Uruhinja rwavutse rufite ishusho nk’iy’umusaza w’imyaka 80 - Amafoto

Chief Editor | 29-09-2016
Uruhinja rwavutse rufite ishusho nk’iy’umusaza w’imyaka 80 - Amafoto

Umwana w’umuhungu wo mu gihugu cya Bangladesh mu gace kitwa Magura, yavukanye imimerere idasanzwe ituma asaza akiri muto, akaba afite ishusho n’uruhu nk’iby’umusaza w’imyaka ibarirwa muri 80.

Abaganga bo muri iki gihugu ntibabasha gusobanura neza ikibazo cy’uyu mwana, gusa bagaragaza ko ari uburwayi bwibasiye uturemangingo twe. Ni ikibazo gishobora kuba ku muntu umwe mu bantu 4.000.000, bigatuma umwana muto yabaho mu buryo butandukanye n’ubw’abandi bana kandi umubiri ugasaza vuba cyane.

JPEG - 54.8 kb

Umuganga urimo kumukurikirana yagize ati: "Uyu mwana ntasa na gato n’uruhinja, hari ibimenyetso byinshi by’umuntu mukuru birimo ubwoya n’uruhu rwe rugaragara nk’urw’umusaza."

JPEG - 76.7 kb

Iki ariko ntikigaragara nk’ikibazo ku babyeyi b’uyu mwana, kuko bamufata nk’igitangaza bityo bagasanga bakwiye gushima Imana. Se w’umwana witwa Biswajit Patro yagize ati: "Nta kindi ubu turashima Imana, nta mpamvu yo kubabazwa n’uko umuhungu wanjye agaragara. Tuzamwemera uko ari, twishimira kuba dufite uyu mwana w’umuhungu. Dusanzwe turi abanyamugisha kuko dufite undi mwana w’umukobwa, none Imna yaduhaye n’umuhungu. Ubu turi umuryango w’abantu bane, ikindi twasaba ni iki?"

JPEG - 49.1 kb

Ikinyamakuru Daily Mail dukesha iyi nkuru, gishimangira ko Biswajit Patro n’umugore we witwa Parul, bamaze igihe babona abashyitsi benshi baturutse imihanda yose, babasura bashaka kwihera ijisho uyu mwana udasanzwe. Abaganga bijeje umuryango ko umwana wabo afite ubuzima buhagaze neza, n’ababyeyi bakaba bizeye ko azakomeza gukura neza n’ubwo abahanga bagaragaza ko abana bafite ikibazo nk’iki batajya barenza imyaka 13.

JPEG - 71.8 kb

Uyu mwana yavutse afite ubwoya ku mubiri we, wagirango ni umuntu mukuru

KANDA HANO UREBE VIDEOS UTASANGA AHANDI