Umugabo yakatiwe igifungo cy’imyaka itanu azira gufunga imbwa ye umunwa

Rukundo Irené | 10-08-2016
Umugabo yakatiwe igifungo cy’imyaka itanu azira gufunga imbwa ye umunwa

Ibitangazamakuru byo mu ntara ya Carolina muri Leta Zunze Ubumwe za Amerika byatangaje ko William Dodson w’imyaka 42, yemeye icyaha cy’uko yahohoteye imbwa ye ubwo yayifungaga umunwa , ikaza kuhagirira ibibazo ndetse byaje kugera aho icika agace gatoya k’ururimi rwayo, iki cyaha ashinjwa kikaba cyaratumye akatirwa gufungwa imyaka itanu.

Iyo mbwa izwi ku izina rya Caitlyine, yahise ijyanwa ku baganga bavura amatungo kugirango bayivure igisebe yari ifite. Ni ibibazo bikomeye Dodson ahuye nabyo byo gufungwa imyaka itari micye azira imbwa ye. Iyi mbwa ngo ajya kuyicirira yayitanzeho amadorari 20 ya Amerika, ngo kugeza kuri ubu ifite imyaka ibiri ndetse ikaba yarabonye abandi bantu bayitaho ariko ikunze kugaragaza ibibazo byo guhora ifite ubwoba ndetse no kwikanga cyane. Ikirego cya Dadson cyagiye gihagarikwa kikimurwa igihe kirekire dore ko yafunzwe guhera mu kwezi kwa Kamena umwaka ushize kuko byagaragaye ko iyi mbwa yayifungaga kuriya mu kwezi kwa Gicurasi.

BBC dukesha iyi nkuru ivuga ko usibye kuba azafungwa imyaka itanu yose ngo azacibwa n’ihazabu y’amafaraga angana 5000 by’amadorali ya Amerika. Dadson we avuga ko yafunze umunwa w’iyi mbwa akoresheje urusinga rw’amashanyarazi kubera ko yamokaga bikabije, we bikajya bimubangamira ariko ngo iyi mbwa yaje kugira amahirwe ikata umunyururu wari uyiboshye iboneraho amahirwe yo gutoroka iyo ngoyi yari iziritsweho.

Ntabwo uyu mugabo Dadson ashinjwa guhohotera imbwa gusa kuko ngo anakurikiranyweho icyaha cyo gutunga imbunda mu buryo bunyuranyije n’amategeko. Ishyirahamwe rishinzwe ubuzima bw’inyamaswa ryo muri Charleston ryagiye rishyira amafoto atandukanye ku rukuta rwa Facebook agaragaza iyi mbwa yahohotewe ndetse n’uburyo ikirego cyo gukurikirana uwayihohoteye gikurikiranwa.

Joe Elmore uhagarariye iryo shyirahamwe ryita ku nyamaswa yagize ati: ”Twebwe icyo dushyize imbere cyane ni ubuzima bwa Caitllyn, tuzakomeza twite kubyo iyi mbwa igomba gukenera kugirango nayo ibeho neza.”

KANDA HANO UREBE VIDEOS UTASANGA AHANDI