AMAKURU

UKWEZI

Umusaza yasubiye mu rugo iwe kandi umuryango we uzi ko yashyinguwe n’umurambo ugatwikwa

Umusaza yasubiye mu rugo iwe kandi umuryango we uzi ko yashyinguwe n’umurambo ugatwikwa
31-08-2016 | By Chief Editor | Yasomwe n'abantu 9306 | Ibitekerezo 1

Umuryango wo mu gihugu cya Mexique watunguwe no kubona umusaza w’imyaka 74 bari bamaze amezi abiri bashyinguye agarutse, kandi hari harakoreshejwe uburyo bwo kubanza gutwika umurambo we mbere yo kuwushyingura nk’uko amategeko n’umuco by’iki gihugu bibigena.

Umusaza witwa Miguel Angel Gomar De Luna yavuye iwe mu gace kitwa Chihuahua muri Mexico mu mezi ashize, agenda agiye kunywa inzoga ariko nyuma aza kuburirwa irengero. Ubwo Polisi yabonaga umurambo w’umusaza wari wangiritse cyane, umuryango wa Miguel Angel Gomar De Luna wahamije ko uyu ari umuntu wabo, uramutwara ndetse ashyingurwa amaze gutwikwa.

Nyuma y’amezi abiri ariko, Polisi yaje gusanga Miguel Angel Gomar De Luna aho yari abayeho mu buzima bubi, asabiriza amafaranga yo kugura inzoga, kuva ubwo hakorwa iperereza ry’aho akomoka maze asubizwa na Polisi mu muryango we. Umuryango we waratunguwe cyane, kuko bari basanzwe bazi ko bamaze kumushyingura.

Ikinyamakuru The Mirror gisobanura ko umukobwa wa Miguel Angel Gomar De Luna witwa Lucero Gomar Ramos ari we weretswe bwa mbere amafoto y’umusaza wari wapfuye ngo arebe ko yaba ari se, undi agashidikanya ariko akabwirwa ko ubwo niba atabyizeye batazigera bajya kubaza umurambo, undi agafata icyemezo cyo gushimangira ko ari umubyeyi we n’ubwo harimo gushidikanya gucye.

Nyuma y’uko Miguel Angel Gomar De Luna asubiye mu muryango we ndetse ubwe akivugira ko atigeze apfa nk’uko abantu babyibwiraga, byahise bitangira kumvikana ko uwashyinguwe yaba ari undi muntu wari mu kigero kimwe n’uyu musaza.


Tanga Igitekerezo
Ibitekerezo 1
Tanga igitecyerezo Kuya 31-08-2016

Tanga igitecyerezo

IGURIRE
IBARUWA ZA JORIJI
URUKUNDO
INKURU ZIKUNZWE
IBIRORI
Ibitekerezo
IZINDI NKURU WASOMA