Perezida yategetse ko umugabo wateraga abana SIDA abakiza umuvumo afungwa

Chief Editor | 27-07-2016
Perezida yategetse ko umugabo wateraga abana SIDA abakiza umuvumo afungwa

Ku itegeko rya Perezida, Polisi yo muri Malawi yataye muri yombi umugabo wahembwaga kugirango asambane n’abana b’abakobwa b’abangavu kandi afite agakoko gatera Sida, aho umuco gakondo w’iki gihugu uvuga ko yabakuraho imivumo.

Uyu mugabo witwa Eric Aniva yatawe muri yombi ku itegeko rya Perezida Peter Mutharika, nyuma y’uko mu minsi ishize yari yatangarije BBC ko ahembwa kugirango aryamane n’abakobwa bakiri bato bo muri iki gihugu, aho yahabwaga amadolari hagati y’atatu n’atanu.

Uyu mugabo yari yivugiye ko yaranyamanye n’abakobwa barenga 100 atababwiye ko afite agakoko gatera SIDA, kandi bamwe muri abo bakobwa bakaba bari bafite imyaka 12 cyangwa irengaho gato.

Ibi abaturage babikora bubahirije umuco w’ubwoko bwabo, abasheshe akanguhe bakaba batoranya umugabo uzajya akora iki gikorwa bo batita ihohoterwa, ahubwo ngo ni umuhango wo kurinda imivumo umuryango w’umukobwa no kumutera amahirwe yo kuzagira urugo rwiza. Bizera ko umukobwa udakoreweho uyu muhango aba atazagira urugo rwiza kandi ubyanze akaba yateza ibyago n’umuvumo umuryango we wose.

Perezida Peter Mutharika uyobora iki gihugu cya Malawi, yavuze ko bibabaje kuba muri iki gihugu hari abantu bahisemo guhemukira abakobwa bitwaje umuco.

KANDA HANO UREBE VIDEOS UTASANGA AHANDI