Ukuri ku bukwe butavuzweho rumwe aho umugeni yahetswe mu ngobyi ya Kinyarwanda - Amafoto

Chief Editor | 8-09-2016
Ukuri ku bukwe butavuzweho rumwe aho umugeni yahetswe mu ngobyi ya Kinyarwanda - Amafoto

Ku mbuga nkoranyambaga zitandukanye nka Whatsapp, Instagram na Facebook, mu mpera z’icyumweru gishize no mu ntangiro z’iki turimo, hacicikanye amafoto y’umugeni uhetswe mu ngobyi ya Kinyarwanda, abantu benshi bayivugaho byinshi bitandukanye, bamwe bavuga ko umugeni yari yagize ikibazo, abandi bavuga ko ubukwe bwabereye ahantu mu manegeka kandi kure y’umuhanda cyane hatabasha kugera imodoka, ariko ikinyamakuru Ukwezi.com cyabashije kumenya ukuri kwabyo n’impamvu y’aka gashya.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Amakuru ikinyamakuru Ukwezi.com cyabashije kumenya, ni uko ubu bukwe bwabayemo ikintu kidasanzwe bwabaye kuwa Gatandatu tariki 3 Nzeri 2016, bukabera i Byumba mu karere ka Gicumbi ndetse ubu abageni bakaba bari mu kwezi kwa buki mu rugo rushya rw’abageni ruherereye i Nyamata mu karere ka Bugesera.

Mu kiganiro ikinyamakuru Ukwezi.com cyagiranye na Mukanyandwi Evelyne wari uhetswe muri iyi ngobyi ya Kinyarwanda, yadutangarije ko umugabo we Gatera James babanje kuganira mu myiteguro y’ubukwe bwabo bagashakisha udushya dutandukanye tuzagaragara mu bukwe, bagasanga umugeni agomba guhekwa mu ngobyi ya Kinyarwanda ariko yaramuka ibuze bagashaka ingobyi igezweho, nk’izikunze gukoreshwa mu guheka abarwayi kwa muganga.

Mukanyandwi Evelyne avuga ko n’ubwo abantu benshi bagize ngo hari ikibazo umugeni yagize abandi nabo bakagenda babivuga ukwinshi, ukuri ari uko umugabo we Gatera James yashatse ko umuco wubahirizwa umugeni we bakamuheka, dore ko n’ubusanzwe mu mihango y’ubukwe usabwa umugeni avuga ko yaje amuhekeye umuryango wamumusabye, kandi akenshi ibi bikavugwa hatabayeho uko kumuheka.

Akomeza avuga ko ibi babikoze mu ibanga rikomeye n’imiryango itabizi, kuburyo abantu bose batunguwe no kubona abasore bari bambariye aba bageni baheka umukobwa mu ngobyi bakamushyira umukunzi we, gusa nyuma bakaba baraje kugenda mu modoka bari kumwe. Avuga ko umuntu bahaye inshingano yo kubashakira ingobyi ya Kinyarwanda yahise ayibona, ariko iyo bayibura burundu bakaba bari kwitabaza ingobyi yo kwa muganga, bagashaka aho bayikodesha ariko ibyo bateguye mu bukwe bwabo bikagerwaho.

Umugeni yahetswe mu ngobyi kugeza bamushyikirije umukunzi we babona kugenda mu modoka

KANDA HANO UREBE VIDEOS UTASANGA AHANDI