Umuhungu na nyina barakundana bakanaryamana kandi bemera no kuzabizira - Amafoto

Chief Editor | 9-08-2016
Umuhungu na nyina barakundana bakanaryamana kandi bemera no kuzabizira - Amafoto

Umugore witwa Monica Mares w’imyaka 36 y’amavuko n’umuhungu we Caleb Peterson w’imyaka 19 bombi bo muri Leta ya New Mexico muri Leta Zunze Ubumwe za Amerika, bashimangira ko bakundana byihariye ndetse bakaba baratangiye kujya bakora imibonano mpuzabitsina, batitaye kuba bashobora gufungwa bazira gukora amahano.

Mares yari afite imyaka 16 gusa y’amavuko ubwo yabyaraga Peterson, hanyuma ahita amwihera undi muryango ngo umurere nk’umwana wabo (Adoption). Ntiyigeze amurera, ndetse yongeye kumubona nyuma y’imyaka 18, hari ku munsi wa Noheli y’umwaka ushize wa 2015. Babonanye ubwo yajyaga kumufata iwabo aho umubyeyi wamureze yabaga muri Texas, amujyana iwe muri New Mexico. Bombi bari barongeye guhuzwa n’urubuga rwa facebook.

Uyu mugore yatwawe umutima n’umwana we w’imfura kandi baranaryamanye kenshi.

Amarangamutima yatangiye kubaganza, bisanga bakundanye ndetse nyuma y’ibyumweru bicye batangira kujya bakorana imibonano mpuzabitsina.

Muri Leta 50 zose zigize Leta Zunze Ubumwe za Amerika, gushyingiranwa cyangwa gukora imibonano mpuzabitsina kw’abafitanye isano y’amaraso ya bugufi ni icyaha gihanwa n’amategeko, gusa buri Leta igenda igena ukwayo ibihano biteganyirizwa uhamwe n’iki cyaha cy’urukozasoni.

Uyu mwana na nyina baganiriye n’ikinyamakuru Daily Mail ariko buri umwe ukwe, maze bombi bashimangira ko bazemera bakirengera ingaruka zabyo ariko ntibavutswe kwikundanira, bakaba bashaka no kugaragaza iby’urukundo rwabo mu ruhame baharanira ko abafitanye isano ya bugufi bajya bemererwa gushyingiranwa mu gihe bikundaniye.

Mares ati: "Ubwa mbere nongera guhura n’umuhungu wanjye amaso ku maso, narishimye cyane ndamuhobera byimbitse. Nari navuganye nawe, njya kumufata ku mubyeyi wamureze muri Texas. Ni urukundo rw’ubuzima bwanjye kandi sinifuza kumubura. Abana banjye bandi bato baramukunda, n’umuryango wanjye ni uko, ntacyadutanya n’iyo byaba inkiko cyangwa gereza, ntacyadukanga ngo dutandukane. Nimfungwa, nzafungurwa njya kuba ahandi hantu batwemerera kwibanira."

Monica Mares, umubyeyi w’abana 9, avuga ko yakwemera akajya kure y’abandi bana be aramutse ahitishijwemo hagati yabo n’uyu muhungu we wamutwaye umutima ndetse wanamugize nk’umugore.

Kugeza ubu, Monica Mares na Peterson baba bombi mu mujyi wa Clovis muri Leta ya New Mexico, ariko ntibabana kuko bategetswe n’urukiko kuba batari kumwe mu gihe bakirimo gukurikiranwa. Urukiko rwabategetse ibi nyuma y’uko urukundo rwabo rutangiye kuvugwa cyane mu mpera z’umwaka ushize wa 2015 no mu ntangiriro z’uyu mwaka.

Monica Mares asobanura ko bagihura bishimanye cyane nk’umwana na nyina, ariko bakaza kubirenga bakagera aho bakundana nk’umugabo n’umugore, bagatangira basomana bikagera n’aho bakora imibonano mpuzabitsina.

Ubwa mbere ajya kumwerurira ko amukunda yagize ati: "Umbabarire, sinzi uko ugiye kubyakira. Ndi mama wawe nawe uri umuhungu wanjye ariko ndimo kugenda ngukunda, ndimo kugenda nkwiyumvamo bidasanzwe. Umuhungu wanjye nawe byabaye nko korosora uwabyukaga, ansubiza agira ati Uzi n’ikindi? Nanjye ni uko. Nari mfite ubwoba bwo kubikubwira... Yari yariyumvisemo nyina, nanjye mwiyumvamo ari umuhungu wanjye."

Nyuma yo kubwirana ikibari ku mutima batangiye kujya bararana, baryamana nk’umugore n’umugabo, ariko Polisi iza kubimenya tariki 25 z’ukwezi kwa kabiri uyu mwaka, bagezwa mu rukiko muri Mata bashinjwa icyaha cyo gukora amahano. Baciwe ingwate y’amadolari 5000 ngo barekurwe bakurikiranwe badafunze,nbazaburanishwa muri Nzeri uyu mwaka.

Ubu Monica Mares ntiyemerewe kugira umwana we n’umwe abonana nawe, n’uyu muhungu we Peterson anafata nk’umugabo we. Agira ati: "Nta kundi byagenda, baranzira urukundo, ntabundi buryo nabigenza, ndamukunda birenze mu by’ukuri. Birambabaza kuba tutari kumwe, biranshengura cyane, nifuza kuba nabasha kongera kubonana nawe ariko nyine ubu ntibishoboka."

Ku ruhande rwa Peterson, nawe ashimangira ko urukundo akunda nyina rwarenze kure urw’umwana akundana n’umubyeyi we. Agira ati: "Mu buzima bwanjye ntitwabanye, ariko ubwo twabonanaga, yagerageje kunshimisha bituma nyuma y’icyumweru ntangira kumwiyumvamo, numva ko mukunda ibirenze iby’umwana na nyina, sinamufataga nka mama mu by’ukuri. Rimwe na rimwe nibukaga ko ari umubyeyi wanjye ariko kenshi nkumva ndamwifuza..."

Peterson avuga ko bajya kuryamana bwa mbere, yarebye uyu nyina nawe akamureba, agahita amusoma byimbitse, kuva ubwo bagatangira kuryoherwa n’urukundo nk’urw’umugabo n’umugore. Avuga ko yumvaga ari uburenganzira bwabo kuko bombi bakuze, akaba atari azi ko bishobora kubateza ibibazo birimo no kuba bafungwa.

Avuga kandi ko kuba nyina ataramureze akaba ataranakuze amubona, biri mu byatumye bakundana ibirenze iby’umwana na nyina, kuko atekereza ko iyo akura bari kumwe iby’uru rukundo bitari kubaho.

Uretse kandi kuba bagomba gukurikiranwa n’inkiko, hari inshuti, abo mu miryango n’abaturanyi babo bagiye babatega bababwira ko bazabica nibakomeza gukora ayo mahano. Gusa ibi byose ntibibaca intege, kuko bumva ntakizapfa kubatandukanya.

Uyu ni Peterson akiri uruhinja, nyina ntiyari azi ko ashobora kuzifuza gukorana nawe imibonano mpuzabitsina

Akarabo yamugeneye ntiyakamugeneye nka nyina, ahubwo nk’umugore yihebeye

Undi nawe iyi mpano ntiyayakiriye nk’ivuye ku muhungu we, ahubwo nk’ivuye ku mugabo wamutwaye umutima.

KANDA HANO UREBE VIDEOS UTASANGA AHANDI