Umusaza w’imyaka 96 yakoze ubukwe n’umugeni we w’imyaka 104 y’amavuko

Chief Editor | 8-06-2016
Umusaza w’imyaka 96 yakoze ubukwe n’umugeni we w’imyaka 104 y’amavuko

Ku Cyumweru tariki 5 Kamena 2016, umusaza w’imyaka 96 y’amavuko yakoze ubukwe n’umukecuru w’imyaka 104 y’amavuko, gusezerana imbere y’Imana bikaba byarabereye mu gace ka Nyeri ko mu gihugu cya Kenya.

Amakuru dukesha Citizen TV avuga ko uyu musaza yitwa Daniel Thenya Kanja, hanyuma umugore we akaba yitwa Gkadys Wahu, bakaba barakoze ubukwe nyuma y’imyaka 76 n’ubundi bibaniraga mu buryo butemewe n’amategeko ndetse bataranasezeranye imbere y’Imana.

Umuhungu wabo mukuru yitwa Joseph Kanja, akaba yarishimiye kubona ababyeyi be bakora ubukwe ari abasaza. Mu bari batashye ubukwe, harimo n’umwuzukuru wabo Eunice Wanjiru wavuze ko urukundo rwa sekuru na nyirakuru rumuhaye icyizere cy’ubuzima bwiza bw’ahazaza.

Mukaro Diocese, umuvugabutumwa wabasezeranyije, yavuze ko mu myaka 76 bari bamaranye bari babanye neza kandi nta kibazo bagiranye, bakaba baranakanguriye abakiri bato kujya bagerageza kubana mu mahoro n’abo bashakanye.

Nyuma yo gukora ubukwe bwabo mu zabukuru, Daniel Thenya Kanja ufite abana batanu n’abuzukuru benshi yafashe icyemezo cyo guhita ajyana umugeni we ahantu kure bakajya mu kwezi kwa buki.

KANDA HANO UREBE VIDEOS UTASANGA AHANDI