Urwenya: Seka kandi ntubyihererane usetse n’abandi

Chief Editor | 10-09-2016
Urwenya: Seka kandi ntubyihererane usetse n’abandi

1. Umusore yaratekereje asanga n’ubwo amaze imyaka myinshi arangije amashuri nta kazi arabona, ahitamo kwihangira umushinga. Yarakugendeye ajya ahantu mu cyaro hibera abaturage bamwe biganjemo abatarageze mu ishuri, maze afata ikaramu n’urupapuro yigira busy (arihuzahuza) atangira kwiyandikisha ubusa. Abaturage bakomeje kumwibazaho dore ko ari n’inshuro ya mbere bari bamubonye mu gace kabo hanyuma biyemeza kumwegera ngo bamubaze ikimugenza. Niko kubasubiza ati : “Hari umushinga w’Abashinwa waje mu Rwanda ushaka gufasha abasaza n’abakecuru, none ushaka wese nazane amafaranga 2000 mushyire kuri iyi lisiti”.

Abasaza n’abakecuru si uguhurura umurongo uba umurongo, bariyandikisha bishyira kera. Umusaza umwe w’inyaryenge yarabirebye, araza abaza wa musore ati : “Ariko se mwana wa ... ko utatubwiye bagiye kudufasha iki” ? Umusore nawe amusobanurira ko uwo mushinga ugiye gufata imiryango y’abasaza n’abakecuru ukayiha ingurane y’amafaranga menshi, hanyuma bo (abasaza n’abakecuru) ukabakoramo ibiryo by’inkoko. Ubwo babandi bose bari biyandikishije bahuruye biruka bamusaba ko bo yabasiba, maze nawe arababwira ati : “mumenye kandi ko n’ubwo kwiyandikisha byari 2000 Frw, kwiyandukuza byo ni 5000 Frw”. Ubwo buri wese erega yishyuye 7000 by’ubusa!

2. Umugabo yahawe ikiraka cyo gutwara abarwayi bo mu mutwe muri taxi avuye i Butare ngo abajyane i Ndera, ageze i Nyanza ashaka kwihagarika arahagarara yihina munsi y’umuhanda gato. Agarutse asanga imodoka iramuhamagara bose bigendeye, biramuyobera abura icyo akora n’icyo areka. Ubwo yaje umuhanda wose yibazaaaaa, ageze mu Ruhango arahagarara ati abajya i Kigali muze mbahe lifuti mwese. Si ukubyigana barusha inzuki mu muzinga, umugabo arangije arafunga ubundi icyuma agiha umuriro.

Jugujugu jugujugu na Muhanga, arakomeza na za Kamonyi, arakataza agera Nyabugogo, aba afashe puwa ruru (poids lourd), batangira gusakuza bati ko uturengeje wa mugabo we? Umugabo abima amatwi, akomeza gushwekura. Polisi yumvise abantu basakuza iramuhagarika, agihagarara arababwira ati ntwaye abarwayi bo mu mutwe mvanye i Butare nimureke mpite.

Abaha nomero bahamagara, bayihamagaye bitabwa na docteur, ati :”Iyo modoka muyireke itwaye abarwayi bo mu mutwe bagiye i Ndera. Abantu bati arabeshya arabeshya ni lifuti yaduhaye. Sibwo taxi ihindutse ndakumirwa? Sibwo bayihaye panda gari ya cortege iyiherekeza ?

Umushoferi afatiraho, ageze i Ndera asanga abaganga biteguye kwakira abarwayi, imiti yabo (calmants) yateguwe, uje afite amahane bakamukwikira igishinge, chaufeur akata icyuma cye arataha bamwishyura ko yarangije akazi ke! Ibaze uramutse uri muri bariya batse lifuti.

KANDA HANO UREBE VIDEOS UTASANGA AHANDI