Umugabo amaze kuba umuherwe abikesha kuba asa na Perezida Barack Obama - Amafoto

Chief Editor | 29-06-2016
Umugabo amaze kuba umuherwe abikesha kuba asa na Perezida Barack Obama - Amafoto

Ilham Anas, umugabo w’imyaka 42 ukomoka mu gihugu cya Indonesia, amaze kuba umuherwe no kwamamara bikomeye abikesha gusa kuba asa na Perezida Barack Obama wa Leta Zunze Ubumwe za Amerika.

Ilham Anas, yatangiye kuvugwa cyane mu bitangazamakuru mu mwaka wa 2014 ubwo yatangazaga ko afite inzozi zo kuzahura na Perezida Barack Obama, kubera uburyo abantu bamwibeshyaho bakamutangira mu nzira bazi ko ari we.

Perezida Obama (ubanza ibumoso) asa cyane na Anias

Iyo Abas yambaye neza agenda mu muhanda, abatamuzi bibaza uburyo Perezida Barack Obama agenda nta n’abamurinda bamuherekeje, bagahurura bakanashaka kumuvugisha ariko bakaza gutungurwa n’uko ababwira ko atari Barack Obama.

Abantu benshi bifuza kwifotozanya n’uyu mugabo usa na Perezida Barack Obama

Hari ubwo yigeze gutemberera muri Leta Zunze Ubumwe za Amerika, maze ahurira n’umukecuru mu cyuma kizamura abantu mu miturirwa (elevator), umukecuru arikanga aratangara cyane, yibeshya ko ahuye na Perezida, ndetse kwiyumvisha ko atari we biramugora cyane.

Ubonye Anias, ushobora kwibeshya ko ubonye Perezida Barack Obama

Ubusanzwe Anias yari asanzwe akora akazi ko gufotora, ariko isura nk’iya Perezida Barack Obama Imana yamwihereye bimaze kumugira umuherwe, kuko abantu bakora ingendo baturutse kure bakamusanga iwabo mu mujyi wa Jakarta bakamusaba ko babonana bakanifotozanya, abandi bakamutumira mu birori n’ibindi bikorwa, hakaba n’ibigo bimusaba ko abyamamariza, ibi byose bikamuhesha agatubutse.

Akunda kwifotoreza ku ibendera rya Leta Zunze Ubumwe za Amerika, bigatuma hari ababona neza ari Barack Obama

Uyu mugabo ufite umugore n’abana babiri, yaguze amamodoka n’amazu ahenze kandi umuryango we ubayeho neza ugereranyije na mbere, byose abikesha isura yifitiye. Gusa ariko avuga ko ikimubera imbogamizi, ari uko ari umusilamu kandi akaba anatuye mu gihugu kiganjemo abayoboke b’iri dini, kandi abenshi bakaba badakunda Barack Obama bityo akagira impungenge ko hari uwamuhohotera yibeshya ko abonye Obama.

KANDA HANO UREBE VIDEOS UTASANGA AHANDI