Umusore yigaruriye umwongerezakazi wari umugore wa Se ahita anamutera inda

Chief Editor | 6-06-2016
Umusore yigaruriye umwongerezakazi wari umugore wa Se ahita anamutera inda

Umugore w’imyaka 26 y’amavuko ukomoka mu gihugu cy’u Bwongereza, muri 2013 yashakanye n’umugabo w’imyaka 40 w’umu Maasai muri Kenya, nyuma aza kwigarurirwa n’umuhungu w’uyu mugabo we w’imyaka 19 y’amavuko ahita anamutera inda.

Nk’uko ikinyamakuru Dailymail kibibuga, Rebekah O’O’Brien yatangaje ko yavuye iwabo akerekeza muri Kenya ajyanywe n’umubano yari afitanye n’umugabo witwa Rempesa Ole Kirkoya bari barahuriye i Burayi muri 2012.

Rebekah yasanze uyu Rempesa Ole Kiekoya ari umugabo wubatse ndetse anafite undi mugore witwa Joyce, ariko aha muri Kenya ibyo nta kibazo biteye kuko amategeko y’igihugu yemerera abagabo gushaka abagore benshi.

Nyuma y’igihe gito, Joyce yaje kwicwa n’impanuka, ndetse Rebekah bimubera ibibazo bikomeye kuko umuryango wamushinjaga gutera umwaku uwo mukeba we, ariko babyima amatwi bakomeza kwibanira.

Muri Gashyantare 2015, Rebekah yasamye inda ya Rempesa, hanyuma inda imaze kuba nkuru ajya iwabo mu Bwongereza aho yashakaga ko umwana wabo azavukira kugirango azahite abona ubwenegihugu. Yagezeyo yibaruka umwana w’umukobwa, ariko aza gupfa nyuma y’ibyumweru bicye avutse, abimenyesha umugabo we.

Igihe cyaje kugera agaruka muri Kenya, ariko ahita yikundanira na Lawrence, umuhungu mukuru wa Rempesa, uyu akaba yari n’umwana ukiri umunyeshuri. Igihe cyarageze berura iby’urukundo rwabo, ndetse bidatinze Rebekah ahita asama inda ye, umusore aba atwaye umugore wa se atyo.

Rebekah ubu ari iwabo mu Bwongereza, aho amaze icyumweru abyaye umwana w’umuhungu yabyaranye n’umuhungu mukuru w’uwahoze ari umugabo we.

Yabwiye ikinyamakuru Daily Mail cyo mu Bwongereza, ko yamaze koherereza Lawrence amapawundi 600 azamufasha mu rugendo ruzamujyana i Burayi, akabonana n’umugore we ndetse n’umwana babyaranye. Byabaye ngombwa ko ayamwoherereza, kuko nta kazi afite kandi akaba akiri umunyeshuri kuburyo ntaho yayakura.

KANDA HANO UREBE VIDEOS UTASANGA AHANDI