Nyuma y’uko bombi bihinduje ibitsina, barakundana kandi bateganya no gushakana

Paola Abizera | 16-08-2016
Nyuma y’uko bombi bihinduje ibitsina, barakundana kandi bateganya no gushakana

Ugihura nabo ntabwo ushobora kubona ko batandukanye n’abandi bantu bakundana ariko inkuru y’urukundo rwabo irihariye kuko bombi bihinduje ibitsina. Umukobwa yitwa Jamie O’Herlihy akaba afite imyaka 23, ariko akaba yaravutse ari umuhungu. Afite imyaka 6 nibwo yatangiye kumva ko muri we yari umukobwa n’ubwo kumubiri byagaragaraga ko yari umuhungu. Yabaye umutinganyi afite imyaka 14 gusa muri 2015 akorerwa operasiyo (Operation) yo kumuhindura umugore.

Umuhungu yitwa Harry Matthew akaba yaravutse ari umukobwa ariko akaba yarakorewe operasiyo imuhindura umugabo. Aba bombi ngo bahuriye mu kigo cyabigishaga kwiyakira mu bitsina bihindurijemo. Bagombaga gukurikira inyigisho zibafasha kwiyakira mu buryo bw’umubiri, bw’ibyiyumvo ndetse n’imitekereze. Aba bombi rero bakaba barahuriye muri izi nyigisho ndetse batangira gukundana.

Abajijwe n’itangazamakuru ku rukundo rwabo, Jamie yagize ati: “Ni nk’aho twahujwe n’ikibazo dusangiye, twembi twashakaga kuza muri iki kigo hashize igihe kinini tukabisubika, ngirango byakunze gusa ari uko twembi twabonekeye rimwe”. Jamie siwe wenyine wihindujye igitsina mu muryango we kuko avukana n’abandi bahungu babiri kandi umwe muri bo nawe yamaze kwihinduza igitsina akaba umugore.

Ku bwabo batekereza ko ari bo bantu bakundana bahuje byinshi , ibi nibyo Jamie yabwiye itangazamakuru abajijwe ku bijyanye n’uburyo abona umubano wabo. Ati: “Igihe cyo kwihindura kuva mu gitsina kimwe ujya mu kindi kiragoye kuko bitera amarangamutima atandukanye, biroroshye cyane kugira ubushuti bukomeye igihe mwembi muri mu rugendo rumwe, nkubu yamaze kumbona ndi kurira kandi atekereza ko ndi mwiza niyo naba ndi kurira, abantu bashobora kubona ko turi kwihutisha ibintu kuko tumaranye amezi make gusa ariko ku bwacu bitubereye byiza cyane”.

Harry yakorewe operasiyo mbere ya Jamie ndetse kuri ubu akaba ari kumufasha kwiyakira mu gitsina cye gishya. Inkuru y’urukundo rwabo yateje urujijo mu bantu benshi ndetse bamwe baravuga bati ntabwo ari urukundo ruzarama ariko bo bavuze ko batitaye kubyo abantu babavugaho.

KANDA HANO UREBE VIDEOS UTASANGA AHANDI