Umusore yari apfiriye ku kibuga cy’indege nyuma y’iminsi 10 ahategerereje umukunzi we atazi

Bikorimana Alexis | 3-08-2016
Umusore yari apfiriye ku kibuga cy’indege nyuma y’iminsi 10 ahategerereje umukunzi we atazi

Umusore ukomoka mu Budage yari apfiriye ku kibuga cy’indege mu Bushinwa nyuma yo gutegereza iminsi 10 umukobwa bamenyaniye kuri Internet akamuheba.

Alexander Pieter Cirk w’imyaka 41 ubu arabarizwa mu bitaro nyuma yo kumara iminsi 10 ategereje umukobwa bakundaniye ku mbuga nkoranyambaga. Uyu musore yafashe umwanzuro wo kuva mu Buholandi aho yari ari atega indege yerekeza mu Bushinwa guhura na Zhang wari wamwemereye urukundo maze amubuze ku kibuga cy’indege ahitamo kuhaguma ateganya ko umukobwa azahamusanga.

Uyu musore bamusanze yazahaye nyuma y’iminsi 10 ategereje.

Alexander Pieter yaje gusangwa ku kibuga cy’indege cya Changsha ari hafi gushiramo umwuka kubera umunaniro, agahinda no kwiheba, akaba yahise ajyanwa mu bitaro.

Muri telefone ye basanze harimo ifoto y’uwo mukobwa yari atarabona amaso ku maso

Peter Cirk yatangarije ibinyamakuru byo mu Bushinwa ko yamenyanye na Zhang w’imyaka 26 bahujwe na internet aribwo baje kwemeranya ko bagomba guhura amaso ku maso.

Aha yari yajyanywe mu bitaro aho arimo gukurikiranwa n’abaganga

Nyuma y’uko ibi umukobwa abimenye yatangarije itangazamakuru ko ibyo kuza k’umusore ntabyo yari azi, ko iyo umusore yabivugaga umukobwa yumvaga ari imikino dore ko yanafotoye itike y’indege ariko umukobwa we akaba yariyumvishaga ko umusore atava mu Buhorandi ngo aze kumureba mu Bushinwa.

Zhang yakomeje atangariza Hunan TV ko umunsi umusore yageraga mu Bushinwa yari afite akabazo gakomeye katumye akuraho Telefone. Nk’uko BBC ibitangaza, ngo n’ubwo umusore amerewe nabi mu bitaro, ngo aramutse akize umukobwa yiteguye gusubirana nawe bagasubukura iby’urukundo rwabo.

KANDA HANO UREBE VIDEOS UTASANGA AHANDI