

Nk’uko twabibasezeranyije, urubuga rwanyu Ukwezi.com tuzajya tubagezaho utuntu tw’ingenzi dukoreshwa mu ikoranabuhanga, muri iyi nkuru tukaba tugiye kubagezaho inkuru y’uburyo butangaje ushobora kwifashisha telefone yawe igendanwa, ukabasha gucana, kuzimya, guhindura amasheni, kongera no kugabanya amajwi (volume) ya televiziyo yawe n’ibindi.

Icyo usabwa, ni ukuba gusa ufite telefone igendanwa ikoresha ikoranabuhanga rigezweho rya interineti, iyo telefoni ikaba ikoresha ’Android’ ubundi ukajya muri ’Play Store’ ugashakamo ’Application’ yitwa ’Sure Universal Remote’ hanyuma wamara kuyishyira muri telefone yawe, ukaba intambwe ya mbere urayirangije.

Igikurikiraho, iyo umaze kuyishyira muri telefone yawe, uyinjiramo ugahita ureba ahanditse ’Devices’ ukinjiramo, ukajya ahanditse ’add’, aha niho ushobora guhitamo ubwoko bw’icyo ushaka gukoresha wifashishije telefone yawe, icyo gihe birumvikana uhitamo televiziyo bitewe n’ubwoko bwayo, cyangwa ukaba wanahitamo ikindi gikoresho n’ubwoko bwacyo kuko uretse televiziyo, ushobora no kwifashisha telefone yawe ugakoresha ibindi byuma byinshi, ibi nabyo ukaba ubibona muri iyi ’Application’ ugahitamo icyo wifuza.

Biroroshye cyane gukoresha iyi application, numara kuyishyira muri telefone yawe uzagenda uhitamo ibyo ushaka kandi nta kabuza uzagenda urushaho kuryoherwa. Ntibikiri ngombwa kugura telecomande (remote), ikoranabuhanga rigezweho ryarabikemuye.

KANDA HANO UREBE VIDEOS UTASANGA AHANDI