Umupolisikazi wiyambariye ’Bikini’ yatunguye benshi ubwo yacakiraga umujura

Paola Abizera | 1-08-2016
Umupolisikazi wiyambariye ’Bikini’ yatunguye benshi ubwo yacakiraga umujura

Umupolisikazi wo ku rwego rwa ofisiye wari wambaye bikini (Imyenda yo kogana) mu mujyi wa Stockholm muri Suwede, yakanze abajura bo muri uwo mujyi nyuma yo gufata umujura wa telephone babanje kurwanira ku nkengero y’amazi.

Mikaella Kellner na bagenzi be b’abapolisikazi bavuye mu kazi bahita berekeza ku nkengero y’amazi magari kugirango bidagadure. Bidatinze baje kumenya ko umugabo wari uri hafi yabo agurisha ibitabo by’abana, yari yabibye telefone igendanwa, ni uko batangira kumwirukaho.

Abantu bari barimo kuruhukira aho hantu babanje gutekereza ko uwo mugore wirukaga yambaye ubusa yaba arimo gukora imyitozo akoresheje umujinya udasanzwe, ndetse umwe mu bamubonye yibaza atagiye kwiruka mu mikino olimpike.

Ntibyatinze ariko abantu bahise babona wa mugore wirukankaga yambaye ubusa ari kurwana n’umugabo batahise bamenya ako kanya. Abanyamakuru babashije gufata amafoto ye arwana n’uwo mugabo, batunguwe cyane igihe Mikaella yababwiraga ko ari umu ofisiye muri polisi ya Suwede.

Mikaella Kellner ubu yabaye icyamamare nyuma y’aho amafoto ye yambaye bikini acicikanye cyane ku mbuga nkoranyambaga. Mu gihe kitageze no ku masaha 24 ayo mafoto agiyeho, abaturage benshi ba Stockholm berekanye ko bashyigikiye ubutwari bwe. Mu masaha make cyane nyuma y’uko ayo mafoto agiye hanze, abantu 9000 bari bamaze kwiyongera mu bamukurikira ku rubuga rwa instagram.

KANDA HANO UREBE VIDEOS UTASANGA AHANDI